|
|
رد: عايزة اتجوز
الجواز فى مصر يمكن تصويره على أنه عملية شراء من العتبة, بتسأل التاجر عن السعر يقوم قايل سعر عالى, تفاصل معاه فى السعر شوية على حسب "السلعة" وياتتفقوا على سعر أو متتفقوش والبيعة تتفركش وتدور على واحد تانى يكون عنده سلعة أحسن وبسعر أرخص.
ودى مشكلة الجواز الرئيسية فى مصر, أهل العروسة بيطالبوا العريس بمطالب خيالية بالنسبة لشاب حديث التخرج أو لسه بيشتغل, والعريس اللى مايقدرش يدفع يتكل وييجى اللى بعده. والحاجة اللى مضايقانى بجد أن علشان العريس يتجوز لازم أبوه يكون جايب له شقة تمليك ومجهزها وهكذا, طب أيه اللى يضمن أن العريس ده راجل وهيقدر يعتمد على نفسه ويتحمل مسئولية شخص تانى وهو غالبا مش قادر يشيل مسئوليته الخاصة, كلمة أحنا بنشترى راجل أختفت خلاص وبقت أحنا بتشترى عفش وشقة وشبكة. وكلمة عنوسة أو عانس دى كلمة حقيرة جدا, وأنا عمرى ما أكره حاجة أكثر من الكلام على الأنسان من وراء ظهره, أيه المشكلة لو واحدة مش عايزة تتجوز أو مش لاقية العريس المناسب, طب الناس مالها أصلا وبتتدخل فى مواضيع متخصهاش ليه, مابره سن الجواز بيبقى مرتفع جدا بالنسبة لعندنا, وبيتجوزوا فى التلاتينات ومحدش بيتكلم. وأنا كنت متابع للمدونة ومراحل تحولها الى كتاب ثم مسلسل, بس مش متابع المسلسل قوى بس ليا تعقيب, هما ليه مصورين العروسة على أنها ملاك وأن كل الجوازات المحتملة بتنتهى بسبب العريس, مالعروسة بيقى فيها صفات كتير بتخلى العريس يهرب, ممكن تبقى متطلبة, "صايعة"444546 وليها أصحاب ولاد كتير, مبتحترمش العريس وبتنفضله, الغروووووووووور وحب الذات (النرجسية), التسلط, وهكذا. والخطوبة غالبا بتنتهى بسبب أن أحد الطرفيين مش قادر يتقبل عيوب الطرف الأخر وأرائه, وبيدور على الفارس على الحصان الأبيض أو الأميرة ذات الشعر الأصفر والعيون الخضراء. ومن موقعى هذا أطالب بعمل كتاب ومسلسل "عايز أتجوز" لأعادة حق الشباب المهدور وفضح الصورة الملائكية للعروسة, ههههههههههههههههههههه. الجوازة الصح هى الجوازة عن حب وأعجاب متبادل بين الشخصين, وأتفاق بينهم على أنهم يحبوا بعض فى السراء والضراء, والأهل يبقوا متقبلين العريس وفاهمين حالته وعارفين أنه قد المسئولية وهيقدر يخلى بنتهم تعيش مبسوطة معاه مهما كانت حالته الأجتماعية, وبعد الجواز يعيش العريس والعروسة أيام الكفاح ويقدروا يكافحوا مع بعض, فشقة تمليك فعربية فأثنين فشقة تانية ويعيشوا فى تبات ونبات ويخلفوا صبيان وبنات. والواحد يتجوز ليه أصلا, مايشترى عربية ولا بلاى ستيشن 3 ويقضى حياته فى سعادة مع نفسه من غير مسئولية ولا حاجة ويعيش, وسلام كبير لأحمد ممدوح كبير عازبى المنتدى, ماتسيبناش يا أبو حميد. وفين الأعضاء المتزوجين يحكولنا عن تجاربهم لعلنا نتعظ ونستفيد. وشكرا لمدام نوراROSE4U على طرح الموضوع الشيق. |
رد: تاكسى السهرة(كورسير)
اقتباس:
|
رد: تاكسى السهرة(كورسير)
اقتباس:
اقتباس:
|
رد: عايزة اتجوز
متابع بس فى صمت لانى لو اتكلمت حخبط فى كل الستات فخير الكلام الصمت
|
رد: عايزة اتجوز
اقتباس:
لو ان ده مش موضوعي علشان ارحب بالضيوف لكن هتطفل على حقوق مدام نورا واقدم الشاي والقطايف علشان مشغوله مع احمد يارب تكبر يا أحمد بقى وتروح المدرسة ههههههههههههههه إلا هو احمد عنده كام سنة 444546 منور يا ميمو واتفضل الشاي بتاعك ليه محدش هيبقى عنده اللي يقوله اكيد فيه حاجة تقولها ، احنا بنقول كل واحد يحكي عن تجربته او يقول وجهة نظره او الموقف اللي حصل معاه وبعدين ظروفنا الاجتماعية والاقتصادية اللي وقفت الجووووواز احنا اللي عملناها بنفسنا سواء الاهل او الشباب او البنات مستنييين تجربتك يا ميمو |
رد: عايزة اتجوز
اقتباس:
منورنا يا أحمد باشا اتفضل الشاي بتاعك على فكرة انا اسمي محمد ، وجزانا الله واياكم خيرا يا استاذ احمد انا غلبان على قد حالي هما كلمتين كانو مترتبين في دماغي عن الموضوع لاني لسه كنت مع ابن خالتي قريب في حوار جوازه وبعدين انا قلت اللي اعرفه اما بقى عن كلام خير البرية صلى الله عليه وسلم ، فهو حل لكل مشاكلنا اللي احنا فيها لكن مين بيعمل بيه للأسف قلييييييييييييييل حتى النسبة القليله من الملتزمين تلاقي الواحد يظهر بمظهر حسن ويخفي اكثر مما يبطنواحب اعرف واتعلم اكتر من غيري وياريت تحكيلنا تجربة جوازك |
رد: عايزة اتجوز
اقتباس:
منورة يا استاذه فاطمة اتفضلي الشاي بتاعك لو بدأتي اول صفحة في الكتاب مش هتقفليه زي معملتي في ادب الرحلات وقريتي ال 28 صفحة في ليلة ومستنيين تجربتك مع الجواز او العرسان |
| الساعة الآن 09:45 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017