|
رد: Bolbolan يطلب المساعده فى التفكير لشراء....
لآ يا أحمد ! لو ناوى تتجوز من وراء شراء أعضاء المنتدى لسيارات ! هههاههها يبقى أسنانك
ح تقع قبل ما تلم أول 10000 ج و دول يا دوب يجيبوا توكتوك و هندى كمان !ptmnlo123per1106 عموما أنا ح أنزل الاسبوع ده بس لما الحر يعدى و أشوف الكروز و النيوسيراتو وعلشان مستر غبور ما يزعلش ح أبص على الالنترا و النيوأكسنت ! و اذا كان لازم أشترى خليجى يبقى أحسن لى انى أنتظر حتى 1/10 وأشترى خليجى على أبوه من الخليج و أحضرها مصر و أستفيد من تخفيض ال 10% جمارك بالاضافه الى احتمال انهم بيرخصوا السيارات هناك آخر السنه بشكل حقيقى ! الحمد لله أنا موش مستعجل لآن معى سياره و فى نفس الوقت أنا موجود شهر و موش موجود شهر ! بس ده لا يمنع برده الآصدقاء يقولوا رأيهم ! فين نيسان و فين فادى و فين أبو نورا و...و...و... ptmnlo123per144 Dr. Bolbolan ptmnlo123per1127 |
رد: Bolbolan يطلب المساعده فى التفكير لشراء....
اقتباس:
أنا ممكن أجيبلك المثل الأصلي ... بس أبو نورا يديني الأوكي ptmnlo123per154 وبعدين احنا ما فيناش من الشماتة ptmnlo123per195 أحسن والله تجيب السيراتو من السعودية ويطلع ورقها مضروبptmnlo123per1147 لأ وايه حتبقى بعت الكورولا ومعاكشي حق التاكسيptmnlo123per1106 وانا بقى حبقى رخصت الاسبرانزا وعمال أصج في البلد ptmnlo123per154 نتكلم بقى جد شوية........ متهيألي ما انصحكش يا دكتور بالكروز خالص....خصوصا ان لسه ماحدش جربها والتوكيل مش مستقر ومفيش أي حاجة تضمن انتشارها.......بعكس السيراتو اللي الكل بيراهن انها حتبقى تحت كل عمارة في مصر وحتاخد سكة اللانسر......ده بالنسبة للفئة السعرية العالية أما بقى لو حضرتك بتفكر في الأكسنت أنا مش شايفها عربية مغرية للدرجة دي الا في حالة واحدة بس لو حضرتك ما تقدرش تستغنى عن الأوتوماتيك في العربية وكمان مش معاك غير ال 83 ألف بالظبط _لو ممكن تستغنى عن الأوتوماتيك.....يبقى هات الشيفروليه الأوبترا مانيوال(عربية مالهاش حل) وبنفس السعر تقريبا _أو تزود كمان 10 ألاف وتجيب النيسان صني الأوتوماتيك |
رد: Bolbolan يطلب المساعده فى التفكير لشراء....
انصحك بالاوبترا اوسع واوفر ptmnlo123per1127
|
رد: Bolbolan يطلب المساعده فى التفكير لشراء....
حبيبى درش ! يا عم لا شماته و لا حاجه ! أهو كلنا بنضحك ! انت تضحك شويه و أنا أضحك شويه برده !
و لا العواجيز مالهومش نفس ! ptmnlo123per1147 ماحنا كنا شباب برده ptmnlo123per111 و على فكره ! حقبقى أيامنا كانت الخرابات فيها عفاريت ! أمال دلوقتى فبها ايه ؟؟ تعابين مثلا ؟؟ ptmnlo123per154 المهم اللى أنا موش فاهمه يعنى ايه المرور موش معترف بنمرة الموتور ولا الشاسيه ؟ هى السياره ما طلعتشى صينى ! مغيره جنسيتها مثلا ! دا ايه المرور اللى شارب بانجو ع الصبح ده !! ؟ ptmnlo123per172 أعتقد كل الحكايه انك تمشى حالك ببريزتين و كام ربع كباب و فى الحال المرور كله ح يحلف ان السياره من أب و أم صينيين و يجيبولها شهادة منشأ من وزارة الصحه الصينيه ! ptmnlo123per122 Dr. Bolbolan ptmnlo123per1127 |
رد: Bolbolan يطلب المساعده فى التفكير لشراء....
بعد التحية والسلام لرجال المنتدي
منهئالي يا دكتور انت تاعب نفسك اوي لانك بتقارن عربيتين بعاد عن بعض اوي وطبعا اي حد بيفكر يشتري عربية بيشوف المبلغ اللي هيشتري بيه كام وبيقارن بين العربيات اللي بالمبلغ دة الا لو هو حابب عربية معينه وانا قدامك اهو بقارن بين الافيو والنيو أكسنت وبصراحة لو معايا فلوس لللانسر مثلا هقارن بينها وبين السيراتو وعشان خاطرك هاخد الانسر ptmnlo123per154وهسيبلك السيراتوptmnlo123per122 علشان اعضاء المنتدي ميزعلوش فتوكل علي الله وخليك في السيراتو |
رد: Bolbolan يطلب المساعده فى التفكير لشراء....
اقتباس:
يا محترم أنا لا تاعب نفسى ولا حاجه ! وتم حسم الآمر وحاجز سيراتو ! طبعآ شراء سياره ليس بالطريقه اللى انت ذكرتها ان الواحد يشوف معاه كام ويقارن بين العربيات اللى بالمبلغ ده ! فرضنا معايا مليون جنيه يبقى أجيب فيرارى ؟ وبالنسبه لك انت اللى ماتحيرش نفسك بين الآفيو والنيوأكسنت ( دى محسومه فى المنتدى ! النيوأكسنت تكسب ) ! وبعدين ياباشا موضوعى ده معمول فى 24/6/2009 والنهارده 1/10 /2009 صبــــاح الفل ! Dr. Bolbolan :waving: |
رد: Bolbolan يطلب المساعده فى التفكير لشراء....
عيوب النيو اكسنت
شكلها عامل شبه السمكه البلطي ههههههههه و الله بحس انها شبه السمكه قطع غيارها اسعارها ناااااااااااااااااااااااا ااااااااااااااااااااااار و هقول ناااااااااااااااااااااااا ار للسنه بعد الجايه ( اسعار فعلا ليها العجب انا مش عارف ليه ) لو حضرتك راجل عملي ( و اكيد حضرتك كده ) و هتصرف عليها و هتابع صيانتها في التوكيل ( ما هو حضرتك كنت هتعمل كده مع النيو سيراتو ) يبقي توكل علي الله و لاتنسي صلاه الاستخاره و ارجو ان اكون قد افدتك |
| الساعة الآن 02:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017