مصر موتورز مجتمع السيارات - تجربتى الشخصيه فى تنظيف المحرك من الداخل

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - تجربتى الشخصيه فى تنظيف المحرك من الداخل (https://www.masrmotors.com/vb/showthread.php?t=69503)

رد: تجربتى الشخصيه فى تنظيف المحرك من الداخل

<TABLE class=tborder border=0 cellSpacing=1 cellPadding=6 width="100%" align=center><TBODY><TR vAlign=top><TD class=alt1>AboNoRa

</TD></TR></TBODY></TABLE>
444546:1281F1~121::THUMBS ~220::12A96E~160::12A96E~ 160::12A96E~160::12A96E~1 60:

رد: تجربتى الشخصيه فى تنظيف المحرك من الداخل

اقتباس:

المشاركة الأصلية كتبت بواسطة essamenen (المشاركة 528347)

منذ 3 اسابيع كنت قاعد مع واحد صاحبى صاحب محل مكن رى زراعى كنت بتكلم عن عمرات المكن فقلى ان الصنايعيه سعات بيحطوا بنزين بدل الزيت وده بينظف المكنه من الداخل فجات لى الفكره انى ممكن احط للعربيه بنزين بدل الزيت لتنظيف محرك السياره على اساس
1- يداتير العربيه بيتسد من الاملاح ويجب تنظيفه كل فتره
2- الزيت بيكون فيه اضافات وممكن ان تتصلد فى مجارى الزيت داخل المحرك
3- فكره تصلب الشراين فى جسم الانسان
راجعت نفسى اكثر من مره لعمل الموضوع ده الى ان اتكلت على الله وقلت اجرب الموضوع ده على اساس انى عايز اغير الزيت
المواد المطلوبه
1- 4 لتر بنزين
2- 4-لتر زيت قديم ( كان عندى فى العربيه حطه احطياطى فى شنطه العربيه لاى طارئ
3- زيت السياره الى فى المحرك

الخطوات
1- سخنت العربيه لحد ما الحراره وصلت الى 90
2- فضيت الزيت من طبه الزيت ( طبعا فى جركن مفتوح زى بتاع غيار الزيت )
3- قفلت طبه الزيت وبعدين حطيت البنزين فى فتحه الزيت الى موجوده فى اعلى المحرك
4- الخطوه ده مهمه جدا فصلت سلك الموبينه الى رايح الى الاسبراتير علشان البوجيهات متشتغلشى او ممكن نشيل كل سلوك البوجيهات للامان
5 - قعدت اشفل العربيه 4 ثوانى واستنى 10 ثوانى علشان المارش ميتحرقشى من كل التدوير . قعدت اعمل الموضوع ده 5 مرات تقريبا علشان البنزين يطلع فى كل مكان فى المحرك
6-انتظرت 30 دقيقه وبعدين كررت الخطوه السابقه
7- نزلت تحت العربيه وفكيت طبه الزيت علشان انزل البنزين فى جركن تانى واستنيت 15 ساعه لحد ما اتصفى كل البنزين وبعدين قفلت الطبه
8- حطيت الزيت القديم الى انا لسه منزله من العربيه
9- ركبت سلوك البوجيهات
10 - قلت بسم الله وشغلت العربيه 5 دقائق
11- نزلت الزيت الى اكيد كان خفيف بفعل البنزين الى موجود فى المحرك وقفلت الطبه
12- حطيط الزيت القديم الى كان موجود فى العربيه معايا احتياطى لو مش موجود ممكن تشترى ارخص زيت وتستعمله
13- شغلت العربيه وسبتها شغاله 30 دقيقه
كد انا خلصت ان شاء الله همشى بالزيت ده 20 كيلو وبعدين اروح واغير زيت جديد وفلتر عند بتاع الزيت بكره انشاء الله

