رد: تجربتى الفاشلة مع قلى ربع كيلو بطاطس
 

لسة الموضوع ده حاصل معايا كنا انا واصحابي من اسبوعين كده في الغردقة وقاعدين لوحدنا في شقة وصباح الزروطة لما نعوز ناكل بس بعد كده بقيت بعرف اعمل البطاطس الفارم فريتس اللي الكيس بتاعها اصفر دي تولع النار علي الزيت وتسيبو لحد اما يغلي هتلاقيه بيبقبق كده وبعدين حط البطاطس من بعيد يعني ماتقربش من الزيت يعني انا عن نفسي كنت باخد حبة في ايدي كده وارميهم في الطاسة من بعيد لما تلاقيهم بقي لونهم دهبي كده يعني قبل ما يحمرو ابتدي طلعهم وماطلعش واحدة واحدة طلع كتير علي مرة واحدة وبالهنا والشفة واوعي تفقد الامل انا اول مرة عملتهم اتحرق نصهم بعد كده بقيت حريف
انت شكلك بتموت في البطاطس زي حالاتي

رد: العروسة الصينى
 

الله يفتح عليك يا أستاذ حازم ، والله كلام مظبوط وياريت ماننخدعش بالمظاهر ونخلي بالنا إن الصين هدفها السيطرة علي العالم وتبقي سيدة الكون ، وبدأت بالفعل في خطوات جديه وأكيده وده واضح وظاهر للكل ، بس موضوع العروسة ديه كلام فاضي ولازم ناخد بالنا منه كويس لإن حيبقي فيه أنساب ونسل وأطفال هجين ، متعرفش همه هيخدوا أي ثقافة وأي دين وخصوصا إن الصين مالهاش دين دول بيعبدوا أي حاجة وأي مخلوق ، وإحنا بلد مهد للحضارات والأديان سواء المسيحية أو الإسلام فلازم ماننجرفش في تيار الشهوه الزائله ومنصحاش إلا بعد الكارثه ما تقع وكفاية المشاكل إللي بنقراها علي النت والجرايد علي الأطفال المخطوفين من قبل أمهاتهم وتسفيرهم إلي الخارج في بلادهم والأب الملكوم مش عارف ياخد لاحق ولاباطل ، فالرجاء الإنتباه .
ثانيا : حتعرف إزاي يا أخي الشاب إن البنت ديه مفيهاش أي أمراض أو بنت لم يسبق لها الزواج " بكر " ، الحاجات ديه مش معروفه وخصوصا في ظل التكنولوجيا الحديثة التي أتاحت ترميم ما سبق كسره دون معرفه أي شخص بها ، والأمراض وخلافة ، ياجماعة الموضوع كبير ولازم ناخد بالنا .

رد: ماتش الاهلي و شبيبة القبائل
 

الله ينور عليكى يافطومة .
و انت يا عم اسلام زعلان اوى علشان الحكم مش عارف ليه ، لما يكون الحكم متجنى على اللاعبين من اول المباراة و نازل فيهم كروت صفراء ، تقول ايه ؟ تقريبا الفريق كله خد انذارات ، حتى بعض الصحف الجزائرية المحترمة ذكرت الموضوع ده ( طبقا للاهرام ) .
فحقهم الجون اللى يجيبوه و مايتحسبش يعملوا اكتر من كده و خصوصا فى ظل ظروف القهر اللى اتعرضولها على ايد الحكم العيل ده و مساعدينه و مراقب المباراة اللى طلع نصاب و بعد المباراة قعدوا يدوروا عليه علشان يسجل اللى حصل ملقوهوش ، و راحولوا على العنوان اللى اداهلهم و لم يجدوه نهائى ، يعنى دى مؤامرة مدبرة .

