المشاركة الأصلية كتبت بواسطة sad-bird (المشاركة 230867)

لو سمحت احجزلي 4 اول لما ينزلوا من التوكيل

المشاركة الأصلية كتبت بواسطة ابو جودة (المشاركة 230870)

ياباشا الروسه دى اخرها يوم الصبحيه والبطاريه بتعتها تخلص ولو مخلصتش احنا الفراعنه يرضيك يبقى النسل بتاعنا فرعون اصير يا فرحه اسرائيل

المشاركة الأصلية كتبت بواسطة أحمد فاروق سيد (المشاركة 231013)

المشاركة الأصلية كتبت بواسطة AboNoRa (المشاركة 231172)

يا جماعة الصين فيها 124 مليون مسلم ومسلمة
بس هى الفكرة دائما الصينى الاستيراد يقلق ووارد فيه عيوب تصنيع كتير اللى عايز صينى على ابوه يسافر يجب من هناك ويتحمل فرق التكلفة وبرضو هتبقى ارخص من المحلى
بس بجد بقى لو العملية هتوصل لكدة نبقى غلطانين لانك ممكن تتجوز مصرية من بيئه متواضعة ومتطلبش كل الحاجات ديه بالعكس ممكن تكون زوجة طيبة وام معلمة وانسانة عايزة تعيش بس اللى يدور هيلاقى والله فى ناس ظروفهم صعبه جداً كتير

وبجد بجد ياريت كل الشباب او حتى اللى هيتجوز للمرة التانية يفتكر الحديث ده وهو بيختار
روى عن رسول الله (ص)برويات عدة انه قال

" أقلهن مهورا أكثرهن بركة "

او" أعظم النساء بركة أيسرهن مؤنة "

أو " أعظم النكاح بركة أيسره مؤنة "

او " إن من يمن المرأة تيسير خطبتها وتيسير صداقها وتيسير رحمها "

او " إِيَّاكُمْ وَالْمُغَالاَةِ فِى مُهُورِ النِّسَاءِ فَإِنَّهَا لَوْ كَانَتْ تَقْوَى عِنْدَ اللَّهِ أَوْ مَكْرُمَةً عِنْدَ النَّاسِ لَكَانَ رَسُولُ اللَّهِ -صلى الله عليه وسلم- أَوْلاَكُمْ بِهَا مَا نَكَحَ رَسُولُ اللَّهِ -صلى الله عليه وسلم- شَيْئًا مِنْ نِسَائِهِ وَلاَ أَنْكَحَ وَاحِدَةً مِنْ بَنَاتِهِ بِأَكْثَرِ مِنِ اثْنَىْ عَشَرَةَ أُوقِيَّةً وَهِىَ أَرْبَعُمِائَةِ دِرْهَمٍ وَثَمَانُونَ دِرْهَمًا " الى اخر الحديث

والاحاديث بمجموع الروايات متواترة بنفس المعنى

يعنى من الاخر وبالبلدى جداً يا شباب كل ما كانت عروستك طلباتها قليلة سواء هى او اهلها كل ماكانت اكثر بركة واوسع رزقا من غيرها وخد بالك ده مؤشر الهى غاية فى الدقة علشان تعرف من الاخر اذا كانت العروسة وشها هيبقى حلو عليك ولا فقرية وهتجيبك الارض

طبعاًُ الكلام يطول فى الجزئيه ديه بس مش هطول عليكم لكن خاتماً اقول

المشاركة الأصلية كتبت بواسطة sad-bird (المشاركة 231256)

