رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

السلام عليكم
عندي مشكله مع دورة تبريد عربيتي
أولاً العربيه بيجو 205 1.1 المكنه النايمه موديل 84
يوم واحد في الشهر ده اللي هو واحد مايو كنت ماشي ببطئ على الدائري لأن كان فيه حادثه قدامنا و كل الدائري كان ماشي ببطئ شديد وانا بتحرك لاقيت كل لمباات البيان بتاعت التابلوه نورت و العربيه عايزه تبطل و مقعدتش خمس ثواني و بطلتها بنفسي و جيت أدورها تاني واحد ابن حلال كان جاي من ورايا ماشي بهدوء قال لي يا استاذ الميه بتاعت الريداتير كلها على الأرض نزلت من العربيه و زقيتها لجنب الطريق و بعدها قطرتها على ورشة شغاله في الرادياتير في الحي العاشر و اللي حصل بالظبط كالآتي

1- في نفس اليوم ده العربيه اتغيرلها خرطوم الواصل بين الرادياتير و القربه و اتحطلها مياه خضراء و الخرم اللي كان في الرادياتير اتلحم و الفني اللي في المركز قال لي اكشف على طرمبة المياه ضروري في اقرب وقت علشان مبتقلبش

2- كشفت على طربمة المياه عند أبو النيل الخراط في الضاهر و شافها و قال لي سليمه مش محتاجه اي شغل

3- الوضع الحالي عجيب جداً المياه بتنقص بشكل مبالغ فيه من قربة المياه يعني مثلاً اسخن العربيه ربع ساعه وانا مراقب القربه اللي كان مليان منها النصف بشرط إن على مدار الربع ساعه تشغير المياه منقصتش منها إلا لما بطلت العربيه و استنيت تلات اربع دقائق القربه نشفت خالص اصبح مفيهاش ولا نقطة مياه

الرادياتير عندي فيه غطائين الغطاء العادي بتاع تزويد المياه و غطاء تاني بلاستيك بيتربط بقلاووظ وواصل به اسلاك كهرباء معرفش لازمته ايه

انصحني شكراً انا كل ما اتحرك بالعربيه متقعدش ماشيه عشر دقائق على بعضهم و تبتدي ترزع و تقطع و تطلع اصوات عجيبه و انزل ازودها مياه علشان اعرف أكمل بيها مشي

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

درجة الحرارة ديما مضبوطة .... و الزيت مضبوط

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

الفحص ممكن لأكن الأبواب للأسف
ورقم التليفون. 01223236021

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

المشكلة عندك من الواضح أنها جوان وش سلندر أو كتم فى دائرة التبريد
ممكن تشرفنى واديلك تشخيص للمشكلة الموجودة فى عربيتك

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا