رد: رابطة مالكى الاكسل
 

الحمد لله على كل حال
اشتريت مشط للاسبراتير استيراد ب 300 ج
وكان فيه تايوانى ب 90 ج بس بيقولوا وحش
وفى نوع ب 190 مكتوب عليه متسوبيشي برده قالوا مش مضموت
ربنا يستر ع اللى جبته ده
ومصنعيه 70 ج
هل فيه جهاز يكشف مدى صلاحية المشط والموبينه ولا مفيش اصلا
1- وهل زرار فصل الكهربا عن الموبينه للامان بيضر الموبينه ولا لا ؟
2- عطل لما بتكون سخنه وتفصل واجى ادورها بتغيب فى الدوارة
3-عندى عيب فى كتاوت الدينامو ورعشه فى النور وضعف ولما بدوس بنزين بيزيد ويثبت// هل كده وضع الدينامو يسبب مشكله غير كده ؟؟
4-فبرة تقليب النقلات بتاعة الفيرنا تركب ع الاكسيل ولا لا
وهل رجلشة عصايا الفتيس خلاف الفبره ولا تغيير الفبره يكفي لزوال الدقره اللى فى النقلات
خصوصا ان دلوقت اللى تاعبنى فى العصايا النقله ع التالت فقط الدقره بتبان اكتر
وما الطريقة المناسبه لرجلشة العصايا
5 انا لما اجيت اعمل نص عمره لقيت الشمايز ناعمه ومخرطتش قبل كده والكرنك سليم وركبت طقم شنبر وغيرت بساتم فقط استاندرد
فوجئت النهارده بميكانيكي اخر اللى عملت مشط الاسبراتير
بيقولى كان الافضل تجيب بساتم اكبر من الاستاندر وتخرط الشميز والكرنك وتغير سبيكه
عشان المكنه عندك جرشه وخشنه
عشان يبقي الشغل نظيف
هل كان لازم حتى مع سلامة الشمايز والكرنك ان اخرطهم واغير السبيكه
ولا المطلوب اتعمل وخلاص
ارجو الاجابة المستفيضه للخمس نقاط ارجوكم
ولكم جزيل الشكر والامتنانGIFT4U

رد: رابطة مالكى الاكسل
 

اقتباس:

الحمد لله على كل حال اشتريت مشط للاسبراتير استيراد ب 300 ج وكان فيه تايوانى ب 90 ج بس بيقولوا وحش وفى نوع ب 190 مكتوب عليه متسوبيشي برده قالوا مش مضموت ربنا يستر ع اللى جبته ده ومصنعيه 70 ج هل فيه جهاز يكشف مدى صلاحية المشط والموبينه ولا مفيش اصلا

الاستيراد هو انسب حاجة .. كويس انك جبته استيراد ..

ومعتقدش ان فى جهاز يكشف على الموبينة للاكسيل ..

اقتباس:

- وهل زرار فصل الكهربا عن الموبينه للامان بيضر الموبينه ولا لا ؟

لا مش هيضر ان شاء الله .. متقلقش منه ...

اقتباس:

-عندى عيب فى كتاوت الدينامو ورعشه فى النور وضعف ولما بدوس بنزين بيزيد ويثبت// هل كده وضع الدينامو يسبب مشكله غير كده ؟؟

هى مشكلة فى الكتاوت زى ما قلتلك قبل كده يا وائل ...

وممكن يكون الدينامو فيه مشكلة تخليه يبوظ البطارية (شحنه عالى مثلا)

ولكن مشكلة الرعشة دى من الكتاوت ...

والوضح ده لو سبته كتير هيأثر على الاجزاء الالكترونية الصغيرة فى العربية (زى لمبات التابلوه مثلا او لمبات الزراير) وغيرها ...

وممكن كمان يأثر على البطارية على المدى البعيد .....

