رد: مشكلة و محتاجة ليها حل
 

والله أنا مكنتش بسيب المفتاح، بس للأسف الجراجات عندنا بتتستف لحد المطلع فمع مرور الوقت إتخنقت (لازم أدي تقرير كل يوم عن مواعيدي تاني يوم عشان ترتيب العربيات ولازم متأخرش بره عشان متكونش كل العربيات دخلت وأنا آخر واحد وهكذا) فبقيت أسيبه على عيني. بس السايس عندنا هو نفسه صاحب الجراج (مأجره) فبيحترم نفسه ومبيعمل الحركات دي، هو آخره يحكها عصب عنه وهو بيطلعها أو بيدخلها عشاني. بس طبعا وارد ينام بالليل في التكيف مثلا بس أنا بعمل شوية إحتياطات، مثلا أضبط مؤشر الحراره على آخر درجتين أو ثلاثه في السخن عشان أشوف هل قيه حد علاه ولا لأ (حركة زباله مش كده ههههه) وكبعا براقب إستهلاك البنزين من كمبيوتر الرحلات.

وربنا الحافظ، نفسي في محل صغير إيجار أعمله جراج خاص بس للأسف غاااااالي قوي في المنطقة عندي.

رد: مشكلة و محتاجة ليها حل
 

والله أنا كمان نفسي بس العين بصيرة و ربك يدبرها
لما تلاقي قولي و نفتح الجراجين على بعض زي شقة أسوان و شقة اسكندرية و نعزم كل مصر موتورز تركن معانا
تحياتي

رد: مشكلة و محتاجة ليها حل
 

السلام عليكم
اولا انا لسة شارى العربية جديدة زى حضرتك بالضبط بس انا عربيتى فل اوبشن مانيوال
ثانيا عايز اقولك ان حضرتك معاكى عربية ممتازة جداااااااااااا وحضرتك مش واخدة بالك وهتسألينى ازاى بقى صح؟
ثالثا واحد صاحبى اشترى نيسان صنى الجديدة قبل ما انا اشترى اللوجان ب 5 ايام وكان لسة معايا امبارح ولاقيته بيقولى نجرب اللوجان بتاعتك فى الخروجة يا معلمى قشطة . وطبعا قولتله ماشى فى الاول قولتله تعالى سوق وقولى ايه رايك , قالى لا ياعم انا خلاص اتعودت على الاوتوماتك(عربيته الصنى الجديدة) قولتله ماشى وفجأة واحنا ماششين فى امان الله وبعد ما قطعنا المسافة بين عمارات العبور لحد ستى ستارز قولتله مقولتليش ايه رايك قالى الاتى........
1 التكييف ممتاااااااااااااااااز (لاننا كنا مشغلينه على 2 وسقعنا ولاقيته هو اللى وطاه على 1 )
2 العربية عالية جدا عن الارض لدرجة انك تحس انك راكب 4X4 (وقالى اعلى من الصنى )
3 العفشة مريحة جدااااااااا
4 الثبات احسن من الصنى (واضاف ان ثبات الصنى زبالة معجبوش خالص)
5 شكل التابلو من الداخل وشكل العدادات احسن من الصنى بكتيير
6 العربية واسعة زى الصنى
ولما سألته وقولتله محستش ان صوت الموتور عالى قالى لا مخدتش بالى ولما ركبنا بعد كدا وقطعنا مسافة تانية من ستى ستارز لحد الرحاب وقولتله ركز بقى فى صوت الموتور قالى هو مش عالى اوى يعنى للدرجة الملحوظة وقالى خلى بالك العربية عاملة 500 كم يعنى متحكمش على الموتور دلوقتى خالص وبالرغم من كدا صوت الموتور دا قريب من صوت موتور الافيو (عربيته القديمة )
واخيرا لما وصلنا الرحاب قالى بقولك ايه متجيب اسوق شوية هههههههههههه
طبعا فضلت ازله شوية وفى الاخر قولتله انا موافق بس السحور عليك يا كبير
بصراحة فضل يفكر شوية وقالى مااااااشى
المهم
ساقها واعجب بيها جداااااا فى السواقة (بس مقرنليش بينها وبين الصنى)......... وبردو معزمنيش على السحور ضحك عليا:w6w200504112236376d
واخيرا احب اقول لحضرتك شوية حاجات وهى
1 انا حسيت انه ندم شويتين انه اشترى الصنى
2 اى عربية فى مصر فيها عيوب (الا اذا حضرتك قررتى تدفعى 200 او 300 الف وانتى طالعى يعنى من الاخر قررتى تركبى باسات - بى ام -مرسيدس...............)
3 متحكميش على العربية دلوقتى نهائيا وابداى احكمى عليها بعد صيانة ال5000
4 حضرتك راكبة عربية ((((اوروبية ))))) وركزى على الكلمة دى وقصدى بيها انها نفس الجودة ووسائل الامان ولكن مش نفس الكماليات (بلدنا كدا بقى )
5 الف مليون مبروك عليكى احلى عربية فى الدنيا ( مع ان المفروض الجملة دى تبقى رقم واحد :018A1D~146:
شكرااا........ واسف على الاطالة

