رد: انحراف السيارة مع الضغط على الفرامل
 

أصدقائي الأعزاء كل عام وأنتم جميعا بخير وان شاء الله يكون عام سعيد علينا وعليكم وعلى الشعب المصري العظيم وعلى مصر ان شاء الله .
انا بعتذرعن عدم المشاركة خلال الفترة الماضية بسبب ظروف العمل وأنا بشكر جميع الأخوة الأعزاء اللي أضافو للموضوع معلومة جديدة أفادتنا جميعا .
أنا لسه لحد الأن لم أكتشف العيب الحقيقي اللي عندي ولكن جاري البحث وان شاء الله لما اعرف السبب الحقيقي في ده هكتبه هنا في الموضوع وشكرا جزيلا على اهتمامكم جميعا ونسألكم الدعوات
تقبلوا جميعا تحياتي .

رد: انحراف السيارة مع الضغط على الفرامل
 

وعليكم السلام ورحمة الله وبركاته
الأخ العزيز شارو
أنا سعدت جدا بمشاركة حضرتك واضافتك للموضع
بالنسبة 1- لموضع الركبة في العفشة اللي فك لحامها أنا وديت العربية للعفشجي كشف على العفشة بالكامل وربط حاجات كانت مفككة فيها وفعلا حسيت ان الانحراف قل بسيط عن الأول وكمان رجة الدريسكيون عند السرعات العالية ولكن طبعا مازالت المشكلة قائمة .
2- موضوع الخراطيم أنا اختبرتها قبل كده وجابت زيت من مسمار الهواء وده بيدل على انا دورة الزيت تمام بس اللي ممكن يكون مشكلة ان الضغط في خرطوم من الخراطيم اعلى من التاني بمعنى ان فيه فرده ضغط الزيت فيها ضعيف وللاسف ده هيكون اكتشافه صعب شوية .
3- لو البستم قافش في اي فردة من الفرد هتلاقي فيه حرارة عالية فيها بعد مشوار طويل او طبعا على حسب القفشة وده مش موجود عندي . أنا بشوف حرارة الجنوط بعد مشوار طويل بلاقيها طبيعية تقريبا .
4 - التيل في الجنب اليمين والشمال الميكانيكي بدلهم فعلا مع بعض وده يدل ان التيل في الفردتين مش متساوي بس أنا ساعتها مكنتش مركز معاه قوي فأنا هفك التيل بتاع الفردتين ان شاء الله بنفسي وهشفهوم ان شاء الله . وبالمرة هكشف على المساتر الفرعية بس مشكلة ضغط الزيت في جميع الخراطيم يكون واحد ديه مش هقدر احددها.
تقبل تحياتي

رد: انحراف السيارة مع الضغط على الفرامل
 

أبو الشباب أعمل خراطه للدسكات وغير التيل وشكرا:10CC26~164:

رد: انحراف السيارة مع الضغط على الفرامل
 

انا فى أعتقادى المشكلة فى العجل الخلفى شمال أكشف على السوست اللى ماسكه التيل وشوف كمان البساتم ممكن يكون فى بستم قافش ومش بيطلع من مكانه عشان يضغط على التيل او بيطلع بطئ من مكانه البستم
وأتفرج على الفيديو ده
http://www.youtube.com/watch?v=MCpCkun2qxA
http://www.youtube.com/watch?v=x_kBV...eature=related

رد: انحراف السيارة مع الضغط على الفرامل
 

شكرا جزيلا ياجميل على الرد والاهتمام
أنا فعلا استفدت كتير جدا من الفيديو اللي انت رفعته .
هو فيه حاجة مهمة جدا وهي اني زودت ورقت سوستة خلفية وبعد مازودتها تقريبا حصلت المشكلة ديه ، ودلوقتي وبعد فترة طويلة من تزويد هذه السوستة تقريبا الانحراف قل بنسبة قليلة عن الأول .
لذلك اعتقد ان زيادة هذه السوستة أدى الى تعويم السيارة من الخلف وهذا بدوره السبب في انحراف السيارة . والله اعلى وأعلم

رد: انحراف السيارة مع الضغط على الفرامل
 

بص ياباشا شوف البساتم بتاعة الفرامل ممكن واحد يكون قافش وبيطلع بالعافية لما تيجى تدوس فرامل والتانى ممكن يكون سليم وبيطلع بسرعه فيحصل ان العربية تعوم منك وتحدف
شوف الفيديو ده والراجل بيطلع البستم من مكانه وخلى الميكانيكى يخرجهم ويشفهم عايزين يتغيرو ولا لأ
http://www.youtube.com/watch?v=9EIVWoYy0ug

رد: انحراف السيارة مع الضغط على الفرامل
 

فى حاجه كمان بعد ما الميكانيكى يطلع البستم خليه يدهنه ويزيته بزيت فرامل عشان لو أفش
وينظف المكان اللى ببات فيه البستم ويدهنه بزيت الفرامل زى كده
http://www.youtube.com/watch?feature...dFdmueLsA&NR=1