مصر موتورز مجتمع السيارات - ارشيف الاستراحة 2010

مميزات العروسة الصينى
أجادتها لفنون القتال للدفاع عنى لو مرة دخلت معركة مع احد سائقى الميكروباص

مطالبها قليلة جدا من أكل لشرب نظرا لحفاظها على قوامها
يعنى تضمن انها ماتفشولش فى المستقبل ولا انت كمان تضرب وتبقى ابو كرش ما انت هاتقضيها خضار وفاكهة وسوشى .

ودى اهم نقطة ان حماتك هاتبقى فى الصين مش جمبك ولو جمبك الناس دول مش بتوع قعدة دول بتوع شغل مش هاتبرش جمبك) تبرش ) هى كلمة من صميم حوارى مصر يعنى تفرش وتنام وتاخد راحتها عالأخر فى بيتك تنغص عليك وعلى اللى جايبينك وتطهقك فى اليوم اللى اتجوزت فيه

اة مهمة اوى برضو النقطة دى لا هاتطلب شبكة ولا فرح فى اوتيل خمس نجوم ولا اى حاجة بل هى ممكن تظبطك وتعملك فرح فى السفارة الصينية ببلاش ( وهايوزعوا فوانيس رمضان هدية فى الفرح وعرايس ودباديب وولاعات واقلام ومصليات بالبوصلة وأجهزة طبية وأبر صينية وأعشاب طبية(

هاتساعدك فى أعباء الحياة ازاى دى بئه باختصار تظبطلها أوضة فى شقة الزوجية وتسيبها براحتها هتلاقيها عملاها مصنع صغير من الابرة للصاروخ وممكن كمان تصنعلك نووى جوة الاوضة الصغننة دى ، وممكن تستقيل من شغلك او لو انت عاطل اصلا يبقى هاتفيدك وتعلمك حرفة انتاجية ولا الحوجة لأى حد وهاتبقى معلم كبير ومش بعيد لو البلية جريت تتجوز اربع صينيات وتبقى من اكبر رجال الاعمال .

عشرية مطيعة خدومة لا تكل ولا تمل مابتتعبش لممارستها لفنون اليوجا والرياضات الروحية وقراءاتها فى الفلسفات الصينية

مش بتاعة مظاهر يعنى لو مصرية هاتقولك لاء انا كنت عايشة عيشة فى بيت بابى غير كدة خالث لالالالا ياى وهى تلاقيها من حوارى كرموز مع احترامى لاهل كرموز الجدعان وطول عمرها حافية ،

اما على النقيض الصينية تتشعبط فى اتوبيس تركب ميكروباص قوية كدة ومسترجلة وممكن تستورد لك توكتوك يغنيك عن سؤال اللئيم يعنى هاتتظبط هاتتظبط .

إذا لام عليك اللائمون أن عينيها ضيقة ...فقل لهم لكنها واسعة الافق ، قصيرة الطول قل لهم انها طويلة المقام ، ملامحها حادة

فقل لهم عملنا إيه بالانوثة الطاغية دا حتى تسيبها وماتخافش عليها من الفتنة ، لغتها صعبة فقل لهم دول بيتكلموا مصرى احسن منى ومنك وبتفاصل مع البياعين ولا كأنها تاجر شاطر وكلة بالادب وبالابتسامة اللطيفة
مش بالصويت والجعير زى ناس ويجيلك ويحط عليك وإلهى ماتوعى تبيع ولا يباركلك ربنا لالالالا مفيش الكلام دا خالص

محدش يقدر يغلبها لانها اصلا بياعة كلام موفرة تديها مصروف البيت ترجعلك الباقى وفوقهم بوسة وطبقين صينى

مش زى ناس تفضح أهلك وتقولك أأأأأأأأأأأأأأأأييييييييي يية مصروف البيت مش مكفى أكل وتلاقيها ضربت الفلوس وكمان نص الاكل اصلا وهى بتضبخ أل إية بتدوق الأكل تدوق حلة رز وكيلو لحمة دا غير الخضار !!!!!! .

على فكرة دة مش رد منى دة انا قعدت ادور على العروسة على النت ولقيت الرد دة قلت اجيبهلكم انا لسة ما فطرتش كنت بدور على الزوجة رقم 2

و شيشى للجميع ( شيشى ) = شكرا