رد: اللى عايز اى مساعده فى اختيار او تركيب عدد صوت
 

بعد ازن حضرتك انا كنت عايز اشترى كاسيت بسيط بفلاشة وراديو اسمع فية ازاعة القران الكريم
وسماعتان 80 w باب عرض 13 سم
فكنت عايز اعرف
سعر الطقم ال 80 w عاملة كام
والكاسيت عاملة كام

رد: اللى عايز اى مساعده فى اختيار او تركيب عدد صوت
 

فى كاسيتات بفلاشة وكارت ميمورى وسعرهم رخيص مش غالى وسماعات الابواب مش فاكر سعرهم ال 80 وات بس ال 13 سم 140 وات بايونير الطقم عامل 175

رد: اللى عايز اى مساعده فى اختيار او تركيب عدد صوت
 

اخى الكريم
معى سيارة بومة 2007 عاوز كاسيت فية فلاشة + بلوتوث + شاشة يمكن تركيب كميرا خلفية عليها بس ماتكنش من النوع الى بيركب على المراية
يعنى الشاشة تكون بلت ان مع الكاسيت ومش مهم موضوع gps
وشكرا على المجهود الرائع

:018A1D~146:

رد: اللى عايز اى مساعده فى اختيار او تركيب عدد صوت
 

لو سمحتم يا اساتذه ممكن تشرحولنا ازاى ندخل الوصله على الضيره زى ما حضرتك بتقول.. وشكرا.

رد: اللى عايز اى مساعده فى اختيار او تركيب عدد صوت
 

معي سيارة هيونداي اي 10 و بها كاسيت بيونيير ليس به يو اس بي ولا AUX

عندي سؤالين

الاول : حضرتك تعرف حد ممكن يشتري الكاسيت ده أو يدخل تمنه في كاسيت بايونيير او سوني ب يو اس بي و ِ‘AUX
, , لو مفيش ...فين احسن مكان اشتري منه كاسيت سيارة و مكان للتركيب (يفضل جيزة او هرم)


بخصوص السماعات انا عندي 4 سماعات بالابواب بس اللي قدام بس هما اللي شغالين هل ده عادي ؟

رد: اللى عايز اى مساعده فى اختيار او تركيب عدد صوت
 

بوص انا عندي جي ام سونفوني 500w وكاسيت سوني GT500u وسمعتين بيونير 300w والصوت كويس بس موش اللي كان في دماغي انا عاوز اظبط عن كده اعمل ايه

رد: اللى عايز اى مساعده فى اختيار او تركيب عدد صوت
 

أولا وقبل أي حاجة أحب أحييك على روح التعاون بجد حاجة تفرح.
مش هطول عليك في الكلام,المشروع الي في دماغي كالاآتي.
1- عدد 2 تويترز فوق الحزامين من النحيتين.
2- هغير السماعتين الي في الباب الأمامي وأخليهم 250 وات مدورين وهحاول ألاقي نفس المقاس علشان سهولة التثبيت.
3- سماعتين الباب الخلفي هغيرهم وأجيب سماعتين 350 أو 400 وات ومش مهم الشكل بقى قوي ورى.
4- عايز أركب بقى عدد 2*1000 أو 1500 ووفرز ورى الكنبة الخلفية من فوق وطبعا هيبقوا ساقطين من الشنطة وعايز أعمل فتحتين يمين وشمال علشان حكاية خروج الهوا دي
موضوع إني أجيب صندوق وأحط فيه كل السماعات دا طبعا بيبقى شبه مستحيل في بعض أنواع السايارات وغالبية الملاكي عموما ولاكنه الأحسن على الإطلاق في النتيجة.
فا هل لو سمحت لو وزعت السماعات دا بيأثر بالسلب على جودة الصوت ياعني

• الأحسن أركب السماعتين بتوع البابين الخلفي مع الووفرز في نفس المكان ولا كدة كويس.
• بعد إذنك ممن رأيك في قوة الوات للوفرز الخلفية وهل كدة معقول ولا أفكر في حاجة أعلى وأنا ممكن غالبا أمشيها 1500*2 وات بلاش 1000.
• هل أصلا كدة أحسن إني أركب إتنين صب ولا الموضوع مش مستاهل وأخليه واحد بس ولو حتى أعلى وخلاص.
• كمان لو سمحت إنتا لو تلاحظ إني ما جيبتش سيرة الجي إم خالص لأني فعلا ما أفهمشي فيه حاجة فا بعد إذنك لما تنصحني بالوات المناسب للوفرز فا هيبقى عندك تصور كامل أهو عن عدد وواط السماعات الي عندي كلها فا ياريت تفهمني بقى أجيب جي إم كام واط.
• وكمان في حاجة مش فاهمها خالص في حكاية الجي إم واللوفر والعلاقة مابينهم (الأر إم إس) ورقم ال 3/4 الغريب دا الي مش فاهم بيشير إلى إي؟:shyy:

او هتديني فكرة ولو حتى مبردئية أو رييينج عن الأسعار يبقى كتر ألف خيرك.
آه نسيت أقولك نوع العربية تيوتا كرولا 2002 علشان بس تبقى متخيل الموضوع.