رد: مأساتي مع فرع النزهة و تحية إجلال و تقدير لأستاذ عماد حبيب
 

متشكر جداً يا أستاذ معاذ على سؤالك
أنا موجود و بخير الحمدلله ، كان عندي ضغط شغل اليومين إلي فاتوه عشان كدا مكنتش بدخل online كتير
بالنسبة لموضوع العربية مفيش جديد، أنا مستني لما موافقة هيئة الإستثمار أو جواب المرور يجي (ذي ما اتقال في المعرض) عشان أرخص العربية، دعواتك معايا


بالمناسبة أنا خدت بالي انك جبت سبيرانزا A516 ، أخبارها إيه معاك و إيه اللي رجح كفتها عن BYD F3؟

رد: مأساتي مع فرع النزهة و تحية إجلال و تقدير لأستاذ عماد حبيب
 

رد: مأساتي مع فرع النزهة و تحية إجلال و تقدير لأستاذ عماد حبيب
 

ربنا يكون فى عونك يا باش مهندس محمد - الله يبارك فيك ولكن هى استخاره وراحه نفسيه ليس اكثر - وهى شغاله تمام والحمد لله - بس ربنا يستر لحسن اخوك على اده اوى اوى فى السواقه.

رد: مأساتي مع فرع النزهة و تحية إجلال و تقدير لأستاذ عماد حبيب
 

هى بالمناسبه عربيه اخويا بس زى عربيتى - بس انا لسه بردك محتار وربنا يهدينا للصلاح بس انا برده ميال شويتين فى الاسبيرنزا مش عارف ليه

رد: مأساتي مع فرع النزهة و تحية إجلال و تقدير لأستاذ عماد حبيب
 

سيدي الفاضل المحترم أستاذ عماد حبيب


أولا أحب اشكر حضرتك على مداخلتك الكريمة و مباركتك مقدما لإستلام السيارة و ادعي معايا إن الإستلام يحصل عن قريب عشان أنا فعلاً مشتاق لها من ساعة ما شفتها يوم التلات اللي فات


ثانيا بالنسبة لموضوع إن الامور تسير أفضل من السابق ، زي ماقلت في مشاركة سابقة لي إن مندوب البنك اثني على معاملة و إحترام أستاذ مدحت له و ده أكيد يدل على إن الامور تسير أفضل من السابق و إن كنت مش عايز أبالغ أوي في تفاؤلي غير لما استلم السيارة


ثالثاً بالنسبة لموضوع الإنتظام في الصيانة الدورية، أنا مقتنع بمبدأ إدي العيش لخبازه و دة أنا متبعه مع عربيتي الحالية (سوزوكي التو 2008 عاملة 68000 KM ) على الرغم من إمكانية صيانتها برة التوكيل، و كمان اللي يشجعني أكتر على الإنتظام في الصيانة هو وجود شخص محترم و قدير مثل حضرتك قادر على توصيل ملاحظات العملاء سواء بالسلب أو الاجاب للتوكيل


و صدقني حضرتك ديه مش مجاملة عشان أنا مش متعود أجامل ، وجود شخص ذي حضرتك في التوكيل بيدي ثقل و يطمن العملاء إن فيه حد بيسمع لهم


أخيراً أرسل لك تحية إجلال و تقدير مني لشخص حضرتك الكريم

رد: مأساتي مع فرع النزهة و تحية إجلال و تقدير لأستاذ عماد حبيب
 

أمين يارب العالمين، و إن شاء الله يكون إختيار موفق ، و بالنسبة لموضوع انك على أدك في السواقة أحب أقول لحضرتك إن محدش مولود و هو ماسك دركسيون في ايده الموضوع بيجي بالخبرة و التعود و لو حضرتك لسة مبتدئ في السواقة أنصحك بمراجعة موضوع جميل جداً عن خبرة أخ عزيز لينا هنا في المنتدى كان برضه مبتدئ و كان عمل شبه حصر لكل الغلطات و الاسئلة و الاجوبة اللي ممكن واحد يكون مش بيعرف يسوق و تجي في دماغه، أنا شخصياً المدام استفدت منه جداً


للأسف مش معايا لنك الموضوع دلوقتي، هدورلك عليه و أبعتهولك لو لقيته



معلش أنا مش فاهم هو حضرتك لسة محتار في إيه؟ مش حضرتك جبت اسبرانزا لأخوك ؟ ولا بتفكر في حاجة لك؟؟


في رأيي إن BYD F3 تكسب بس العيب اللي أنا شايفه إن سعرها غيلي (70000 جنيه manual )

رد: مأساتي مع فرع النزهة و تحية إجلال و تقدير لأستاذ عماد حبيب
 

الله يكرمك يا باش مهندس محمد - والله انا لسه ماشترتش عربيه شخصيه ليا يعنى - بس بستعمل عربيه اخويا حاليا - وانا لسه الكاشات عندى مش اد كده بس لحد ما تكمل انا بفكر وحتار بين العربيتن اسبرنزا وبى واى دى - وزى مانت قلت بى واى دى سعرها عالى شويه عليا عشان كده بقولك انى ميال للسبيرنزا - انا الاول كنت ميال شويه للسبيرنزا لكن بعد ما بى واى دى زاد سعرها بقيت ميال شويتين للسبيرنزا وعلى اد لحافك بقى يا باش مهندس ههههههههههه
تصبح على خير