المشاركة الأصلية كتبت بواسطة hazem_khidr (المشاركة 234244)

اسجل اعجابي بكلامك يا محمد باشا
بس مش حعرف اعلق عليه غير لما اقرأه كويس

المشاركة الأصلية كتبت بواسطة noura_taman (المشاركة 234255)

(what)"أنسة نورا وربنا يرزقك بابن الحلال"

ده الكومنت بتاعي ههههههه
وبعدين حضرتك اللي غلطانه المفروض كنتي تعرفينا على احمد


مش قولتلكم هاتفهموني غلط أولا انا متزوجة الحمد لله وأم احمد ربنا يباركلي فيه يارب...

طبعا بشكر الكل على المرور والرد والاهتمام وهو فعلا موضوع مهم جدا وفعلا فيه بنات كتير بدون جواز بس هاقولكم كمان دلوقتي البنات بعد ما بيعدي بيها سن الجواز وبدل ما باقوا بيفكروا في العنوسية والعذاب ده باقوا دلوقتي بيعتمدوا على نفسهم ماديا تماما وكل بنت من دول ماسكة مركز ومرتبها قد كدة وتعد تقارن ما بين نفسها وماببين اي واحدة من اصحابها اللي متجوزين وتشوفها ملبوخة مابين الشغل برضه والعيال والراجل وتعد تشتكلها من الراجل وعمايله فدلوقتي باق الحال ان البنت دي بتحمد ربنا على ما قسمه ليها وتقول انا اشتري دماغي احسن وفعلا انا اغلبية اصحابي باقوا كدة غالبا انا المتجوزة الوحيدة اللي فيهمايه ياترى لأ وايه وكل الناس بقة يعدوا ينصحوني حاولي ماتخليش صاحبتك دي تجيلك كتير ولا تحكيلها عن حاجة ولا ولا زي ما يكون البنت اللي فاتها قطر الجواز دي وباء ممكن يصيب اي بيت تخيلوا الناس باقت بتفكر في كدة فعلا قال خلاص بقة جوزي خلصت الناس اللي حواليه فهي بقة هاتلوف عليه وتخطفه مني ومن هذا كلام كبير وكتير

المشاركة الأصلية كتبت بواسطة فاطومه المصريه (المشاركة 234228)

نورا فينك تغيبى نغيبى وترجعى تتكلمى عن مسلسل :)
عموما انا هقراء الكتاب لانى موش بتفرج على المسلسل لانى مبشوفش تليفزيون اصلا

المشاركة الأصلية كتبت بواسطة sad-bird (المشاركة 234418)

ومستنيين تجربتك مع ابو احمد ( اظن طلع عينه لما قال جااااااااااااااااااااي بهزر طبعا)

المشاركة الأصلية كتبت بواسطة Injection (المشاركة 234394)

الجواز فى مصر يمكن تصويره على أنه عملية شراء من العتبة, بتسأل التاجر عن السعر يقوم قايل سعر عالى, تفاصل معاه فى السعر شوية على حسب "السلعة" وياتتفقوا على سعر أو متتفقوش والبيعة تتفركش وتدور على واحد تانى يكون عنده سلعة أحسن وبسعر أرخص.

ودى مشكلة الجواز الرئيسية فى مصر, أهل العروسة بيطالبوا العريس بمطالب خيالية بالنسبة لشاب حديث التخرج أو لسه بيشتغل, والعريس اللى مايقدرش يدفع يتكل وييجى اللى بعده.

والحاجة اللى مضايقانى بجد أن علشان العريس يتجوز لازم أبوه يكون جايب له شقة تمليك ومجهزها وهكذا, طب أيه اللى يضمن أن العريس ده راجل وهيقدر يعتمد على نفسه ويتحمل مسئولية شخص تانى وهو غالبا مش قادر يشيل مسئوليته الخاصة, كلمة أحنا بنشترى راجل أختفت خلاص وبقت أحنا بتشترى عفش وشقة وشبكة.

وكلمة عنوسة أو عانس دى كلمة حقيرة جدا, وأنا عمرى ما أكره حاجة أكثر من الكلام على الأنسان من وراء ظهره, أيه المشكلة لو واحدة مش عايزة تتجوز أو مش لاقية العريس المناسب, طب الناس مالها أصلا وبتتدخل فى مواضيع متخصهاش ليه, مابره سن الجواز بيبقى مرتفع جدا بالنسبة لعندنا, وبيتجوزوا فى التلاتينات ومحدش بيتكلم.

وأنا كنت متابع للمدونة ومراحل تحولها الى كتاب ثم مسلسل, بس مش متابع المسلسل قوى بس ليا تعقيب, هما ليه مصورين العروسة على أنها ملاك وأن كل الجوازات المحتملة بتنتهى بسبب العريس, مالعروسة بيقى فيها صفات كتير بتخلى العريس يهرب, ممكن تبقى متطلبة, "صايعة"444546 وليها أصحاب ولاد كتير, مبتحترمش العريس وبتنفضله, الغروووووووووور وحب الذات (النرجسية), التسلط, وهكذا.

والخطوبة غالبا بتنتهى بسبب أن أحد الطرفيين مش قادر يتقبل عيوب الطرف الأخر وأرائه, وبيدور على الفارس على الحصان الأبيض أو الأميرة ذات الشعر الأصفر والعيون الخضراء.

ومن موقعى هذا أطالب بعمل كتاب ومسلسل "عايز أتجوز" لأعادة حق الشباب المهدور وفضح الصورة الملائكية للعروسة, ههههههههههههههههههههه.

الجوازة الصح هى الجوازة عن حب وأعجاب متبادل بين الشخصين, وأتفاق بينهم على أنهم يحبوا بعض فى السراء والضراء, والأهل يبقوا متقبلين العريس وفاهمين حالته وعارفين أنه قد المسئولية وهيقدر يخلى بنتهم تعيش مبسوطة معاه مهما كانت حالته الأجتماعية, وبعد الجواز يعيش العريس والعروسة أيام الكفاح ويقدروا يكافحوا مع بعض, فشقة تمليك فعربية فأثنين فشقة تانية ويعيشوا فى تبات ونبات ويخلفوا صبيان وبنات.

والواحد يتجوز ليه أصلا, مايشترى عربية ولا بلاى ستيشن 3 ويقضى حياته فى سعادة مع نفسه من غير مسئولية ولا حاجة ويعيش, وسلام كبير لأحمد ممدوح كبير عازبى المنتدى, ماتسيبناش يا أبو حميد.

وفين الأعضاء المتزوجين يحكولنا عن تجاربهم لعلنا نتعظ ونستفيد.

وشكرا لمدام نوراROSE4U على طرح الموضوع الشيق.

المشاركة الأصلية كتبت بواسطة احمد بدر1978 (المشاركة 234401)

متابع بس فى صمت لانى لو اتكلمت حخبط فى كل الستات فخير الكلام الصمت