تسلم ايدك يا ابو نورا


بالنسبة لموضوع الصيني المضروب ده عيب المستوردين هنا مش الصناعه الصينيه والموضوع ده اكتشتفه بالصدفة البحته على مرتين ورا بعض في شهر واحد
المرة الأولى كنت في احد مراكز المعلومات وكان عندهم اجهزة كمبيوتر ايام ما كان الكمبيوتر حاجة لها قيمة وكانت منحة من الولايات المتحدة والاجهزة كانت IBM اوريجنال طبعا والجهاز رغم انه كان قديم وقتها الا انه كان سريع جدا مقارنة بالاجهزة الجديدة وبسأل مدير الصيانة ازاي
قالي انا كنت موجود مع الوفد الامريكي من يوم ما وصلوا لغايه لما مشيوا وهما اللي علموني كل حاجة هنا من اول فتح الجهاز لغايه الصيانه ( ايامها اللي يعرف يفك الغطاء بتاع الجهاز ويركب جنبر ويقفل دايرة او يفت ح دايرة في الجهاز يبقى عبقري كمبيوتر وملوش حل ويتعمله فرح النهادرة طبعا الاطفال في ابتدائي بتعمل صيانه الاجهزة احسن مننا هههههههههه)
المهم الراجل بيقلي اصل الاجهزة اوريجنال رغم ان مكوناتها كلها صيني
قلتله نعم
قالي والله
وفتحلي جهاز ووراهولي ( طبعا فتحنا الجهاز ولا نبيل الحلفاوي وهو بيعمل القنبلة في الطريق إلى ايلات)
بقله ازاي دي قالي عادي وسكت
الموقف التاني عرفته من شكرة كنت بشتغل معاهم من حوالي 7 سنين
مسئول الصيانة بنتكلم عن الصيني والماليزي والتايواني والالماني قالي كله زي بعضه المهم المستورد بيجيب ايه
نعم بيجيب ايه ازاي
قالي المستورد بيتصل بالمصنع وبيقول له عاوز مواصفات كذا ويجبها يا اما المصنع بيكون عامل انتاج وعامله فرز في التجارب زي السيراميك كده فرز اول وتاني وتالت ورابع الفرز الاول بسعر والتاني بسعر وهكذا
طيب وبعدين ايه الي بيحصل
قالي المستورد بيطلب الممناسب لسعر القدرة الشرائية للسوق بتاعه
يقدر يبيع الجهاز بعشر الاف يجيب حاجة عاليه يقدر يبيع الجهاز ب 5 يجيب حاجة وسط يقدر يبيع الجهاز ب3 يجيب حاجة على القد
وقتها كان اغلب الموجود في السوق والشاع استخداه ما بين 3 و 4 الاف

واحنا( بتوع الصيانه) بقى نخبط دماغنا في الحيط ( الكلامده ايام ما كانت صيانه الاجهزة عموما ومكونات الكمبيوتر على وجه الخصوص حاجة محترمة النهاردة طبعا كل ما حاجة تضرب تروح للصيانه يقولوا يا عيب مستخدم يا اما تردد في التيار الكهربي )
طيب ازاي ياعم
راح مطلعلي 3 هاردات 40 جيجا وقتها
الاول تايواني
والتاني ماليزي
والتالت تايواني برضة
الاول اقرا الرقم المحفور عليه في ركن لقيته 4
التاني اقرا الرقم لقيته 4
التالت اقرا الرقم لقيته 1 رغم انها نفس سنة الصنع ونفس الشركة
لكن الاول والتاني دايين مصر على انهم قطع غيار وطبعا بتتجمعه هنا وجايين بمواصفات معينه
لكن التالت كان جايبه من جهاز اوريجنال من ماركة معروفة ومكتوب على الهارد نفسه في بياناته منتج في الصين بمعرفة شركة كذا لصالح شركة كذا بالمواصفات القياسية الألمانية ( وقتها الاتحاد الاوربي كان لسة مطلعش)


اما بقى بالنسبة للعرايس فحدث ولا حرج
مبقاش فيه بيوت بسيطة او عاوزة تبان انها بسيطة
وتلاقي البيت على قد حاله ولما يجي للبنت عريس البيت يتهد ويتبني من جديد وده احنا بنعمل كده كل كام سنة بنغير سيراميك ونغير المطبخ معلش اصبرو على الزياة اسبوعين والا حاجة
ونيجي ساعه الاتفاق تلاقي ابو العروسة بيتكلم ولا كأنه رئيس الوزراء وبنته تبقى مثلا سميرة موسي لو بتدرس وبتكمل او رانيا علواني لو بتلعب حجلة مع اصحابها في الشارع ، او امينة رزق لو بتعرف تمثل في مسرح المدرسة او ام كلثوم لو صوتها عذب شوية
او فاطمة الزهراء رضي الله عنها لو كانت حافظة سورتين على بعض
وطبعا حدث ولا حرج
عاوزين شبكة بكذا والعفش كذا اوضة والشقة تكن في جاردن سيتي ومتنساش التكييف علشان الجو داخل على حر، والساونا والجاكوزي وام العروسة تيجي تفلي كل حاجة بتيجي منين وفين وازاي وبكام

من حوالي 7 سنين ايام ما الواحد كان بيجري على جواز
واحد صاحبي جوازته اتفركشت قب الفرح بفترة بسيطة ايه السبب
هيافات
ام العروسة رايحة تشوف الشقة اللي اخدوها لقيت فيها حيطة معووجة معجبتهاش الشقة وقالت بنتي متقعدش فيها يا تشوف غيرها يا تسيب بنتي
الارجل كان كع دم قلبه كتير وما صدق لقى شقة
قالها طيب بنتك عندك خليها تنفعك
وفركشششششششششش


اسف جدا جدا جدا على الاطالة