رد: اسئله المبتدئين ..عفوا ممنوع الفتى :)))
 

عموما وانت من اهل الخير
انا بقى لسه هراجع اللي انت قولته للناس الكسلانة دي

رد: اسئله المبتدئين ..عفوا ممنوع الفتى :)))
 

لو انتة سايق باليل على طريق سريع وحسيت انك عايز تنام افتح الشباك اللى جنبك عشان الهوا يلطش فى وشك ويفوقك

بس عايز اسال سؤال انا بسوق من تلات سنين كدة
ومعايا رخصة بس معييش عربية(هانت كلها شهر)
ممارستى للسواقة قليلة بس لما بسوق بسوق عادى خالص مش بتبطل منى بمشى عادى جدا فى وسط الزحمة بس لما بركب عربية لاول مرة بحس ان رجلى على الدبرياج بترتعش وبعدها بعشر دقايق برجع طبيعى تفتكرو دا من اية

اللى انا ملاحظة من سوااقة الانسات والسيدات انهم لو لاقوا نفسهم قدام عربية فى شارع ضيق او وسط زحمة بيتعصبوا على دواسة البنزين وتحس ان العربية اللى هى سياقها حتطلع امريكانى فى وش عربيتك

رد: اسئله المبتدئين ..عفوا ممنوع الفتى :)))
 

يالنسبة للسفريات الطويلة، الحركة اللي حضرتك بتقول عليها دي انا مجربها وبتعمل شغل السحر بصراحة، بس المشكلة بقى ان بعد 5 دقايق (او على حسب انتا تعبان قد ايه) بتحس ان الهوا ده بدل ما يفوقك بدأ يسطلك :biggrin: ولازم ترجع تقفل الشباك عشان تفوق تاني.
ساعات كمان ما بتقدرش تفتح الشباك خالص سواءا عشان سرعتك أو عشان في تيار هوا شديد برا، لو الهوا دخل هايطير كل حاجة في العربية. في الحالات دي لا بديل عن اللب والقهوة :biggrin:

موضوع رجلك ده شفتو مع ناس كتير، بس بطرق وأشكال مختلفة. أنا أعتقد بيبقى طريقة مخك في تنظيم وتظبيط نفسه على العربية الجديدة، بيحاول يعرف حدوده يعني.
يا راجل ده انتا مشفتنيش لما اجي اسوق أوتوماتك بعد فترة طويلة مانيوال أو العكس :biggrin: اللي راكب معايا بيعد يضحك عليا
بس زي ما انتا قلت، كلها بتبقى 10 دقايق، يوم ما تكبر أوي يبقى أول مشوار، وخلاص سيستم المخ كلو بيتظبط ;)

بالنسبة لموضوع الجنس الناعم، أنا نفسي مرة كده أشوف واحدة سايقة مرجعة الكرسي لورا أوي و بتسوق بايد واحدة وقاعدة مستمتعة كده. دايما قاعدين على اعصابهم وعاوزين يخلصو من المشوار بأي طريقة
هما بيدوسو على البنزين بعنف في الزحمة عشان بيخافو العربية تبطل، لو العربية بطلت بيتوترو جدا وبياخدوا وقت طويل عقبال ما يتصرفو، والناس طبعا ما بترحمش، وهما مش عاوزين كده طبعا. دي طبعا نظرية من تأليفي ممكن تكون صح أو غلط ، بس من كتر ما شفت منهم والله :biggrin:

رد: اسئله المبتدئين ..عفوا ممنوع الفتى :)))
 

يعنى الواحد يخش ينام يلاقى التعليقات و التريقه على البنات كده ..
انا عارفه ان جزء من كلامكم صح و ده الى بيحصل مع ناس كتير بس اى حاجه فى الدنيا بتتعلمها بالممارسه الكتير و كل ما تتعلم بدرى بيكون احسن
و ده اللى بيحصل مع الولاد و مش مع البنات ..
بس ابقوا افتكروا ان تقريبا كل البنات اللى بتسوق بتبقى عوزه تروح الجامعه او تروح شغلها و بتجيب عيالها من المدرسه و بالمره تشترى شويه طلبات للبيت من غير بهدله المواصلات و بتبقى العربيه هى طوق النجاه من البهدله ..
و هى لا اخدت مفتاح العربيه من باباها بعد زن طويل ( مش حقول من وراه) علشان تاخد بيها لفه و لا جربت تسوق عربيات اصحابها و عربيات القرايب كلهم و غالبا باباها و اخوها هم اللى مستوليين على العربيه معظم الوقت و لما تقول لحد علمنى يقول لها العربيه مش ناقصه او مش فاضيين..
و لا واخداها تعمل بيها غرز او امريكانى ..
مااااااااااااااااشى :fun_36_1_30[1]:

رد: اسئله المبتدئين ..عفوا ممنوع الفتى :)))
 

و نررررجع لمرجوعنا
ممكن حد يكلمنا عن الاشارات الضوئيه اللى معظمنا ما بيستخدمهاش و اللى ما اخدتهاش فى درس السواقه!!!!!!!!! ( اكيد لانهم مقتعين ان مالهاش لازمه! )..بس علشان نبقى ناس محترمين و احنا بنسوق