المشاركة الأصلية كتبت بواسطة akerima (المشاركة 428830)

انا فعلا مع كلام حضرتك 100% - لكن ارجوا توضيح الاتي - لماذا هذا الهجوم الضاري علي اضرحة الاولياء فمهما كان هي لن تضر او تفيد الاسلام في شيء - لما التسمية بالسلفيين اليس من الافضل ان يطلقوا علي انفسهم السنيين مثلا وهي من رايي الافضل لعدم التفرقة مابينهم وما بين اي مسلم وعلي حد علمي ان مبداء الجماعات مرفوض تماما عندهم

اسئلتي هذه ليس المقصود منها الاسائة او التشكيك وراجع ردودي علي gadix - فقط لاندهاشي الشديد من معرفتي ان جماعة السلفيين من اكثر الناس احتراما وخلقا ثم نسمع عنهم انهم السبب في احداث غريبة لا ترقي الي هذا الاحترام
وجزاك الله عنا خيرا

المشاركة الأصلية كتبت بواسطة mahranahm (المشاركة 428890)

مشكور اخى الكريم على الموضوع
وجعلة الله فى ميزان حسناتك

ومتابع بتشوق

المشاركة الأصلية كتبت بواسطة احمد الشناوى1981 (المشاركة 428910)

الله ينور عليك و على قد ما الموضوع رائع على قد ما انا مكسوف من نفسى لان الى حضرتك بتعمله واجب على كل واحد فينا ....ادعوا الله ان يحيى الاسلام فى قلوبنا و ان يظهر الحق على ايدينا و يرد الكيد على الظالمين
ربنا يجعل دفاعك عن الاسلام فى ميزان حسناتك

المشاركة الأصلية كتبت بواسطة mmffor (المشاركة 428915)

السلفيين لم يطلقوا على انفسهم هذا الاسم و لكن اطلقه عليهم الاخرون - كما اطلق البعض عليهم الوهابيون او غيره - هم يعرفون انفسهم اهل سنة و جماعة على منهاج اهل السنة و السلف الصالح - انا اخي ملتحي (كما يقال سلفي ) و شارك في الثورة و خالي ايضا سلفي و لكنه مغترب و كان مؤيدا للثورة
سألت شيخا سوريا من شيوخ السلفية ما حكم التظاهرات السلمية (كالتي حدثت في مصر ) قال انها ما دامت سلمية ابداءا للرأي و تعبيرا عن رفض الظلم و الفساد للحاكم الظالم من باب الولاء و البراء فان المشارك فيها مأجور من عند الله!! و ان قتل فانه شهيد - يبقى انا مش فاهم ال 3 سلفيين اللي انت بتقول عليهم قال انها فتنة جابوا كلامهم منين - دول عايشين في كهف و ليسوا سلفيين -
خير الجهاد عند الله كلمة حق عند امام ظالم - لماذا لقبت كلمة الحق بالجهاد لان عواقب الحاكم الظالم او الفاسد ان عارضه احد حتى و ان كان على حق ان يقاتله او يقتله - فمن المعلوم ان ما فعله المتظاهرون في مصر هو جهاد متقبل باذن الله
نتكلم عن نقطة تانية
ما حدث في مصر ليست ثورة و لكنه اعتصام سلمي رفضا لافعال لا يرضى عنها الله و رسوله و كل المسلمين من فساد و سرقة و زنا و تعدي على المحارم و هتك اعراض و اخيرا سفك دم المسلم المحرم شرعا فوجب الاعتراض في جميع مناهج اهل السنة و ليس الخروج على الحاكم بالسلاح و هو ما حدث في مصر
ثالثا : اعلان رئيس الدولة ان مصر دولة مدنية تحكم بنظام ديموقراطي و اعلانه انه حاكم منتخب من الشعب و اعلان الدستور انه من الجائز تغييره تعني بكل بساطة تنازله عن لقب خليفة المؤمنين لانه لم يعلن مصر امارة اسلامية و لم يعلن نفسه خليفة منتخب مدى الحياة و تنازل عن حقوقه كخليفة مسلم بتبنيه القوانين الغربية - و هي كما ترك العصمة في يد المرأة فهو جائز شرعا التنازل عن حق من الحقوق برضى الطرفين - اذا حتى و ان تم الخروج عليه لرفض الاغلبية فهو مقبول و ليس من باب الخروج على الحاكم لانه في الاصل تبنى راي الاغلبية منذ البداية ثم حاد عنه فاصبح كمن يرقص على السلم كما يقال

