رد: كل ما يخص الشهر العقارى
 

السلام عليكم اخى
انا ذاهب لشراء سيارة والرخصة لسة عليها سنتين عشان تنتهى ايهما افضل عمل توكيل او عقد بيع مسجل
وهل لو عملت عقد بيع مسجل لا امضى كمشترى حتى استفيد بالسنتين وهل بهذا اصبحت السيارة فى ملكيتى بمعنى انى باذن الله لو فيه عمر بعد السنتين مش محتاج اروح الشهر العقارى خلاص هروح على الفحص والتجديد علطول وايه الاجراءات لان العربية من محافظة وانا من محافظة تانية وشكرا لك اخى

شششششششكراااااا جزيلا استاز محمود على المجهود الرائع
 

رد: كل ما يخص الشهر العقارى
 

السلام عليكم ،،،
إخوانى بالمنتدى عندى استفسار عاجل جدا
ياريت تطولوا بالكم ومتزهقوش من كتر كلامى
دلوقتى انا شوفت عربية مستعملة عالنت صاحبها عاوز يبيعها عشان مسافر المهم اخدت ميكانيكى وشافها وقال كويسة واتفقنا على تمنها وكتبنا عقد ابتدائى اديته جزء قليل من الفلوس(750) جنيه لغاية ما يجيبلى شهادة المخالفات والرخصة والعربية والعقد المسجل فى الشهر العقارى باسمى ، واسلمه باقى المبلغ واستلم العربية لــكــــــــن المشكلة ان البابع ده كان معموله توكيل من ورثة يــعـــنــى العربية كان ليها مالك الرخصة باسمه والمالك ده مات واتعمل اعلام وراثة فىه 3 اشخاص بس هما ورثة المالك ده اللى الرخصة باسمه ، الورثة التلاتة دول بقى عملوا توكيل (بيع للنفس وللغير والتعامل مع المور وتوكيل الغير) لصاحب العربية اللى انا بشترى منه ، وانا كنت اتفقت معاه انه يعمللى عقد مسجل فى الشهر العقارى مش توكيل ومش حمضى مشترى عشان الرخصة لسة فيها سنة وعاوز استفاد بيها (خصوصا ان العربية فيها حبة تظبيط مش عاوز اعملها دلوقتى لانى لسة بتعلم سواقة وخايف بعد ما اصرف عليها ابهدلها) لكن لما راح الشهر العقارى الموظف طلب منه اعلام الوراثة وشافه واتاكد ان اللى فى التوكيل دول هما بس ورثة مالك العربية اللى الرخصة باسمه لكن الموظف قالله لا مينفعش المشترى ميمضيش مشترى لازم ييجى يمضى مشترى لان انت (الموظف بيكلم البايع) تعتبر مش موجود وكأن الورثة ـ بتوع مالك العربية اللى مات والرخصة باسمه ـ هما اللى بيبيعوا للمشترى
وسؤالى أعمل ايه دلوقتى
ــ هل أخللى البايع يعمللى توكيل بيع للنفس وللغير والتعامل مع المرور ... وكده ونكتب عقد ابتدائى عادى ولما الرخصة تقرب تخلص ـ لسة فيها حوالى سنة ـ اروح ابيع لنفسى فى الشهر العقارى بعقد مسجل وامضى بايع ومشترى وبعدين اروح المرور أكمل الإجراءات [وطبعا ده عشان عاوز استفاد بالسنة اللى لسة فى الرخصة ومعييش فلوس اروح أظبط العربية عشان انقل مكلكيتها دلوقتى فى المرور خصوصا انى لسة بتعلم السواقة)
ــ ولا أخليه يعمللى عقد مسجل فى الشهر العقارى بس ساعتها حضطر امضى مشترى ، وفى الحالة دى يبقى لازم انقل ملكية فى المرور خلال 30 يوم ، وحضطر أصلح العربية وأظبطها وكده قبل ما اروج افحص عشان انقل ملكية .

أرجو تنصحونى نصيحة وافية وشاملة عشان انا محتار جدا وخايف اعمل اجراءات غلط ، خصوصا ان البايع حيسافر ومش حعرف اجيبه وانا مليش تعامل مع ورثة مالك العربية الاصلى اللى مات والرخصة لسة باسمه
واسف على الإطالة وشكرا مقدما

رد: كل ما يخص الشهر العقارى
 

عاوز اشترى سيارة بالتقسيط من بنك ناصر الاجتماعى والسيارة من النوع الفان علما انى هاشتريها عن طريق ضمان معاش حمايا وانا اسكن فى الجيزة والمشكلة ان ترخيص الفان موقوف فى الاقصر حيث عنوان حمايا واريد ان ارخصها فى مرور الجيزة باسمى ومن شروط البنك وجود حظر بيع على السيارة

رد: كل ما يخص الشهر العقارى
 

هو الموضوع مات ليه كده خالص
زى باقى كل الموضوع
مع انه كان مفيد جدا
وانا كان ليه استفسار بس خلاص مش هكتبه لان الموضوع خلاص مات

رد: كل ما يخص الشهر العقارى
 

ماذا يحدث لو تم بيع السيارة بعقد ابتدائى فقط ؟
يعنى عربيتى بعتها لواحد بموجب عقد ابتدائى وكان فيه اقرار استلام السيارة وحددنا اليوم والساعة واخدت فلوسى ما عدا مبلغ صغير لما اجيب المخالفات واعمله الوكيل وهو استلم العربية والرخصة كمان وكان الاتفاق انه بعد يومين هنتقابل علشان اعمله التوكيل والمخالفات الا انه اعتذر وقال انه عنده ظروف وحددنا معاد تانى لكن انا حاسس انه مش هييجى برضه ودلوقتى انا اللى بزن عليه علشان اعمله التوكيل مع انى انا البايع واخدت فلوسى كمان .
دلوقتى هل يوجد اى ضرر يقع عليه انا من عدم عمل التوكيل له ؟
او لو هو عمل مصيبة بالعربية وحب يرجع فى كلامه او اى حاجة هل يقع ضرر عليه انا ؟
هو كان كلمنى انه هيبيع العربية لحد تانى لانه تاجر وطلب منى انى اعمل للراجل الجديد التوكيل مباشرة فهل لو انا عملت كده هبقى بيعت العربية مرتين مرة للمشترى الاول بعقد البيع ومرة بالتوكيل للراجل الجديد ؟
هل فى اى داعى للقلق اللى انا فيه ده ؟
ولو حبيت اعمل شهادة بيانات للعربية من غير الرخصى ايه الحل ؟

__________________

رد: كل ما يخص الشهر العقارى
 

انا عندى سيارة سزوكى فان موديل 2013 ومعايا توكيل بالبيع لنفسي او للغير وعايز اعرف تسجلها يتكلف كام علما بان الرخصة تنتهى اخر 2015