اقتباس:

-فبرة تقليب النقلات بتاعة الفيرنا تركب ع الاكسيل ولا لا وهل رجلشة عصايا الفتيس خلاف الفبره ولا تغيير الفبره يكفي لزوال الدقره اللى فى النقلات خصوصا ان دلوقت اللى تاعبنى فى العصايا النقله ع التالت فقط الدقره بتبان اكتر وما الطريقة المناسبه لرجلشة العصايا

مش عارف والله يا وائل فبره الفيرنا تركب عندك ولا لأ ..

وممكن رجلشة العصايا تكون كافيه ويختفى البوش اللى بين النقلات .. اما لو البوش كبير فممكن تحتاج انك تغيرها .. شوف صنايعى كويس واكيد هيظبطلك الدنيا .. ولو مبوشة ممكن يحطلها تخشينة ويظبطهالك بدون ما تغيرها ...

اقتباس:

انا لما اجيت اعمل نص عمره لقيت الشمايز ناعمه ومخرطتش قبل كده والكرنك سليم وركبت طقم شنبر وغيرت بساتم فقط استاندرد فوجئت النهارده بميكانيكي اخر اللى عملت مشط الاسبراتير بيقولى كان الافضل تجيب بساتم اكبر من الاستاندر وتخرط الشميز والكرنك وتغير سبيكه عشان المكنه عندك جرشه وخشنه عشان يبقي الشغل نظيف هل كان لازم حتى مع سلامة الشمايز والكرنك ان اخرطهم واغير السبيكه ولا المطلوب اتعمل وخلاص

سيبك من الفاشل اللى قالك الكلام ده ..

يعنى تبقى المكنة استاندرد والشمايز سليمه والكرنك سليم وتروح توديه مخرطة وتوسعه ؟؟!!!!!

ليه يعنى ؟؟!!!!

سيبك يا عم وائل من الكلام الفاضى ده كله ومتديش ودنك لاى كلام لانك مش هتخلص ...

لو عايز تطمئن على اداء المكنة ممكن تعملها اختبار كبس علشان تنهى الحوارات دى ...







و اسف على التاخير فى الرد يا باشا ... سامحنى .....

رد: رابطة مالكى الاكسل
 

رد: رابطة مالكى الاكسل
 

لو سمحتم ياكسلاويه عايز اسألكم عن اخر اسعار السوق بالنسبه للهيونداي اكسيل 1500 ونرجوا سرعه الرد وياريت لو حد عنده حاجه كويسه للبيع

رد: رابطة مالكى الاكسل
 

انا اشتريت من شهرين اكسيل هاتشباك 96 1300سي سي (تكييف+سنتر بريموت+فرش اصلي) حالة كويسة فابريكة برة وجوه عداد 58000 كم تقريبا اول يد ب32500 جنيه والاكسيل حالتها نضيفة من 35 ال 40 وكان في واحدة سيدان 98 1500 سي سي (تكييف+باور+4زجاج كهرباء+اريال كهرباء+سنتر وانذار+جنوط سبور) لسة مشدودة وفابريكه دواخل ورشة بره ب34000جنيه وفي عربية على موقع بيزات كوري 94 فابريكة بره وجوه بس غالية عاملة 45000جنيه ونصيحة ليك لازم علشان تريح نفسك تشوف حالة العربية وتوديها لبنزينة او مركز معتمد يكشفلك عليها ويعرفك كل اللي فيها والافضل انها تكون ماشية قليل وياريت لو فابريكة بالكامل واذا لاقيت كوري من 94 وانت نازل لان اللي بعد كدا مصري .
ربنا يباركلك ويوفقك في الاختيار.

رد: رابطة مالكى الاكسل
 

رد: رابطة مالكى الاكسل
 

السلام عليكم
انا عندى مشكلة مش عارف هى خطيرة ولا لا
العربية بتسقف كتير اوى مع العلم سحبها كويس و مغير طقم كهرباء كامل و ظابط كهربا اسبراتير و مغير سير كاتينة و مفسم و كله و حتى البنزين اما 90 او 92 و برضه التسقيفة شغالة ارجو الافادة