المشاركة الأصلية كتبت بواسطة @واحد من الناس@ (المشاركة 429057)

"إدعوا إلى سبيل ربك بالحكمة والموعظة الحسنة وجادلهم بالتى هى أحسن "

يجب علينا جميعا التفرقة بين السلفيين ومدعى السلفية

ويجب علينا جميعا التفرقة بين واجب الوقت و الواجبات الاخرى

يعنى مش كل واحد لبس جلبية قصيره وربى لحيته نسمى شيخ وطبع أى غلط يعمله تلقى الناس كلها إمسك الشيخ عمل يعنى يا إخوانا بلاش التعميم لأنه تعتييم تممام كده نجى للنقطة التانية مينفعش واحد لسه عنده سنة ونص ولسه متعلم المشى وتدخله سباق جرى وحدة وحدة وإصبر شوية وبعدين نعلمه الجرى وبعدين ندخله السباق لو كان الرسول (صلى الله عليه وسلم ) خير البشر قول ما بدأ الدعوة كان راح وهدم الأصنام اللى حولين الكعبة ولا كان راح وقالتل الفرس والروم وخلص على كل التماثيل اللى عنده أما الرسول خير البشر بدأ بالتربية وربى الناس وأفهمهم أمور الدين وترك لهم الإختيار عندما أراد الإسلام تحرير البشر من الرق لم يأتى الأمر مرة واحدة إن الإسلام الشامل اللذى نعلمه لم ينزل كاملا فى يوم وليله إنما أخذ سنوات وسنوات وحتى بعد موت النبى إن الإسلام لم يكن يوما دين غصب أو تعصب وإنما دين حكمة وتعقل فيجب على المسلم العاقل المتزن أن يرتب اولولوياته فلكل مقام مقال ولكل حادث حدث فمينفعش تروح لواحد مبيصليش الفرض تقوله صلى السنن والنوافل
وأذكر موقف حكاه لى أحد أساتذتى قال أنه كانفى واحد فى إحدى البلاد الأوروبية وكان محبوبا جدا بين الموظفين اللذين معاه بالعمل وكان مسلم عربى وفى يوم قالت له إحدى زميلات العمل أنها تحب أن تعرف عن الإسلام فقال لها إن كنت متزوجه فزوجك حرام عليك إذا أسلمت ويجب عليك هجره فقالت له ما هذا الدين اللذى أول شيئ فيه الإنفصال هنا إنتهت القصة وللإسف لم يقل لها هذا الرجل المسلم ان الإسلام دين جميل وأنه من جماله يجب ان تقنعى زوجك به لكى تكونوا رفقاء فى الجنة
و قصة أخرى قرأتها

رأى احد الملوك بالمنام ( أن كل أسنانه تكسرت)
فأتي باحد مفسرين الأحلام، فقال له الحلم ..
فقال المفسر :أمتاكد انت؟
فقال الملك نعم.
فقال له: لاحول ولا قوة الا بالله، هذا معناه أن كل اهلك يموتون أمامك. !!


فتغير وجه الملك وغضب على الفور وسجن الرجل . واتى بمفسر آخر فقال له نفس الكلام وأيضا سجنه!


فجاء مفسر ثالث،
وقال الملك له الحلم ،
فقال المفسر: أمتأكد أنك حلمت هذا الحلم يا أيها الملك؟ مبروك يا أيها الملك مبروك. قال الملك لماذا؟!
فقال المفسر مسرورا: تأويل الحلم أنك ماشاء الله ستكون أطول أهلك عمرا،
فقال الملك مستغربا: أمتأكد؟
فقال: نعم.


ففرح الملك وأعطاه هدية!
سبحان الله لو كان أطول أهله عمرا،
أليس من الطبيعي أن أهله سيموتون قبله؟


لكن أنظرو الى مخرجات الكلام كيف تتكلم؟
اذا دعونا ننتقي بدقة ماذا نقول

وختاما هذه المقالة لتوضيح وجهة النظر والإختلاف فى الرأى لا يفسد للود قضيه
http://www.egyptwindow.net/news_Deta...?News_ID=12469

المشاركة الأصلية كتبت بواسطة mahmoudey (المشاركة 428921)

الله عليك هو ده الكلام الصح
وربنا يهدينا ويهدى الجميع

المشاركة الأصلية كتبت بواسطة احمد الشناوى1981 (المشاركة 428923)

المشاركة الأصلية كتبت بواسطة kashtoot (المشاركة 428933)

لقد أسلمت حديثاً وأخبرني الكثيرون أن أبتعد عن الوهابيين فمن هم؟ وما هي دعوتهم؟.

المشاركة الأصلية كتبت بواسطة طارق ابوذيد (المشاركة 428957)

المشاركة الأصلية كتبت بواسطة akerima (المشاركة 428992)

والله خايف ارد عليك تفهمني غلط - بس عايز اسالك سؤال هوا مش الاولي ان انا اوعي الناس ان اللي بيعملوه دا غلط احسن من اني اكسر في الاضرحة - مع الاخذ في الاعتبار اني من اشد معارضي الصوفية والتصوف - متهيالي ان من اهم شيم السلف الدعوة بالحسني لتجميل صورة الاسلام عند غير المسلمين هل اللي بيعمل كده من اتباع السلف دا كان السؤال؟؟؟

المشاركة الأصلية كتبت بواسطة mmffor (المشاركة 429026)

اكريما , عمر ما السلفيين ما حيمشوا في الشوارع يكسروا اضرحة و اللا يقطعوا ودن المسيحيين او يرشوا مية نار على الغير محجبات
اتحدى اصلا ان فيه سلفي يعرف مية النار شكلها ايه و بتتجاب منين!!

فيه ايه يا جدعان!!!

في حاجة اسمها اعلام علماني متطرف هدفه حاليا تشويه صورة الاسلاميين للتخلص من المنافسه و لكنه بيحارب بقذارة مستغلا ان الاعلام في ايده بينما حرم النظام القديم التيارات الاسلامية من اي وسائل اعلامية!!

الاذن موضوعها ان في واحد مسيحي عامل شقته دعارة و جاره ملتحي!!! جاره لم يتدخل حتى اجتمع اهل الشارع كلهم علشان يقولوله يا يبطل اللي بيعمله يا اما حيرموه في الشارع و المسيحي رفض و عاند و برضه جاب ناس مش كويسة في شقته راح الناس اتلموا عليه و كان من ضمنهم جاره! و حدثت مشاجره لانهم ابتدوا يرموا حاجاته في الشارع و كان جاب بلطجية يدافعوا عنه و في وسط الخناقة انضرب في ودنه و اتجرحت!
تاني يوم السلفيين يقيمون الحد على قبطي بقطع يده
طيب حد قال قطع الودن حد ايه؟ حد قال السلفيين دول منين؟ و ايه اللي جابهم للقبطي؟ حد قال المسيحي كان بيعمل ايه؟ لأ سلفيين يقطعون اذن قبطي اقامة للحد عليه!!! اقول لفظ مش حلو؟
يعني لو اللي بيتكلم حمار يبقى اللي بيستمع ميكونش جاهل و يشغل مخه شوية

و بعدين الاضرحة حصلت مرة واحدة و حارس الضريح قال ان اللي دخلوا الضريح و كسروا الخشب بتاعه مكانوش ملتحين و كانوا شكلهم بلطجية و قال الراجل انه يعرف سلفيين في الحي اصدقائه و مش ممكن يعملوا كده و انهم كانوا بيحموا الجامع اللي فيه الضريح و اتلموا و وقفوا معاه لما سمعوا عن الاعتداء!!!

لكن اعتداء على ضريح يبقى لازم واحد ضد الاضرحة و مين المعروف برفضه للاضرحة لانها شرك؟ المتدينيين او ما يلقبوا بالسلفيين

يبقى المانشيت العريض في كل الصحف القذره تاني يوم: السلفيين يعتدون على الاضرحة و يقومون بتحطيمها و نهبها

و بعديها بيوم في وسط السخونية يعني راح شوية رسائل في الاسكندرية - اللي حيمشي في الشارع غير محجبة حتتخطف و يترش عليها مية نار!!! و التوقيع : السلفيين

طب في اي واحد حمار يهدد و يوقع بصفته؟ - احنا يعني اغبياء للدرجادي؟
و ثم السلفيين حيخطفوا البنات يعملوا بيهم ايه؟ حد يقوللي!!!!!!!!!!!!!!! دول بيتحرجوا يبصوا لواحده! يقوموا يخطفوها - شوية عقل علشان خاطر ربنااااااااااااااااااااا

و الله العظيم تلاته السلفيين دول احسن من اي واحد مننا - بس هما لازم يبقوا اذكى شوية و يتعلموا من الاخوان و بلاش مظاهرات دلوقتي ( حتى لو كانت سلمية 100% )

ان عارفين الوقفة اللي كان السلفيين عاملينها قدام الكاتيدرائية؟ اللي النصارى سموها محاصرة الكاتيدرائية و منع الصلاة فيها!!!! - كانوا واخدين تصريح بيها - و كانوا منظمين المرور و مقفلوش شارع و لم يفتشوا حد او يعتدوا على حد و كانوا معديين امام المستشفى القبطي راحوا وقفوا الميكروفونات و نبهوا المسيرة يوقفوا الهتافات علشان ميزعجوش المرضى النصارى!!!! و بعد ما مدة التصريح خلصت انصرفوا بادب و اخلاق ( كانت مدتها 4 ساعات ) !!!
في حصار و اعتداء مدته 4 ساعات؟

انا مرارتي اتفقعت

المشاركة الأصلية كتبت بواسطة akerima (المشاركة 429054)

http://www.masrmotors.com/vb/showthr...=52666&page=11
http://www.masrmotors.com/vb/showthr...=52666&page=15

اخي mmffor

اقرا الموضوعين اللي فوق حتعرف انا اية رايي في السلفيين انا عارف ومتاكد من الكلام اللي حضرتك رديت بية لكن انا قلت انكش اي حد منهم عشان يرد علي استفساراتي لاني مستغرب وبشدة - يا جماعة الخير لما كل الحاجات اللي بتتقال عنكوا دي اكاذيب وافترا امال مبتردوووووووووووششششششششش لييييييييييييييه - انتوا مش قلة ولا ضعفا وبجد اي كلمة بتتقال عنكوا بتتعبنا اوي لاننا حاسين ان انتوا خير الدنيا لية سايبين صورتكوا تتشوة في عيونا بالطريقة دي؟؟؟؟؟؟؟!!!!!!!!!!!!

المشاركة الأصلية كتبت بواسطة cars admire (المشاركة 429120)

GIFT4U:fun_36_3_3[1]::14369D~149:ROSE4U:clapW 15::fun_15_8_204[1]::fun_15_8_204[1]::14FEAD~151::14FEAD~151: :14FEAD~151::14FEAD~151:: 14FEAD~151:

المشاركة الأصلية كتبت بواسطة ahmed_harb777 (المشاركة 429294)

جزاك الله كل خير
جزانا و أياكم
http://www.youtube.com/watch?v=VcCKxErocRI

المشاركة الأصلية كتبت بواسطة طارق ابوذيد (المشاركة 429487)

المشاركة الأصلية كتبت بواسطة nktis (المشاركة 429501)

شكرااا علي رابط المقال ومعنديش تعليق علي ما جاء به
( وتمكرون ويمكر الله ..والله خير الماكرين ) صدق الله العظيم...
وفعلا السلفيين استعجلوا ... مش فلانه او فلانه اللي هتزودنا واللي بيسلم علي حق اكيد بيعرف يتصرف لحد ما يبقي في الامان ...

المشاركة الأصلية كتبت بواسطة ابو حسين (المشاركة 429551)