مصر موتورز مجتمع السيارات - لانسر 1300 مستعمله ولا اسبرانزا M11 جديد

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - لانسر 1300 مستعمله ولا اسبرانزا M11 جديد (https://www.masrmotors.com/vb/showthread.php?t=67272)

رد: لانسر 1300 مستعمله ولا اسبرانزا M11 جديد

ميتسوبيشى أحسن بكتيير و أقوى بس تبقى حالتها كويسة

رد: لانسر 1300 مستعمله ولا اسبرانزا M11 جديد

معظم الناس لسه عندهم عقدة اليابانى
دى وراثة والله زاى الكاسيت الناشونال و المروحة الناشونال اللى جيين من السعودية
مع الراجل الشقيان اه ونسيت الخلاط كمان علشان الماتور اللى بيتحمل ضرب القوطة
مع ان الزمن اتغير واليابانى بقى سيط و خلاص و الصناعة صينى برضة
والتقفيل صينى برضة من كام سنة كان الواحد يروح يشترى حاجة لاى قطع غيار
الرجل يقوله مفيش اليابانى تاخد الكورى تقوله لا انا عايزاليابانى الاصلى
بعد كام سنة لما يخف المستورد من اليابانى
الراجل يقول مفيش الكورى تاخد التشيكى تقولة انا عايز الكورى الاصلى
بعد كام سنة هتقول انا عايز الصينى الاصلى و ربنا يديكو طول العمرو هاكذا
والله هي عقدة يعنى ممكن تكون صناعة مش مشهورة احسن من صناعة مشهورة
توكل على الله وهات الزيرو

على راي الاجانب الجديد رخيص والقديم للاثرياء

رد: لانسر 1300 مستعمله ولا اسبرانزا M11 جديد

خليك في الزيرو ابعد عن المستعمل حتي لو لانسر وبعدين دي لانسر 1300 كمان يعني موتور حيتعبك جدا مع التكيف والكلام ده عن تجربه لاني كان معايا لانسر 1300 مانويل 2006 وكانت حنقاني وبعتها والله وجبت اسبرانزا 516 اوبشن والموتور قوي والحمد الحمد لله
خليك في الزيرو

رد: لانسر 1300 مستعمله ولا اسبرانزا M11 جديد

اقتباس:

المشاركة الأصلية كتبت بواسطة heba_hasan (المشاركة 509401)

ميرسي علي ردك
طيب في ناس قالتلي ان M11 قطع غيرها مش موجوده حجات معينه يعني ده صح ولا ايه
ولو سمحت ممكن تفهمني عيوبها ومميزتها بس بالتفصيل عشان افهم لأني لسه جديده في موضوع العربيات ده

الا لا شكر على واجب و اسف جدا على التأخير .
و بالنسبة لعيوب العربية مش هقدر افيد حضرتك فيها لأن العربية لسة جديدة فى السوق و بانت مميزاتها و لسة مبنتش عيوبها و لكن انا اقصد تجيبى ليه مستعمل و انت معاكى تجيبى زيرو !!!
و بعدين الأختيارات مفتوحة امامك يعنى ممكن تجيبى
رينو لوجان
بروتون ساجا
BYD F3
هيونداى فيرنا
شفرليه لانوس
اسبرانزا A516
شفرليه افيو
كيا ريو
رينو سانديرو ( لوجان هاتش باك )
انجلون
زوتى اكسبلوجن
بس معظم العربيات الصينى مش موجودة قطع غيارها خارج التوكيل غير الأسبرانزا A516 و ال BYD F3 غير كدة مش موجودة و كمان بتخسر كتير لما تيجى تبعيها دة لو لقيتى حد يشتريها اساسا و مش عاوز حد من ملاك العربيات الصينى يزعلوا لأن انا بتكلم بناء عن تجربة شخصية مع زوتى اكسبلوجن العربية محترمة و كل حاجة بس تقيلة فى بيعها و بتخسر كتير انما قطع غيارها هى نفسها قطكع غيار التيريوس 1 ما عدا الموتور لأن الموتور ميتسبيشى بس اسعار قطع غيارها غالية جدااا و مش موجودة بكثرة خارج التوكيل و انا شايف ان المستقبل فى صناعة العربيات لكوريا و الصين بمعنى ان لو اليبانى و الألمانى و الأوروبى بيمشى بمقدار خطوة فالصينى و الكورى بيمشى بمقدار خطوتين فيا ريت تكون وجهة نظرى وضحت لحضرتك .
و انا عن نفسى ممكن اتكلم على مميزات و عيوب اللوجان او السانديرو لأنها لوجان بس التغير فى الشكل الخارجى فقط و ممكن كمان اتكلم عن مميزات و عيوب الأكسبلوجن .