رد: مشكلتى مع شركة قناة السويس للتأمين
 

انا أسفة يا جماعة على التأخير فى الرد للأن كان فيه مشكلة فىخطوط التيليفون عندنا .
المهم بالنسبة للعربية فشركة التامين أنا كلمتها انهاردة - وبالتحديد كلمت الأستاذ صبحى الجنق -
وقال لى ان الشركة قررت تدفع التعويض - فانا متشكرة ليهم - وطلب منى ان اذهب للشركة و أدفع تكاليف الأصلاح وبعدين أحضر لشركة التأمين ومعى الفواتير وكل ده تم فى التيليفون .
وسؤالى هو ، مش المفروض ان شركة التأمين تبلغنى رسميا بقرارها ده لأن انا متهيألى ان الكلام فى الحالات اللى زى دى مايكونش شفوى .
فياريت يا أخوة حد يدلنى أعمل ايه .
و أنا اشكر كل من تابع هذا الموضوع أو أهتم بالرد عليه .
وسوف نواليكم بكل جديد فى الموضوع .

رد: مشكلتى مع شركة قناة السويس للتأمين
 

السلام عليكم الرد فى الملف طبعا الموضوع كان عاوز شوية متابعة و احسن شىء ادى العيش لخبازة حتى لو هياكل نصفة كان المفروض التعامل مع شخص مختص بالتامين من الشركة و انا قلت لحضرتك اتصل بالشخص الى امن على السيارة يتابع شغلة
عموما الحمد لله لحل المشكلة

رد: مشكلتى مع شركة قناة السويس للتأمين
 

أستاذ عمر أحمد ، انا اشكرك على الرد بتاعك و أهتمامك ، لكن فيه جملة انا مش فاهماها وهى -وأحسن شىء أدى العيش لخبازه لو ياكل نصفه . كان المفروض التعامل مع شخص مختص بالتأمين من الشركة - يعنى كان المفروض أعمل ايه بالضبط .
وشكرا لك

رد: مشكلتى مع شركة قناة السويس للتأمين
 

for your issue goodluck

رد: مشكلتى مع شركة قناة السويس للتأمين
 

يعنى المفروض تعرف المنتج الى اسمة مكتوب على الوثيقة و تعرف رقمة و دة كان سهل من خلال الشركة كان هايهتم بالملف و يخلص الاجراءات لانها من صميم عملة دة شغلة زى ما حضرتك ما كنتش فاضى تتابع لانك فى شغلك كان المفروض تبلغ المنتج على شان يتابع الملف و يشوف الى ناقص و اية العقبات لانة افضل فى التعامل و عندة حل لكل مشكلة

رد: مشكلتى مع شركة قناة السويس للتأمين
 

مشكورررررررررررررررررررر

بخصوص التامين علي السيارات
 

سلام عليكم
يا جماعة انا اشتريت عربية جيتا 2009 وكنت عايز امن عليها تامين شامل ومحتار جدا امن عند انهي شركة بالظبط انا سالت كتير
بس انا شايف ان فية شبة اجماع من اللي سالتهم علي شركة الشرق للتامين ومصر للتامين وخصوصا ان شركة مصر للتامين اشترت الشرق للتامين
فصراحة انا مش عارف اامن عند مصر للتامين ولا فية افضل منها؟
وهل التامين علي السيارات حلال ولا حرام انا لي واحد صاحبي مامن عندمصر للتامين بيقول انة سال دار الافتاء فقالولة ان التامين دة حلال والله اعلم والعهدة علي الراوي
معلش يا جماعة اصل انا محتار اوي ومش عارف احدد انهي شركة بالظبط