المشاركة الأصلية كتبت بواسطة الايطالى الصغير (المشاركة 657333)

استاذنا الفاضل واخونا العزيز
كدة المكنة بقت فى الهوا ونبدا ننزل الموتور على الارض واحدة واحدة واما نطمن انة كليا بقى على الارض هانرفع العربية لفوق ونرجعها لورة عشان تبقى بعيد عن الموتور

الجمل دى ياريت توضحهالى
ازاى هنرفع العربية ونرجعها لورا والموتور راقد على الارض
احنا اتفقنا ان الموتور اتفك من العربية وبقى على الارض وما فيش ولا اسلاك ولا اى حاجة رابطة الموتور بجسم السيارة يبقى اية المشكلة انك ترفع العربية كليا من عند الحوض وترجعها للخلف مسافة 1 متر فقط ......يعنى حضرتك واى حد معاك تمسك العربية من الرفارف وترفع لفوق وتزق للخلف
......................... ...

بنجيب نص سبيكة قديمة طبعا ونوضؤرها على سنون الفولام
يعنى ايه ونوضؤرها على سنون الفولام
وازاى
انا اسف بس دى كلمة معروفة جدا فى اى ورشة وجاية من كلمة دؤار لو حضرتك اشتغلت فى اعمال الخرسانة المسلحة حتى كاملك او خطوط المياة الكبيرة بنعمل حاجة اسمها ضؤار يعنى جزء بيؤدى وظيفة معينة وهى عدم فلت او خلع او لف جزء ما .... كدة كلمة نوضؤرها اتفهمت !!!!
القصة كلها انك كل اما تيجى تفك مسمار الكرنك هتلاقى الكرنك بيلف معاك فى اتجاة الفك طب احنا عاوزين حاجة تمسك الكرنك متخلهوش يلف عاوزين نوضؤر الكرنك فى حاجة ....والحل اننا نستغل وجود الحدافة او ترس الفولام لانة مسنن وممكن اعشق فية نص سبيكة مستعملة او مخلوعة من مكنة او مفك كبير او اى حاجة معدنية تمنع الفولان يلف عشان اعرف افك مسامير الكرنك
......................... ...

بخصوص وش السلندر انا مش عاوز اشوف حاجة فية لانى ناوى اعمل كل حاجة فية من قواعد ودلايل وطقم صباب عشان دة مخ المكنة ولازم يتعمل زى ما قال الكتاب وخصوصا ان التكلفة مش عالية دنا بتعامل مع 8 قواعد وطقم صبابات بـ 90 جنية الفرنساوى اللى هو احسن حاجة

ايه احسن الخامات والانواع الموجودة فى السوق والماركات المعروفة الى مش مضروبة
وازاى اعرف ان المنتج كويس
سواء القواعد والدلايل والصبابات
القواعد والدلايل بيتعملو عمولة عند الخراط طقم الصباب والجلد بتاعة فقط اللى بنشترية وهات الفرنساوى من عند اخونا نيكولاى ساركوزية
.............
يا سلام لو زودتنى بصورة لموضع علامة سير الكاتينة
لانى شغال بالمفك فى تضبيط سير الكاتينة
ونفسى أشوف العلامة الى على جسم الموتور فين بالضبط
لانى مش شايف غير علامة خارجية على طنبورة ترس طرمبة المياه الى راكب على ترس الكرنك
بامر الله هاشوف صورة لكدة وحضرتك ممكن تشوف على الفتيس المكان اللى بيبان فية الفولام فى علامات ولا لا
............
جزاك الله عنى خير
وربنا يبارك فيك على تعبك معايا
.......................

المشاركة الأصلية كتبت بواسطة الايطالى الصغير (المشاركة 658651)

ارجو منك اخى العزيز واستاذى الفاضل


Mr Astra


ان توضح لى اين القواعد الثلاثة للموتور

أرفقت لك الصورة - صورة موتور 128 هنا فى الموضوع لتكتب لى عليها اسهم بالقواعد الثلاثة

http://www.masr1.com/?di=JFUJ

الصورة المرفقة يصعب تحديد اماكن القواعد لكن
الصورة التالية هى شكل القاعة الاولى بدون تركيب

http://im18.gulfup.com/2012-04-25/1335372566862.jpeg

الصورة التالية وهى راكبة معلملك عليها بسهم ابيض

http://im18.gulfup.com/2012-04-25/1335372566251.jpeg

الصورة التالية لشكل القاعدة الثانية بدون تركيب
http://im18.gulfup.com/2012-04-25/1335372566554.jpeg

الصورة التالية لشكل القاعدة الثانية بالتركيب معلملك عليها بسهم ازرق

http://im18.gulfup.com/2012-04-25/133537256663.jpeg

اما القاعدة الثالثة مش لاقى ليها اى صور وسبحان الله دى ارخم قاعدة فيهم فى الفك والتركيب وبيتطلب فكها انك تدخل جوة الصالون وتشيل الموكيت من منتصف السيارة عند الكونصولة وتفك مسمارين بتعها ولازم حد معاك يمسك بمفتاح من الحوض الصواميل اللى حضرتك هاتفكهم

ثانيا :

الوش البلاستيك القديم بتاع سير الكاتينة كان عليه ال 3 علامات التى تفضلت انت وشرحتها فى الفقرة السابقة

الوش البلاستيك الجديد عليه علامة واحدة فقط وليس ثلاث

السؤال ليه ؟

ليه الوش الجديد ما فيهوش غير علامة واحدة فقط وهى يا ترى علامة ايه ؟ توقيت الاشعال ولا ضبط سير الكاتينة
العلامة تنفع للاتنين مش لما يكون البستم رقم واحد محرر اى فى النقطة الميتة العليا يبقى كدة مفروض ان الصبابات تكون قافلة وفى نفس التوقيت مفروض البستم يستقبل شرارة البوجية
طيب والوش القديم

العلامات الثلاثة

وظيفتهم ايه كل واحدة

وبيستخدموا ازاى ؟

فى الكتالوج الايطالى مكتوب 5+ و 10+ تقريبا - ومكتوب عند الثالثة صفر

اظبط على الصفر وفى الوش ابو علامة واحدة اظبط اكيد على العلامة
وهل معنى كده انى اركب سير الكاتينة والوش راكب ازاى علشان اضبط العلامة مثلا ؟ طبعا لازم افك الوش البلاستيك
هو ماينفعش تظبط الطنبورة والوش راكب وبعدين تفك الوش وتكمل فك سير الكاتينة من بلية الشداد بدون ما تلف الكرنك؟؟؟؟؟؟ اكييد ينفع
ارجو منك ان توضح لى هذه النقاط

ولسانى يعجز عن شكرك
الشكر لله
وارجو من الادارة ان تكافئك على موضوعك الرائع الجميل
ما تشغلش بالك المكافاة الحقيقية دعااااااء صادق من القلب براحة البال
وان تقوم أيضا بتثبيت الموضوع