مصر موتورز مجتمع السيارات - زيادة أسعار البنزين والسولار تنتظر موافقة «مرسى»

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: زيادة أسعار البنزين والسولار تنتظر موافقة «مرسى»

اقتباس:

المشاركة الأصلية كتبت بواسطة مشمش1 (المشاركة 763656)

السلام عليكم
:014FDA~117::014FDA~117:
الأعضاء الكرام الى بتقارن اللتر في مصر بخارج مصر ياريت يقارن دخل الموظف في مصر بخارجها ويقارن الشوارع والأحترام و ......................... ........ داخل مصر بخارجها مش يقارن بحاجه ويهمل باقي الأشياء:cry2W9:
حسبنى الله ونعمه الوكيل
والله المستعان

:14FEAD~151::14FEAD~151:: 14FEAD~151::14FEAD~151::1 4FEAD~151::14FEAD~151::14 FEAD~151::14FEAD~151::14F EAD~151:

رد: زيادة أسعار البنزين والسولار تنتظر موافقة «مرسى»

اقتباس:

المشاركة الأصلية كتبت بواسطة احمد سويلم (المشاركة 763765)

انا مع زياده السعر عشان الناس اللى طول اليوم بتلف بعربياتها والبيوت اللى فيها 3 عربيات و4 عربيات
انا مش عاوز ادخل فى جدال عقيم مع اى عضو من الاعضاء اللى ضد الزياده
بس للاسف احنا شعب عاوزين الحكومه ترضعنا
قبل ما أسال انا الحكومه بتدينى ايه
اسال نفسى
انا بشتغل شغلى باخلاص ولا لا
ولا
كل همى ان انا اخلع من شغلى الساعه 10 الصبح
والمدام اللى بتروح شغلها تنقى الرز
والانسه اللى حاطه عينيها على زميلها
هاقول ايه ولا ايه ولا ايه
انا هحكى موقف بسيط جدا حصل قدامى فى مصلحه ما
فجاه لقيت واحده قامت اخدت كوبايه شاى من زميلها اللى جمبها فى المكتب
وطبعا الزميل المحترم مسكتش قام لطشها على ضهرها
بس طبعا بعد ما اخدت كوبايه الشاى بتاعته
المفاجاه
صاحبى معايا قالى انت تعرف ان جوزها شغال معاهم فى المكتب
طيب انا راضى حكموكوا
هل ديه مناظر ناس رايحه تشتغل وتخدم المجتمع
صدقونى والله لو كل واحد اشتغل باخلاص حالنا هايتعدل ان شاء الله

الاداء الموظفين قبل محضرتك تحكم بيشتغلو ازاى شوف بيقبضو قد ايه وياترى الهيئات التابعين ليها بتديهم مصاريف علاج ولا بيستنو الدور ؟
فى موظفين بيشتغلو صح وفى هيئات لاء يبقى ناخد كله بذمب كله

ممكن نذود البنزين بس ادينى طرق صح مواصلات ادميه عشان لما اركن العربيه ابقى اعرف اركب مواصله ده دلوقتى الناس بتعجن بعض جوه الاوتوبيسات امال بقى لما ينضم بتوع الملاكى

وكمان موضوع ذياده البنزين ده هيفرق فى كله فى نشاط المصانع ونقل البضائع يعنى اكل ولبس وكل الخدمات هتغلى

رد: زيادة أسعار البنزين والسولار تنتظر موافقة «مرسى»

اقتباس:

المشاركة الأصلية كتبت بواسطة sayed2077 (المشاركة 763792)

عندنا والله لسه بتكلم على الموضوع بتاع البنزين ولاول مره اتمنيت انه يغلى مش جنية واحد لا خمسه جنية

لانى النهارده جيت اركن العربيه
ملقيتش مكان مع ان شارعنا واسع وقدمنا مدرستين يعنى الرصيفين من النحيتين لصف عمارات واحد

فبكلم جارنا قلتله ليه الزحمة ديه بالذات السنه ديه كدا
قالى عد معايا
عندك جارك كذا عنده 4 عربيات ادى واحده والتانية والتالته والرابعه

و جارك كذا عنده 3 عربيات
ادى واحده اتنين تلاته

وكذا عنده ثلاث عربيات ادى واحده واتنين والتالته

وهكذا وهكذا لغاية ما لاقيت انى الوحيد اللى فى الشارع معايا عربيه واحده

وفعلا من خلال مرقبتى للناس ديه لاحظت انهم عندهم كل العربيات ديه بدون اى فائده حقيقية

يعنى تقدروا تقولوا فشخرة على الفاضى منهم واحد

والله العظيم والله العظيم
كل صلاة بيروح يصليها فى الجامع اللى على اول الشارع مسافة لاتتعدى 50 متر فقط والله بيروحها بالعربيه الجولف موديل 2011 اه والله