رد: مشكلة و محتاجة ليها حل
 

ربنا يبارك لحضرتك فيها والله أنا عارفة بس فيه ناس مكرهاني فيها كأني رميت فلوسي في الأرض مع قناعتي التامة بإن لوجي ربنا يخليهالي
فلة شمعة منورة كتكوتة حتت سكرة
FLASHCar
و الدليل التقرير إللي عملته عنها ده

http://www.masrmotors.com/vb/showthread.php?t=91658

و التقييم ده

http://www.masrmotors.com/vb/showthread.php?t=93205
المشكلة الحقيقية إني لما أروح لحد بيفهم يقولي عربية جاااااااااااااااااااااامد ة حلوة أحسن من تيييييييييييييييييييييييي ييييييييت
شوية أقابل حد من قرايبي و يكون عنده بيجو و لا ميرسيدس بس من سنة 1980مثلاً يقعد يقولي ده ضعيفة ما تستحملش
أنا عربيتي 2000 سي سي
ده اجتهادية ناقصة حاجات كثير
ما تتقليش عليها
الخبطة فيها بقرصة دم
حتظبطك قطع غيار

المصيبة إني مش بكون لوحدي
أخواتي بيبقوا معايا و هما ملائكة بيصدقوا الناس بسرعة ألاقيهم وشهم أصفر و مرعوبين يخلوني أسوق و يركبوها معايا مقضينها تاكسيات و مجرجرني معاهم

خلااااااااااااااااااااااا اااااااص حطأ من الغيظ

و إللي يكيد كل شوية حد يطلع فيها عيب من ملاكها و يطلع عيب صناعة و يغيروه في التوكيل أنا نفسي مضوني على الفحص و كلفتوني في لمبة مش شغالة في الدرج
عادي أجدع خبير ممكن يتكلفت مع إني فصصت العربية سبحان الله قدر بقى

الحمد لله
بارك الله فيما رزق ليا و لحضرتك و لكل ملاك لوجي الجميلة

و أنا لو منك اقاطع صاحبي بتاع السحور و أغرمه فطار علشان يبطل و يحرم يزوغ

الراجل مش بس بعربيته الراجل بعزايمه لأصحابه و شلته

رمضان كريم

رد: مشكلة و محتاجة ليها حل
 

زى ما قلت لحضرتك فى مشاركتى اللى فاتت .. لمبه الدرج بتنور مع النور الصغير (الفيرانى اللى هو اول تكه فى دراع النور) ومش بتنور ونور العربية مطفى خالص ..

فهل حضرتك جربتى الكلام ده ؟؟؟؟

رد: مشكلة و محتاجة ليها حل
 

أخي العزيز أ/ حسام البورسعيدي
أستاذي الفاضل الباسل أبن البواسل

سلامي لبورسعيد الحبيبة كلها و أهلها الكرام
وحتى لو فاسدة مش مشكلة إللي عاوز يدرو على حاجة يجيب بطارية يحطها في فمه و يدور يا يستنى للصبح في نور ربنا

حجرب تاني يمكن يكون مأموصة مني و معلقة

ألف شكر لحضرتك على دعمك لأختك باستمرار و لكل من في المنتدى