مصر موتورز مجتمع السيارات - السيارات الجديده في مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - السيارات الجديده في مصر (https://www.masrmotors.com/vb/showthread.php?t=13469)

رد: السيارات الجديده في مصر

اقتباس:

المشاركة الأصلية كتبت بواسطة Ali-Ben (المشاركة 92222)

السلام عيكم،
أنا عندي عربية أونو 2002 وعاملة 39.000 كم أنا استخدامي بسيط على قد الشغل والمشاوير داخل القاهرة فقط، أنا بحب الأونو بس نفسي في تكييف علشان الأولاد بيفطسوا في الحر ، لو عاوز أغير ممكن تنصحني بإيه، أنا معايا 40.000 + سعر بيع الأونو ( ممكن تجيب حوالي كام؟؟ رشيت وش نظافة فقط بس فابريكة دواخل زي ما بيقولوا!!!
و ألف ألف شكر مقدماً، على فكرة أنا أصلاً من بورسعيد، أنا سيدة (مامت علي) بس إبني بيحب إن المشاركات تكون باسمه واسم الشخصية الكارتونية المفضلة لديه، وشكراً مرة أخرى.

السلام عليكم مرة ثانية، أرجو منك الرد على سؤالي لمساعدتي، شكرأً مقدماً

رد: السيارات الجديده في مصر

اقتباس:

المشاركة الأصلية كتبت بواسطة Ali-Ben (المشاركة 93627)

السلام عليكم مرة ثانية، أرجو منك الرد على سؤالي لمساعدتي، شكرأً مقدماً

معلش انا نسيت ارد علي حضرتك مش طناش و لا حاجه
و بكرر اعتذاري مره تانيه و اللي حصل ده سهو لن يتكرر ان شاء الله

الاونو هتجيبلك لو هي فبريكه دواخل و العفشه تمام و حاله المحرك كويسه في حدود اوائل التلاتينات
يعني بعد البيع هيكون مع حضرتك حاجه و سبعين الف جنيه و المبلغ ده يجيب الاتي

رينو لوجان او شيفروليه لانوس او فيات بونتو او كيا بيكانتو او هيونداي اي 10 او هيونداي فيرنا او هيونداي فيفا و هي دي الاختيارات بالمبلغ ال 70000 جنيه

شوفي حضرتك
لو عايزه سيدان اوتوماتيك خليكي في الفيرنا
و لو عايزه سيدان مانيوال خليكي في اللانوس

لو عايزه هاتشباك اوتوماتيك خليكي في الاي 10
و لو عايزه هتشباك مانيوال خليكي في البونتو

و ارجو ان اكون قد افدتك و لا تنسي صلاه الاستخاره و انا تحت امر حضرتك

رد: السيارات الجديده في مصر

اخى الفاضل
انا عندى سياره سوزوكى ماروتى والزجاج عند الحادث وقع بالجوان الجلد فى المصرف الزراعى ممكن اجد الجوان فى السوق جديد او مستخدم ولك وافر الشكر

رد: السيارات الجديده في مصر

اقتباس:

المشاركة الأصلية كتبت بواسطة ibd13013 (المشاركة 93671)

غالبا هتتلاقاه في التوكيل
و علي حسب ما اسمع قي محل في شارع دمشق في كل قطع غيار الماروتي

رد: السيارات الجديده في مصر

اخى الفاضل المشكله ان ال طالب الجوان هو التوكيل وغير موجود فى المنصوره فيه ناس قالو ممكن يكون فى بور سعيد ممكن