رد: م/احمد مهران
 

واما بالنسبة لسعر الكاتينة طبعا انا مش هقول احنا بنشتريه بكام لان ده مش من حق اى حد انه يسأل عليه ولكن عايز اقول حاجة الناس بتقول فى السوق ب 550 ج وفى التوكيل ب 630 وفى المتحدة 700 ماتيجى نحللها مع بعض
اللى ب550 ج مالوش ضمان خالص والتاجر اللى بيبيعه اكيد كسبان فيه وتركيبه ما بين 100 : 150 يعنى الطقم فى حدو 650 ال 700 ج
التوكيل ب630 ج سعره فعلا اقل من المتحدة وبردوا عليه ضمان رسمى ولكن تركيبه ب 350 ج
يعنى وقف الطقم بحوالى 1000 ج
المتحدة ب 700 ج واكيد احنا كسبانين فيه وتركيبه 150 ج يعنى الطقم واقف ب 850 ج وعليه ضمان رسمى .... هنا بئة كل واحد فينا ليه حق الاختيار
بس بردو كدة يبئة المتحدة بتثبت انها عند كلامها وان اسعارها وسط مابين التوكيلات والورش بس بامتيازات التوكيلات واعتقد بعد سنتين شغل باسم المتحدة اعتقد انه الحمد لله ناس كتير مش عايز اقول كل الناس اجمعت انه المتحدة احسن من التوكيل بشكل عام فى كل حاجة
وشكرا لحضراتكم جميعا واسف على الاطالة

رد: م/احمد مهران
 

استكمالا للموضوع بس من ناحية اسعار المتحدة احب اضيف المشاركة وهى الحقيقة عبارة عن موضوع لسة نازل امبارح بس وبيأكد ان المتحدة بتسعى انه توصل لافضل شىء مرضى للعميل

بسم الله الرحمن الرحيم

السلام عليكم و رحمة الله و بركاته

http://a7lashare.com//uploads/images...4fd61d32f5.gif

السادة المحترمين المتعاملين مع مركز المتحدة .....

النهاردة عندى اخبار كويسة للكل بس هى هتبدأ خلال ايام فقط لمالكى ال 516 ثم تتبع باذن لكل موديلات الاسبرانزا و ال بى واى دى

ايه الموضوع ؟؟؟؟؟؟؟؟؟؟؟؟؟

الموضوع انه من حوالى سنة تقريبا تعرفنا باحد الناس وهو الاستاذ / خالد حجاج وهو صاحب شركة متخصصة فى قطع غيار التوك توك والموتوسيكل وهى شركة الصفا للاستيراد . وعرفت بانهم يدرسون وبالفعل يقوموا باستيراد قطع غيار السيارات الصينية ولكنهم حريصين على اسمهم وعلى ان تكون قطع الغيار المستوردة من خلالهم منتجات بمستوى عالى من الجودة بمعنى هاى كوبى او انها تكون اصلية بنسبة 100 %

وباعتبارنا ناس اصحاب خبرة جيدة فى التمييز بين قطعة الغيار الاصلية والاخرى ذات الجودة الرديئة فقد قام الناس بزيارتنا وتم التعارف بينا وتم الاتفاق على الاتى :

1 – ان تقوم المتحدة بمد الصفا بكل المعلومات الفنية التى تمكنهم من استيراد قطع الغيار الجيدة بمعنى كوبى الاصلى او قطع غيار اصلية فعلا

2 – يكون للمتحدة الحق فى الحصول على اسعار قطع الغيار بسعر اليد الاولى من المستورد ( شركة الصفا ) وده طبعا معناه هيكون سعر قطعة الغيار مماثل الى حد كبير جداااااااا اسعار محلات قطع الغيار بالتوفيقية وشارع دمشق و غيرها ممن سيتعاملوا بنفس نوع قطع الغيار سواء اصلى او كوبى ......