مع العلم انه سليم جسديا جدااا

ففعلا الحكاية كلها ان الناس بقت مستهترة جداااااااااا
وبتوع التكاتك الى احتلوا المعادى وعيال صغيرة عماله تلف بيها و قلة ادب للركاب على شتيمة على اعمال منافية للاداب حتى السيدات من الركاب لا يسلمون من هذا
وفى الاخر لو مشوار تكلفتة فى تاكس ابيض لا تتعدى 2.5 جنية

هو ياخد فى المشوار خمسه جنية ولو مدفعتش شوف اللى هيحصلك
والناس برضوا مصره على التكاتك معرفش ليه مع انهم لو خدوا تاكس ارخص من التوكتوك حاليا

غير الشباب المستهتر اللى عمال يلف فى الشوارع يحرق فى بنزين ويرزل على خلق الله ويعمل حوادث
كل ده علشان لتر البنزين باقل من جنيهان يعنى ايه يعنى لو حرقلة ب 20 جنية بنزين ايه يعنى

كفاية كدا

حضرتك الناس المعاها 3 او 4 عربيات فى البيت يعنى ده بالميت دافع نص مليون جنيه فى تمن العربيات ديه بس غير مصاريف صيانتها تفتكر ده هيفرق معاه الذياده اصلا انت كده حضرتك بتوسعله الشوارع عشان يوفر فى البنزين عشان يلف برحته

والشباب المستهتر اصلا مش هتفرق معاه يحرق 20 زى مبيحرق 100

رد: زيادة أسعار البنزين والسولار تنتظر موافقة «مرسى»

بصراحة يا جماعة هو ده العدل .... واحد جايب عربية ب 80 الف و بيفولها ب 70 جنية ؟؟ طاب ازاى كده عدل

و واحد جايب عربية موديل 80 متكملش15الف و بيفولها ب 40 جنية

و الله انا بشوف مواقف من الناس اللى معاها موديلات عربيات حديثة بجد تقول عليهم دولت كفار مش مسلمين

بجد انا فرحان بالزيادة ديت علشان كل حاجة علشان ملقيش عربية ملهاش لزمة و احد بس اللى ركبها و يقف يسد بيها الشارع و يعطل الناس و منظرة و خلاص

انا من مؤيدين القرار و اى حد يبقى شايف غير كده يبقى مش مصرى و لا حاسس ب الناس الافقر منة

رد: زيادة أسعار البنزين والسولار تنتظر موافقة «مرسى»

اقتباس:

المشاركة الأصلية كتبت بواسطة Oussama (المشاركة 764052)

انت بتقول الكلام دة علشان معندكش عربية ولا حتدفع بنزين والناس كلها مش لازم توافق على القرار دة والمفروض نعمل وقفة احتجاجية ولو حصل نعمل اضراب والناس توقف العربيات لمدة يوم واحد او اتنين ومحدش يمون وهما لوحدهم هيرجعو زى مكان وبعدين لو زاد فعلا مالمواصلات حتزيد وبدل المواصلة ام5جنية حتبقى ب15جنية والناس الى معندهاش عربيات زى حضرتك هى الى حتتعب وتدفع فلوس اكتر:pod_of_gold:

رد: زيادة أسعار البنزين والسولار تنتظر موافقة «مرسى»

اقتباس:

المشاركة الأصلية كتبت بواسطة رفيق (المشاركة 764055)

انا حرد بحاجة بسيطة جدااا

مفيش حكومة اى بلد فى العالم كله بتدى دعم للاغنياء !!!! الا عندنا احنا بس

هو البلد بتدى دعم للناس دى لية ؟؟

و الناس اللى معاهم عربيات من فئة ال 80 بيقفوا و يضربوا بعض على البنزين لية ؟؟

و كمان فى الاخر البنزين ال 80 بيتسرق برضوا .... محدش سمع عن بنزين 90 او 29 او 95 مسروق قبل كده ؟؟

يعنى واحد رايح و ربنا رزقة من وسع بياخد من حق الفقر او المواطن المتوسط

و كمان عاوز يعمل ثورة او اضراب لو البنزين زاد ؟؟ بجد احنا ناس غربية جداااا

امال الناس اللى معاها عربيات الموديلات القديمة تعمل اية تروح تبعها و متشتغلش ؟؟

انا نفسى القرار ده يتنفز فعلا

رد: زيادة أسعار البنزين والسولار تنتظر موافقة «مرسى»

اقتباس:

المشاركة الأصلية كتبت بواسطة Oussama (المشاركة 764066)

انا الى حرد عليك المرادى واسئل وانتا تعرف انك غلطان السعودية وبلاد الخليج البنزين فيها بتراب الفلوس ومية الشرب هناك اغلى من البنزين علشان مفيهاش حرمية عاوزين يسرقوا بحجة الغاء الدعم:10F925~165: