مصر موتورز مجتمع السيارات - رابطه ملاك و محبين الرينو الداستر

مصر موتورز مجتمع السيارات (https://www.masrmotors.com/vb/index.php)

- رينو داستر Duster (https://www.masrmotors.com/vb/forumdisplay.php?f=162)

- - رابطه ملاك و محبين الرينو الداستر (https://www.masrmotors.com/vb/showthread.php?t=66170)

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة ابو هيما (المشاركة 684507)

أتكل على الله وهاتها ومش هاتندم خالص , العربية دى عاملة أنقلأب فى أوربا بس نصيحة هات الكاملة اللى يعنى هى بيسموها دفع رباعى ودى سعرها 134 ألف من عند الطارق ومن التوكيل بتبقى ب 135.500 دى صفقة رابحة أن شاء الله وأكيد اللى جابوها هنا يقدروا يفيدوك أكتر منى .
ولو مش مصدقنى أدخل على موقع يوتيوبwww.youtube.com وأكتب كلمةDacia Duster off road ومبروك مقدما

ً

الف شكر وربنا يطمنك بارك الله فيك اخى الكريم

رد: رابطه ملاك و محبين الرينو الداستر

العربية دى بالذات فبها ما يسمى: value for money يعنى حلال الفلوس اللى بتدفع فيها و خاصة انها بسعر حلو جدا على الامكانيات اللى فيها اللى تخلى اقرب منافسيها اغلى بحسبة 30 الف (انا بتكلم على ال 4x4 ).
الاستاذ تامر: عذرا - انا لسة شايف رسالتك على الخاص النهاردة - احب اطمنك ان العربية جميلة ما شاء اللة و سحبها كويس جدا على حجمها و حتى لو محمل جامد او فاتح تكييف السحب مش بيتأثر - كمان اتزانها عالى و جامد فى السفر و دى أهم ميزة كانت مخوفانى لانى بأسافر كتير.
موضوع الانتشار دة انا أختلف مع حضرتك فية - لان العربية نزلت مصر اواخر 2010 ثم قامت الثورة اول 2011 و دة كان وقت صعب لمبيعات اى عربية - و بعدين العربية عليها قوائم انتظار عالية و مافيش عربية داستر بتدخل مصر و تستنى فى المعرض - بتتخطف وقتى لانها بتكون محجوزة مسبقا سواء من التوكيل او المعارض المتخصصة و دة يبرر انك ما تلاقيش داستر معروضة فى اى معرض.

رد: رابطه ملاك و محبين الرينو الداستر

شباب العربية جميلة جدا ماشاء الله كفاية التصفيح بتاعها و إرتفاعها عن الأرض و القوة بتاعت المحرك
أنا إن شاء الله ناوي أجيبها

رد: رابطه ملاك و محبين الرينو الداستر

انا مشتري العربية من الدفعات الاولي وهي مريحاني جدا وخلاص مفيش مشكلة مع المطبات لارتفاع السيارة المميز والافضل طبعا من النترا الا المطبات بتاثر فيها -- السيارة متزنة علي الطريق -- حمل السيارة افراد ستجد متعة في القيادة وتحس بعزم السيارة وثبتها علي الطريق

رد: رابطه ملاك و محبين الرينو الداستر

انا اشتريت رينو داستر دفع رباعى موديل 2013 وبسمع صوت صفاره شبه صوت هواء مع بداية سرعة 80 على الرغم ان العربيه معملتش غير 500 كيلو ياريت لو حد يعرف السبب يطمنى

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة ايهاب حامد (المشاركة 859023)

طيب الصوت ده مبتلاحظش جاى منين او مصدرة ايه ؟؟؟

رد: رابطه ملاك و محبين الرينو الداستر

اقتباس:

المشاركة الأصلية كتبت بواسطة AbOnOrA (المشاركة 859029)

طيب الصوت ده مبتلاحظش جاى منين او مصدرة ايه ؟؟؟

مش عارف بالتحديد الصوت ده منين مع العلم ان الصوت ده بيكون مستمر من بعد سرعه ال80 ومبسمعوش قبل السرعه دى وكان فى ناس من مالكى سيارات رينو ذكروا فى مشاركاتهم على موقع Renault Egypt على الفيس بوك ان الموضوع ده حصل معاهم فى عربية لوجان 2013 ومكنش حد عارف السبب مفيش غير واحد فقط قال ان العيب كان فى لسان الكبوت !!!؟ واتظبط فى الصيانه وانا ان شاء الله هروح الصيانه لكن مش فاضى اليومين دول