مصر موتورز مجتمع السيارات - ارشيف الاستراحة 2010

شكراً ليكم جميعا على المساندة والتشجيع وشكر خاص لطارق صقر وسيف الدين على اتصالاتهم ومتابعتهم معايا تليفونيا بشكل متواصل الفترة اللى فاتت والشكر موصول لاعضاء كتير راسلونى على البريد والماسنجر والفيس بوك وتليفونيا مش عايز انسى حد ومنهم مديرنا العزيز حازم شاهين والعضو انجكشن والعضوة ميمى وناس كتير بجد اهتمامكم بيشجعنا وبياكد مسئوليتنا تجاه مجتمعنا الصغير حجماً الكبير فى قيمته مصر موتورز

اللى حصل ان كان فيه محاولات متكررة للاضرار بالموقع وتحديداً المنتدى وبالرغم من ان سيرفرات الشركة (اب تايم) عليها اكثر من منتدى قديم برضو وفيه نفس السوفت اللى فيه نفس الثغرات الا ان الهجمات كان كلها على منتدى مصر موتورز بما يؤكد ان المخترقين هدفهم مكانش مجرد الاختراق واثبات الذات وانما اتلاف منتدانا تحديداً باعتباره العمل الوحيد الجماعى والحر تماماً والاكثر مصداقيه والاسرع نمواً بين مواقع السيارات المصرية منذ اطلاقه

وللمرة الاولى توالت الهجمات لاكثر من يومين متواصلين وتنوعت لتنال مرات من بعض اجزاء قواعد البيانات واخرى من ملفات الموقع البرمجية الامر الذى جعل من محاولات الاستمرار فى الترقيع والاصلاح اثناء تشغيل الموقع غير مجدية وبالتالى كان من الواجب الاسراع بتطوير المنتدى بشكل كامل عن طريق تطوير النسخة والغاء كافه الاضافات الاخرى والتصميم القديم ايضاً بالتنسيق مع ادارة الأمن فى الشركة الاجنبيه التى تستضيف السيرفرات لتعزيز الحماية وازالة اثار التخريب السابق واسترجاع كافة البيانات او محتوى قاعدة البيانات بنسبه 100%
فقط يبقى امامنا الان ساعات قليلة لاستكمال اختبار اداء المنتدى باستخدام السوفت وير الجديد بعدها سنبداء باعادة تصميم واجهه المنتدى بشكل جديد ان شاء وهو ما سيتلزم اسبوع من العمل لاخراج التصميم الجديد وتشغيل الخواص التكميليه الاخرى

ان شاء الله فى خلال ايام يرجع المنتدى احسن من الاول لنأكد للحاقدين ان محاولتهم لن تزيدنا الا اصراراً