ملاحظاتى
عند الانتهاء من وضع الزيت شغلت العربيه وسبتها شغاله 30 دقيقه وقعدت اراقبها من حيث لمبه الزيت ودرجه الحراره الحمد لله كله تمام الحراره لم ترتفع عن 70 طول فتره التشغيل بينما فبل ذلك كانت الحراره ترتفع تدريجيا الى 90 وتشتغل المروحه للتبريد الى ان تصل الى 80 وبعد كام دقيقه ترتفع الى 90

تفسيرى للى حصل ان مجارى الزيت تكون فيها ترسبات للزيت لا يقدر الزيت الجديد على اذابتها زى البنزين

ممكن تكون فى اضافات للتنظيف بس انا معرفشى عنها حاجه
التجربه ديه فيها شويه بهدله ونصيحه لو هتعملها تلبس هدوم مش عايزها لانك اكيد هتتوسخ بالزيت
ممكن الموضوع ميعجبشى كل الناس بس هى جديره بالمحاوله الى بيحب يعمل الحاجه بايده
وربنا يصلح الحال

ينهارك ابيض ايه القلب الميت ده ده انا خايف اجرب الفلاش

رد: تجربتى الشخصيه فى تنظيف المحرك من الداخل

تجربه جريئه وتستحق الاحترام:fun_36_1_39[1]:

رد: تجربتى الشخصيه فى تنظيف المحرك من الداخل

هو أهم حاجة أن الراجل قلبه حديد عشان يعمل كده لكن اللي مجمد قلبه أنه فاهم بيعمل ايه و أنا شايف أن الاثار الجانبيه بسيطة.

رد: تجربتى الشخصيه فى تنظيف المحرك من الداخل

انا اعتقد ان طلمبة الزيت غير قادرة على رفع البنزين الى الهد لان البنزين كثافتة وقوامة غير الزيت
كمان طلمبة الزيت بتعتمد على ترسين لضخ الزيت مش طلمبة رداخ زى طلمبة البنزين

رد: تجربتى الشخصيه فى تنظيف المحرك من الداخل

احييك يا باشمهندس عصام ومواضيع جميله وفيها افكار جديده وربنا يجعلها في ميزان حسناتك
ولك الشكر علي نقل التجارب للافاده العامه
:THUMBS~220::THUMBS~220:: THUMBS~220:

رد: تجربتى الشخصيه فى تنظيف المحرك من الداخل

الطريقة فيها خلل لكن ممكن تتحسن و تبقى حاجه كويسه

اولا البنزين اللى استخدمته هنستبدله ببنزين تنظيف الملابس الشفاف

ثانيا الزيت المحروق هنستبدله بجركن زيت جديد و فلتر زيت جديد

ثالثا البنزين هنسيبه يتبخر لوحده و نفتح الغطاء فوق و تحت

رابعا هنخلى خطوات الغسيل فيها الخطوة دية هتدلق لتر بنزين تنظيف و انت قافل الطبة هترج الموتور و تفتح الطبة تانى تنزله و بعدين تصفيه بشاش و تعيد الخطوات 5 -6 مرات

خامسا الصبابات مش هتعرف تنضفها غير اما تفتح الغطاء بتاعها فبعد ما تخلص وضع الزيت الجديد هتحط عليه زجاجة معزز لزوجة الزيت سنواكس المانى

سادسا مش محتاج تدور العربية من الاساس ولا تتعب المارش ارفع عجلة من اللى على الكرونة و هات الفتيس على اعلى غيار و لفها بأيدك رايح جي كام مره هتدور الكرانك

سابعا املاء المحرك حتى اخره مع وضع طبة مطاط " بالونة على صباع فلتر الزيت لأنك كده كده هتفكه

ثامنا بعد ما تخلص ده هتجيب بلاور و تنفخ فى غطاء الزيت من فوق و الطبة من تحت مفتوحة

النتيجة الموتور نظيف - البلوف و الجلد فى امان - زيت جديد بمعزز لزوجة - الشوائب بره عرابيتك