مصر موتورز مجتمع السيارات - محتار بين عربيتين زيرو او مستعمل ومش عارف تجيب ايه ادخل وانا هقرنلك مبينهم مقارنه شامله صور واسعار ومواصفات ورايي الشخصى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: محتار بين عربيتين زيرو او مستعمل ومش عارف تجيب ايه ادخل وانا هقرنلك مبينهم مقارنه شامله صور واسعار ومواصفات ورايي الشخصى

مشكور يا استاذ محمد وربنا يباركلك بصراحة من ساعة مرجعت وانت منطلق ربنا يوفقك وتفيد المنتدى
بصراحة انا هتعبك شوية معاية
انا محتار جدا بين 3 سيارات
بيجو 301 2013 اعلى فئة
ستروين سى اليزا اعلى فئة 2013
نيسان صنى سوبر صالون 2013
اهم حاجة عندى تبقى سيارة محترمة واعتمادية ومشاكلها معدومة

اقتباس:

المشاركة الأصلية كتبت بواسطة reda310 (المشاركة 894819)

ربنا يخليك يا غالى نورت الموضوع
وولا تعب ولا حاجه اول حاجه استبعد السى اليزا عشان البيجو هى هى بس الصراحه احسن منها وانا شخصيا طبعا لو مكانك هجيب ال 301 طب المقارنه دلوقتى ما بين البيجو 301 والنيسان صنى هما الاثنين ككماليات هما هما فرق البيجو حجات اعلى سنه صغيره بس البيجو طبعا شكلها اشيك كتير من الصنى بس الصنى زياده فيها تكيف خلفى فقط والصنى اوسع بس الصنى شكلها من الخلف مش حلو نهائى الصراحه ودى مسئله ازواق انا مش عجبانى شكل الصنى عموما من الخارج والبيجو شكلها اشيك وعربيه فرنساوى مش اى حاجه وشكل التابلوه اشيك بس الفروقات انك لو عايز عربيه عائليه هما الاثنين هيكونوا كويسين بس الصنى هتكون اريح كتير اما لو عايز عربيه شبابى وشكلها شيك يكون ال 301 ولو تحب انى اعملك مقارنه بالصور والكماليات انا معنديش اى مانع :THUMBS~220:

ايه النشاط دا كله والله ربنا يباركلك وانا بجد اسف انى تعبتك معايا بس خبرتك فى المجال دا هتفدنى جدا فى الاختيار لانى انشالله على اخر السنة هغير واجبها وكنت محتار جدا
بس بصراحة عندك حق جدا فى كل كلامك فى استبعاد الستروين وفعلا الصنى من ورا مش حلوة كنت فى جمصة الوقتى وشفت كزا واحدة هناك-بس هو دا المتاح فى حدود المبلغ اللى معايا 130
معلش لو هتقل عليك يا ريت انشالله الاوبشن بس والابعاد حتى
عشان اعرف الاختلاف انهى اكبر وحاجات تهمنى زى حساس ركن ملتى فانكشن حاجات كدا
اعلى فئة فى الاتنين
وشكرا يا استاذ محمد مرة تانية
وتقبل تحياتى.......

بس كده من عنيه الاثنين انا دلوقتى بعمل تقرير اليومى بتاع كل يوم هخلصوا وقول لحضرتك على طول اعذرنى

تسلم عنيك كلك ذوق والله

انا اسف جدا والله لانى نزلت ولسه جى اما على المقارنه فهعملها لحضرتك دلوقتى

اقتباس:

المشاركة الأصلية كتبت بواسطة reda310 (المشاركة 894856)

اول حاجه بخصوص الابعاد
البيجو 301
الطول 4442
العرض1748
الارتفاع1466
قاعدة العجلات2652
الوزن الصافى 1185 كجم
سعة خزان الوقود 50لتر

اما بالنسبه للنيسان صنى
الطول 4425
العرض1695
الارتفاع1505
قاعدة العجلات2600
الوزن الصافى 1029كجم
سعة خزان الوقود 41 لتر

اما بالنسبة للمحرك
البيجو 4اسطوانات \1600 سى سى\115 حصان
النيسان 4 اسطوانات\1500 سى سى\99حصان

بالنسبه للمالتى فانكشن فالاثنين فيهم مالتى فانكشن

وهعمل لحضرتك مشاركه ثانيه فيها مقارنه بالصور والاوبشنز دلوقتى بس بجمع الصور :soccer_372: