|
رد: نداء عاجل لخبراء 128
اقتباس:
وهو اسمه الاسطى / عادل لطفى والورشه بتاعته فى البساتين - بير ام سلطان - عند الملعب البلاط . وصفه على البسيط كده مش هتاخد ربع او نصف ساعه بالكتير هتبقى عنده بأذن الله :- هتيجى من عند سنما فاتن حمامه اللى فى المنيل كأنك نازل على الفسطاط او عين الصيرة بس مش هتعدى الكبرى اللى فوئك انما هتاخد يمين مع الكورنيش كأنك داجل على المعادى تفضل ماشى علطول لغاية ماتلاقى صنيه وبنزينه فى وشك فى نصف الشارع هتلف مع الصنيه شمال هتلاقى طلعة كوبر ( كوبرى العاشر ) اطلعه وبعد ما تنزل كمل علطولحوالى 4 دقائق لغاية ما تلاقى مسجد ابيض واخد نصيه ادامك والطريق بعد كده بيخش شمال انت بقى هتخش يمين هتلاقى قبل النصيه بمحل او اتنين راجل بتاع كوتش تخش من جنبه وتمشى علطول هتلاقى على يمنيك الخياله بتاعة الدخليه كمل لغايه ما تلاقى الطريق المسفلت داخل شمال خش معاه مفيش 100 متر هتلاقى موقف المكروباص ( بير ام سلطان ) هناك قول فين الملعب البلاط اللى عند عمارات الاوقاف او حتى الملعب البلاط وخلاص الف مين هيدلك عليه وهو يبعد عن الموقف حوالى 250 متر تقريبا ده بالكتير وهتلاقى قصاد الملعب قهوه كبيرة اسمها ( قهوة تمر حنه ) هناك هتلاقى رصيف بصنيه هناك قول فين ( الاسطى عادل لطفى المكانيكى ) الف مين يدلك عليه وورشته قصاد قهوة اسمها ( قهوة فارس ) ومش بعيد عن الملعب الا 20 متر اساسا . وبأذن الله توصل بالسلامه ROSE4U وانا هجبلك تليفونه وهديك تليفونى علشان اقف معاك لغاية ما يخلص وتجرب وهو على فكره عنده ضمير جدا ومبيعرفش يكروت خالص للامانه انتظرنى شويه وهجبلك تليفونه بأذن الله |
رد: نداء عاجل لخبراء 128
SLAMايه الروعة دي فعلا حصري سلمت يمناك بس عندي سؤال مش ظريف هي العوامات دي موجودة في ال 128
|
رد: نداء عاجل لخبراء 128
:Bravo:
سيدي العزيز a_e ايه الوصف الدقيق ده جزاك الله كل خير حضرتك تقصد دخلة دار السلام بس الف وارجع كأني راجع مصر القديمة تاني واركب الكوبري اللي بيدخلني علي ماري جرجس |
رد: نداء عاجل لخبراء 128
اقتباس:
هزا الاسلوب فى الحوار انا ارفضه وشكرا جزيلا لزوقك على اى حال!! |
رد: نداء عاجل لخبراء 128
انا اسف لا اقصد اي شئ سوي الامتنان ماذا تقصد حضرتك بالاسلوب اليست تلك التعليقات الموجودة بالمنتدي :110105~127:
|
رد: نداء عاجل لخبراء 128
يا استاذ cars admire انا كنت اخاطب الاستاذ a-e انت فهمت الموضوع ازاي ارجوا التوضيح
|
رد: نداء عاجل لخبراء 128
يا استاذ cars admire ارجوا التوضيح لو سمحت ما تلقيش كلمة من غير ما تفهمني تقصد بيها ايه وتسبني وتمشي
|
| الساعة الآن 08:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017