المهم :

بعد العمل بجدية من الصفا وتوفير قطع الغيار الان اصبح فعلا موجود الان تشكيلة كبيرة جدا من قطع الغيار تغطى تقريبا بنسبة 75 % جميع قطع غيار ال 516 والمفاجأة انه بها اصناف كتير اصلية بنسبة 100 % حاجة محترمة فعلا وكمان اصناف كتير من الكوبى فيها اللى ممكن فحصه بالعين المجردة والتأكيد على انه جيد فعلا يمكن ضمانه بدون اى نسبة قلق وبعضها لا يمكن التأكيد على انه جيد الا بعد اختباره فى التشغيل . ولكن ده من وجهة نظر المتحدة اما استاذ / خالد فيؤكد على انه مثل هذه القطع ( صاحبة الحاجة الى الاختبار ) منتقاه من مصادر موثوق فيها بالنسبة له وتستحق الضمان وربما يمكننا التوصل الى اتفاق بان تقوم شركة الصفا بضمانها ضمان رسميا من خلال المتحدة واعتقد انشاء الله انه ممكن يحصل ده عموما القطع دى فعلا الفنش بتاعها فعلا شكله مخدوم وانشاء الله تثبت جودتها .

الحقيقة الموضوع فى شوية تفاصيل بسيطة لسة عايزة تاخد الشكل النهائى قبل اما يتم البدأ بالعمل فى التخفيضات الجديدة ولكن المهم انه انشاء الله هيتم زى ما وعدت خلال ايام انشاء الله . وباذن الله هتكون حاجة مفيدة لكل من المتحدة والصفا ومالكى الاسبرانزا .

ودلوقتى و لاول عايزين مشاركاتكم لانه ممكن يكون فى استفسارات كتير تفيد وتوضح اهمية الموضوع بالنسبة للجميع . لانه ولا اخفى عليكم مدى استمرار مثل هذا الاتفاق واستمرار المتحدة فى الالتزام وايضا الصفا واجتهادها فى ان تقوم بتغطية كاملة لقطع الغيار لكل فئات السيارة مرتبط بمدى انتشار معرفة الناس وتعاملهم مع هذه المنتجات . واما عن المتحدة والتزامها فى وعودها وحرصها على سمعتها فاعتقد ان ما يقرب من سنتين تعامل مع مالكى الاسبرانزا تكفى لطمأنة الناس لهذه المنتجات وايضا شركة الصفا ليست شركة يملكها فرد يذهب للصين ينتقى بعض قطع الغيار على طريقة تجار فوانيس رمضان يعنى . فهى شركة اقصد الصفا طبعا هى شركة مصرية رأس مالها بالملايين – ربنا يزيدهم ماشاء الله - ولها ادارة حكيمة ولهم مكاتب دائمة ومستقرة منذ عدة سنوات ما يقرب من 10 سنين على الاقل فى الهند والصين وسوف اضيف هنا فى الموضوع لاحقا صور ومعلومات اكثر عن الصفا باذن الله .....

رد: م/احمد مهران
 

وممكن حالا ندى فكرة سريعة كدة عشان الناس تبسط معانا لغاية اما اجهز كشف كامل
بس فى الاول عايز اوضح حاجة مهمة اوى انه اللى هنقول عليه اصلى ده يعنى زيه زى بتاع العربية اللى بتيجى به من شرركة شيرى نفسها مع العربية واللى راكب العربية زيرو هيعرف معنى الكلام ده بنفسه
واللى هيتقال عليه الصفا ده يعنى حاجة هاى كوبى محترمة
اكصدام امامى فبر - الصفا 120 جنيه
اكصدام خلفى فبر - الصفا 150 جنيه
اسطوانة دبرياج - الصفا 150 جنيه
بلية دبرياج لوك اصلى 300 جنيه
حساس البيئة ( حساس الشكمان ) اصلى 190 جنيه
حساس البيئة ( حساس الشكمان ) الصفا 140 جنيه
صرة عجل امامى الصفا 275 جنيه
حساس سرعة اصلى 90 جنيه
صرة عجل خلفى الصفا 200 جنيه
طقم تيل فرامل امامى اصلى 110 جنيه
طقم تيل فرامل الصفا 70 جنيه
فلتر بنزين اسبرانزا اصلى 25 جنيه
فلتر بنزين اسبرانزا الصفا 15 جنيه
فلتر زيت اسبرانزا الصفا 20 جنيه
فلتر هواء اسبرانزا الصفا 15 جنيه

