رد: مصر موتورز مجانى 100%
 

انا كان عندى اكسيل وبعتها وكنت عايزة اوبترا 2011
اواوبترا كسر زيرو 2010 وانا من سكان فيصل
وسألت بقالى اسبوعين عن الاسعار واخر
حاجة النهاردة كانت من موزع معتمد الابيض اتومتيف 89ونص
ومعرض تانى فى مدينة نصر ب 89 تبع تقريبا جودى موتورز
وانا كنت عايزة احسن سعر طبعا ولسة محتارة
وانا عيزة ادفع 60000 واقسط الباقى على سنتين
ياريت حد يقولى على مكان وسعر ونسبة فائدة اقل حاجة
وتأمين كويس وكدة كل المستنقعات دى

رد: مصر موتورز مجانى 100%
 

اتقالى النهاردة 89 ونص وفوائد من7 ال 11 % ودة حسب البنك اللى ممكن يرشحهولى
وانا باشتغل قطاع خاص وممكن اجيب مفردات مرتب بس انا باشتغل فى مكتب خاص بتاع اخويا
وممكن يدخل اخويا ضامن وقالى تأمين عندة 3% تقريبا على تمن العربية
ومصاريف البنكية برضة على حسب مايجى فى جواب البنك من 700 الى 1500
كل بنك وله نظام ودى اجبارى والتأمين اجبارى

رد: مصر موتورز مجانى 100%
 

نفسى حد يفيدنى وفية كذا واحد من العيلة بيقولى طالما قدرتى تجمعى 60000
فالاحسن تجيبى كسر زيرو وتبقى فى متناول ايديكى
بس انا بصراحة زهقت وطهقت من كل الميكانيكية والكهربائية
واغير اية واعمل اية وكل شوية عطل واروح اصرف كل شوية كل شوية
طلع عينى
وخايفة من اى عربية ماتكونشى زيرو
ونفسى اجيب حاجة كويسة وتستحمل ولادى
ياريت تفيدونى وربنا يارب يكرمكم جميعا
وان شاء الله الاقى اللى يهتم ويكتب لى وربنا
هيكرمة ولكم منى اجمل التحيات لجميع المشرفين والمديرين
بجميع الاقساموان وياريت اى نصيحة تفيدنى امشى فيعا
وياريت لو حد اتعامل مع حد كويس فى الهرم أو فيصل يقولنا وربنا الموفق

رد: مصر موتورز مجانى 100%
 

اولا يا ريت حضرتك طالما معاكي مبلغ يجبلك عربية زيرو يبقي توكلي علي الله وهاتي ومش لازم اوبترا ممكن تجيبي لوجن او فيرنا وبلاش كسر الزيرو علشان مش كله مضمون ممكن تكون عامله مصيبة ولا متهربة ولا فيها عله فخليكي احسن في الزيرو وربنا يوفقك والافضل تشتري عربيتك من التوكيل او موزع معتمد زي منصور شيفورليه او غبور او ابو غالي وربنا يوفقك لما فيه الخير ليكي

تقسيط النوبيرا
 

لو معايا 30000جنيه وعاوز نوبيرا من 2003-2006 هيبقى القسط كام مع العلم ان كل الضمانات موجوده مفردات مرتب وكل شىء وهل النوبيرا ينج الاسعار تكون من 40-45 الف ياريت تذكر التفاصيل وبلاش كلمنى