رد: تجربتى الفاشلة مع قلى ربع كيلو بطاطس
 

اولا البقاء لله في والدتك يا محمد
ثانيا مافيش مشكله انك تغلط و بعدين تتعلم
انا قعدت لوحدي حوالي اربع سنين في الامارات
من اول شهر كنت بقلي بطاطس و همبورجر و بعمل مكرونه لحد ما معدتش نشفت!!!!
و بعدين قبل نهايه السته شهور الاول في غربتي كنت بدأت اطبخ و بدات استطعم الاكل اللي بعمله
علي نهايه السنه الاولي كنت الحمد لله اتعلمت كل الطبيخ و اشتريت فرن لاني حبيت اطبخ بمزاج
و بدأت اعمل مكرونه بالبشاميل و رز معمر و طواجن بصل و باميه لدرجه اني بدأت في الحلويات و بقيت بعمل جلي و رز بلبن.
و بقي عندي القدر اني ممكن اعزم 7 زمايلي معايا و اعمل اكل يقضي 10 كمان و انا لوحدي من غير مساعده حد!!!!
كل حاجه بتيجي واحده واحده
بالنسبه للبطاطس لو عاوز تقليها صح ولع علي الزيت لمده ثلاثه او اربع دقائق علي نار عاليه
و اوعي تطلع البطاطس من الفريزر قبل ما تطها بفتره علشان لو طلعتها الثلج حيفك و حيبقي عليها ميه و دي تعمل طرطشه.
اول ما الزيت يقدح و دا بتعرفه من انك بصابعك كده تحطه تحت الحنفيه و بعدين من بعيد ترش نقطه ميه علي الزيت لو لقيته بيطلع صوت يبقي كده الزيت قدح
تقوم مطلع البطاطس و حاططها كده بالكبشه في ايدك من بعيد ما تقربش للزيت
و بعدين تحط كميه مناسبه و توطي النار علي البطاطس علشان تستري من بره و من جوه كمان لان لو الزيت فضل علي حراره عاليه حتستوي من بره و من جوه حتفضل زي ما هي.
و بعدين اربع دقائق او خمسه مع التقليب كل نص دقيقه حتلاقيه البطاطس لونها بدأ يتغير اصبر عليها نص دقيقه و بعدين طلعها و انت بتطلعها لازم تصفيها من الزيت كويس و تحطها علي مناديل علشان تشرب الزيت و بالهنا و الشفا :)

رد: العروسة الصينى
 

حد يشوفلنا الموضوع دة بيتباع فين احجزولى واحدة

رد: تجربتى الفاشلة مع قلى ربع كيلو بطاطس
 

استاذ ورئيس قسم المطبخ

رد: ماتش الاهلي و شبيبة القبائل
 

نال الأهلي نصيبه من المفرقعات والقنابل الصوتية والزجاج خلال مباراة الشبيبة في تيزي وز، ولكننا سنأخذ حادثة موثقة لتكون أساس لمراجعة قرارات الكاف التي ستصدر بعد دراسة تقارير الحكم ومراقب المباراة وشكوى الأهلي.
في الدقيقة 65 من مباراة الشبيبة مع الأهلي وعند تنفيذ ضربة حرة مباشرة نال شريف اكرامي خلالها قنبلة صوتية من المدرجات لتنفجر على بعد متر منه.
الغريب في الأمر ليست القنبلة بل تعاطي الحكم "كوكو الضعيف" معها، حيث أكمل الضربة الحرة كأن شيئاً لم يكن بينما الإعادة التلفزيونة تبين قرب الحكم من مرمى اكرامي، بالإضافة الى صوت القنبلة الذي سمعه الإستاد بأكلمه. وبالطبع حاول المخرج التلفزيوني ابعاد الكاميرا عن صورة الدخان بجانب اكرامي وهو حادث تكرر كثيراً في المباراة لكن الكاميرا لم ترصد جميع القنابل التي هبطت من استاد 1 نوفمبر.



وفي البند الرابع من قوانين لعبة كرة القدم لدى الفيفا :
If an object thrown by a spectator hits the referee or one of the assistant
referees or a player or team offi cial, the referee may allow the match
to continue, suspend play or abandon the match depending on the
severity of the incident. He must, in all cases, report the incident(s) to
the appropriate authorities.
وترجمته انه في حالة القاء اي شيء (حجارة أو صواريخ أو شماريخ أو قنابل صوتية) من المدرجات الى الملعب واصابتها أي من المشاركين في المباراة من حكام أو لاعبين أو اداريين يمكن للحكم اكمال المباراة أو ايقاف المباراة لحين انتهاء الحادثة، أو الغاء المباراة. ويترك للحكم القرار حسب الحالة لكن الشيء المؤكد هوضرورة تسجيل الحكم الحادثة في تقريره.
وبما ان الحادثة مسجلة تلفزيونياً فإن الحكم "كوكو الضعيف" ملزم بتسجيلها في تقريره، بالإضافة الى حالات أخرى كرمي الزجاج على بركات وعلى شريف عبد الفضيل. وإذا لم يقم الحكم بتسجيلها على الكاف مراجعة شريط المباراة والتحقيق مع الحكم في عدم تسجيل واقعة كان قريب منها بمسافة تسمح له برؤيتها.
اما قانون دوري رابطة الأبطال في البند العاشر من الجزء الثامن يقول
referees, behaviour of the public, eventual incidents.
أن مراقب المباراة عليه مراقبة جميع ما يحدث : من اداء الحكم وتصرفات الجمهور والحوادث التي تحدث. ممل يلزم مراقب المباراة بتسجيل حوادث المفرقعات ورميها على أرض الميدان بالإضافة الى ما حدث، وفي حال عدم تواجد المراقب "وهو ما حدث بعد هروبه غير المفهوم بعد انتهاء المباراة" يمكن للفريق اللجوء الى حكم المباراة "اذا وجد ايضاً" لإضافة اي حادثة في تقريره.
ويتوجب على الحكم والمراقب تقديم تقريرهما خلال 48 ساعة من انتهاء المباراة الى الكاف في حال تقديم أي من الفريقين شكوى ليتم دراستها واتخاذ القرار فيها بسرعة.
وفي مراجعة لحوادث مماثلة تم رمي جسم معدني على ستيفان جيرارد من جمهور مارسيليا في مباراة ليفربول مع مارسيليا مما وضعه الحكم البرتغالي اوليجارو بينكويرينسا في تقريره وهو ما ادى الى غرامة مالية على مارسيليا وانذارهم باتخاذ عقوبات قد تصل الى منع الجمهور من حضور مباريات الفريق اوروبياً في حال تكرارها.
http://new.el-ahly.com/admin/siteman...2467-fans3.jpg
وفي حادثة اخرى في مباراة انتر ميلان وإي سي ميلان عندما اشعل جمهور الإنتر الشماريخ ونال ديدا نصيب الأسد قبل أن يلغي الحكم المباراة في الدقيقة 73.
http://new.el-ahly.com/admin/siteman...2467-fans2.jpg
وبشكل مماثل القى جمهور اوكرانيا الشماريخ على أرض الملعب في مباراة منتخبهم مع انجلترا مما ادى الي ايقاف المباراة اكثر من مرة وأدى الى عقوبات مالية على الإتحاد الأوكراني رغم ان نتيجة المباراة لم تؤثر على تأهل أي فريق الى كأس العالم.
http://new.el-ahly.com/admin/siteman...2467-fans1.jpg
نحن لا نأتي بهذه الأمثال والبنود من أجل أي تغيير في نتيجة المباراة، فجمهور الأهلي كله مقتنع أن خسارة أي مباراة هو شيء طبيعي والأهلي خسر في زيمبابوي وفي ليبيا بنتيجة أكبر ولا يهم خسارة في الجزائر. لكن ما يهم هو أن يبدأ الكاف في تطبيق القوانين ورفع مستوى اللعبة وأن تكون العقوبات مشابهة على الجميع.
فإذا كانت العقوبات من الكاف مالية فقط في حق الشبيبة، فهذا يعطي الحق لجمهور الأهلي في تكرار نفس الأحداث بما أن النتيجة ستكون غرامة مالية فقط. والسؤال الأهم ماذا كان سيحدث لو أن الضربة الحرة التي كانت تنفذ حين اطلاق الصاروخ على اكرامي دخلت المرمى ؟
على عيسى حياتو ان يراجع تقارير حكم المباراة والمراقب ويشاهد شريط المباراة بنفسه ليرى اذا كان تم تسجيل على الأقل ما نقلته الكاميرا التلفزيونية وكاميرات المصورين المصريين وتم ارفاقه بملف الأهلي. واذا لم يشهد أي من التقارير شيئاً مما حدث، فللأهلي كل الحق في التشكيك فيما يحدث في مباريات كأس الأبطال وهو ما يجعل الأمر أسوأ في مباراة العودة.
الكرة الآن في ملعب الكاف لإتخاذ القرارات التي من خلالها سيتضح اذا كان الإتحاد الأفريقي قادر على النهوض باللعبة أم ان حوادث أسوأ ستتكرر في مباراة الشبيبة في القاهرة أو مباراة الإسماعيلي في تيزي وزو.
منقول للافادة