رد: حد يساعدنى ضرورى اختار مين
 

لو انتا بتتكلم عن السيراتو الخليجى فهى بى 118 اللى قبل الفئه الاخيره على ما اعتقد كان فيها كاميرات و بارك سينسور و حجات كتيره اوى الصراحه و جنوت 16 و مريات ضم و كل اللى نفسك فيه و كانت وموديل 2012 و كانت فى ناشيونال موتوزر و الصراحه انا مفكرتش اشترى منهم لانى مرتحتش ليهم ده راى شخصى والله اعلم ممكن يكونوا ناس ميه ميه
فى واحد تانيه كانت سيراتو توكيل 2011 و فيها كل حاجه بردو باستثناء الكميرات و كانت موديل 2011 و سعرها 114 الف و كان فى اللى هى sx سعرها كان بى 119 على ما اذمر و دى موجوده فى توكيل عربيات امام جامع الحمديه الشازليه فى المهندسين
اما الانسر فهى موجوده فى معارض كتير جدا فى المهندسين او طارق و سعر ال 2011 اول فئة اوتوماتيك من 115 الى 113
و سعر الفئه اللى بعديها اللى فيها جنوت من 118 الى 116

رد: حد يساعدنى ضرورى اختار مين
 

بص يا عمى انا كان معايا لانسر موديل 2006 بومة1600 سى سى اوتوماتيك و بعتها بعد خمس سنين و شهرين بعد ماشفت الامرين منها و من عفشتها و اشتريت سيراتو توب لاين .... ممكن اقولك عن تجربتى . اولا مافيش فرق بين اليابانى والكورى ..اللانسر كانت خفيفة و عند 170 كنت بحس انى طير فى السما , السيراتو ببقى على 180 ومش حاسس ولله مرة سرحت لاقيتنى على 190 اتخضيت ونزلت بالسرعة ....تانى حاجة من ناحية الصاج الحمد لله و بعد مابعت اللانسر بعتها و فيها فوق عن 10 عفسات فى السقف و شنطة العربيه (العفسة يعنى انبعج داخلى فى الصاج من برة) وده بيكون بسبب الهواء وبعض الزلط الصغير اللى بيكون على الدائرى دة غير مرة عملت حادثة ولله مش جامدة فى الباب اليمين اللى ورا و الصج ولله اتقطع زى الورقة... نيجى للعفشة بامانة انعم عفشه فيكى يا عربيات موجودة فى اللانسر بس للاسف مبتقعدش كتير مثلا قبل ماابيعها كنت محتج اغير عفشة كاملة و كنت قبل كدة مغير جوز مساعدين على 40 اللف لكن عافش السيراتو ناشفة بس خلاص اخدت عليها..... نيجى بقى لقوة العربية بامانة السيراتو عربية مشاء الله عليها سحبها تحفة ... زى مقولتلك فى الاول انا كنت بجيب على اللنسر 1600 170 ك/س و دى اخرها لكن السيراتو جبت عليها فى طريق سفر ( طريق العريش ) 200 وكنت حاسس انى ممكن اجيب اكتر ..... تكييف الاتين كويس .... كماليات السيراتو بداية من EXاجمد ميت مرة .... يا عم انا اشتريت اللانسر حتى من غير كاسيت..:k_crying77[1]:
اتمنى تكون تجربتى تفيدك فى اختيار العربية

رد: حد يساعدنى ضرورى اختار مين
 

المقارنه اساسا بين الانسر والسيراتو وعن تجريه قيادتى للعربيتين اقدر اقولك لو نشوفيه العربيه مش هاتضايقك يبقى السيراتو طبعا اكبر واوسع وافخم واثبت على الطريق بكتير عن الانسر تانى حاجه انت ممكن تقارن بين الكورولا والسيراتو لو الاتنين بنفس السعر وبسؤالى لسواقين الليموزين اللى راكبين الكورولا بيشتكو من انها مش ثابته على السرعات العاليه وكمان السيراتو لو جنط 15 بتبقى برضه زيها مش ثابته لانها بتكون عاليه عن الارض انا عن نفسى معايا جنط 17 نيتروجين هى اوطى من الجنط ال15 بطريقه ملحوظه بالعين بس ثبات على الطريق وتحكم كامل فى السياره حتى 155 ك على الطرق المفتوحه اللى بيكون الهواء فيها شديد زى طريق شرم او الغردقه لكن لو طريق زى المحور بعد الساعه 3 بالليل ممكن تقفل العداد وتحس انك ماشى على 110 بسبب جوده عزل العربيه

رد: اختار ميين يا رجاله
 

رد: اختار ميين
 

besara7a , ana m3aya kia cerato 2010 mn 15 months, wel3rabeyya hayla w masha2allah 3leeha , bent asool. rkebt lancer 2007 , w elly kayefny el cerato 3n el lancer wel options bt3etha + great motor & v.good stability

رد: اختار ميين يا رجاله
 

انا جايب سيراتو اوتوماتيك وفرامل مانعة للأنغلاق وايرباج وبلوتوث وكاميرا بس مش جنوط اسبور ولا غمزات بالمرايا و109 من سمير ريان يعنى الى انت بتحكى عليها دى ما شاء الله سعرها خرافة توكل على الله عربيه جميلة