رد: م/احمد مهران
 

بالنسبه لحضرتك ان انا نازل نقد فى المتحده انا ولا بفترى ولا بظلم
انا عملت حاجات كتيره اوى عندهم على فكره وفعلا شغلهم وكويس بس غلين مغلتيش انا يعنى كل واحد حر فى رأيوه ومش انا بس الى بقول انهم غلين يعنى فى ناس كتير وبذات فى قطع الغيار
يعنى مبتكلمش من فراغ حضرتك ويرت حضرتك تقولنا انتا عملت حاجه قبل كده هناك ولا بتنقد كلامى وخلااص

رد: م/احمد مهران
 

اكلام حضرتك كويس جدااا وانا ولا مع حد ولا ضد حد الواحد الحمد لله اكبر من كده بكتير يعنى ولا حد مأجرنى عشان مثلا اقول كلام وحش فى حق المتحده او كده اقسم بالله العظيم ابداا
انتو شغكلم كويس وفعلا فى راحه فى التعامل معاكم بي اسعار قطع الغيار عندكم غاليه
ويعنى ابسطها لحضرتك يعنى اول مرهمثلا اروح فيها عندكم بتكونوا مهتمين انا اكون مروح مبسوط من الشغل الى فى العربيه و كمان الاسعار لكن بعد كده لأ وده الى انا لحظتوه انكم مبتقوش بتخافوا على زبنكم زى زمان

فى حاجه بردوه عايز استفسر عليها من حضرتك
دلوقتى حضرتك بتقول ان سعر الكاتينه ب 630 فى التوكيل وحضرتك 700 ممكن اعرف الفرق ده بيرجع لأيه وكمان عايز اسأل حضرتك نوع الكاتينه الى عندكم ومصنوعه فين ؟؟؟
عشان انا سمعت ان فى اطقم كاتينه كتير و مصنوعه فى دول مختلفه ..

اخر حاجه عشان مطولش اكتر من كده ارجو من حضرتك انك متخدش الكلام على انا بهجمكم او انا ضدكم او كده لا تماما خصوصا انا كنت زبنكم ودائم التردد علي المركز وربنا اعلم بكلامى بس لما لقيت الاسعار بدأت تزيد وكمان المصنيعه وكلام ده ده خلانى افكر مليووووووووووون مره قبل مرحلكم وربنا اعلم انا عندى شغل فى العربيه اد ايه ومرحتوش للمتحده عشان عارف اننى ممكن ادفع كتير وان على الرغم انى لو كنت عملت نفس الحاجات ديه زمان عندكم مكنتش هدفع نفس السعر وده مكنش نفس الاسلوب الى اتعملت معاكم بيه اول مره وعلى فكره انا معملتش الحاجات لى فى العربيه ديه لحد دلوقتى وبردوه ربنا اعلم بكلامى ولا عند مكانيكى ولا عند اى حد عشان حضرتك متقولش بس انا روحت لحد تانى او كده وبدأت اشوش على سمعتكم وده الى انا فهموه من كلام حضرتك ...ارجو الاستفاده من هذا النقد عشانك وعشنا احنا بردوه ...

رد: م/احمد مهران
 

نصيحه طقم الكاتينه فى التوكيل افضل مش مهم زياده 200 جنيه بس اكون فى السليم --صديق ليه استرخص وعمل بره مش عاوز اقولك ايه اللى حصل وش سلندر وبلاوى والسير قطع منه على الطريق

رد: م/احمد مهران
 

والله قلنا كده من الاول لصاحب الموضوع وخصوصا لو العربيه فى الضمان