رد: هل هذا الشعب مؤهل للديمقراطيه
 

لأننا مازلنا فى مرحلة بناء لما تم هدمه

وفى حالة أنتظار للنتائج

فيجب التعقل وأنتظار ماستقوله الأيام



تمام كده والله ياسمير باشا هو ده اللى انا اقصده لازم مرحله بناء ماتم هدمه
فيه بعض الاراء بتقول ماهو لازم الثوره يكون لها ثمن انا معا الراى ده بس هو هانفضل ندفع التمن لمده اسابيع واسابيع لحد مالبلد تموت
الثوره عملت اللى احنا بنحلم بيه والباقى ده بقى ناس جايه فى الهيصه وخلاص

مع احترامى طبعا لكل الاراء بس ده رايى وراى ناس كتير قوى قوى ماتتخبلش حجمهم قد ايه
ولو الناس دى انفجرت يبقى نقول بالفم المليان farewel egypt معلش عشان مش قادر اقولها بالعربى

رد: هل هذا الشعب مؤهل للديمقراطيه
 

استاذ سمير مع احترامي الكامل لكل السادة المتظاهرين ممكن اعرف ايه الفائدة من وراء مظاهرات غدا او احتفالات غدا او اي كان المسمي الخاص بها سيدي الفاضل ابسط دليل على الكلام اللي انا قلته سابقا او علاء او حازم خضر هتلقيه موجود بيننا هنا فى المنتدي عارف ايه هو ان احنا فعلا شعب يجب ان يتعلم اولا الا من رحم ربي و انا اسف ان اقولها هكذا انا عملت موضوع هنا فى المنتدي عن ان نكون ايجابيين و ان نبدئ بأنفسنا للمساعدة فى اي شي بعيدا عن الكلام فقط تعرف ايه النتيجة 2 فقط من الاعضاء اللي عرضوا المساهمة الايجابية بالتطوع فى جمعية رسالة الخيرية بجزء من وقتهم و الباقي بدون ادني اجابة احنا عايزين ننزل الشارع و نتظاهر ماشي اللي بيروحوا التحرير مش هما الغالبية العظمي للشعب اللي بيروحوا التحرير مثقفين اه واعين اه لكن الباقي يجب ان يعلم ان البلد يجب ان تتحرك

رد: هل هذا الشعب مؤهل للديمقراطيه
 

بدون شك

الثوره فى الجون

ولكن ..........!!!!!!!!!!!

لايجب أن نمددها ....لكى لاتخرج عن عبيرها

وتبقى ماسخه

____________________

لسعه محترمه

أخدت 18 يوم

فكفايه كده

لأن كل يوم بيمر بدون أنتاج مستقر

مفيش شك

بيخسرنا

وأحنا فى عرض يوم أنتاج مستقر

__________________

بمعنى

طالما جبنا الجون من ضربة جزاء

يبقى مفيش داعى للترقيص واللف والدوران

____________________

الحاجه الدوغرى مطلوبه فى كل الأحوال

رد: هل هذا الشعب مؤهل للديمقراطيه
 

أعتقد يا أستاذ : عمرو

وجهة نظرى متوافقه مع كلامك

رد: هل هذا الشعب مؤهل للديمقراطيه
 

تعبيرك احسن والبق منى يباشمهندس سمير
تحياتى GIFT4U

رد: هل هذا الشعب مؤهل للديمقراطيه
 

الله يفتح عليك يا استاذ سمير يارب الناس تفهم و ياريت احنا كمان كل اللي يقدر يعمل حاجة ايجابية سواء بالفعل او بالقول يعملها لوجه الله تعالي اولا ثم لوجه هذا البلد

رد: هل هذا الشعب مؤهل للديمقراطيه
 

حتكلم و رزقي على الله
1- هل نحن نريد الديموقراطية و الحرية؟
2- من اهم اوجه الحرية , حرية ابداء الراي و التعبير السلمي عنه! و تسلك في بعض الاحيان مسيرات سلمية لجماعات اتفقت على هدف واحد و رسالة واحدة بغرض توصيلها الى باقي افراد الشعب او الى القيادة السياسية في البلاد
3- التظاهر السلمي حق مكفول في قوانين حقوق الانسان الدولية و جميع الدول المتحضرة ( ما لم تؤدي الى تعطيل مصالح او اتلاف ممتلكات او قطع طريق!!! واخدين بالكوا)
4- نتكلم عن مظاهرة بكره او نقول مسيرة بكرة او تجمعة بكره: ما هي اهدافها قبل الاعتراض عليها؟
- مسيرة جنازة للشهداء الذين قضوا على يد الطاغية
- احتفالية بنجاح المقاومة
-توصيل رسالة الى المجلس العسكري بالتأكيد على ضرورة استكمال اهداف الثورة
- طلب الى الجيش بالعفو عن ضباط الجيش الذين شاركوا في التظاهرات و يحاكمون عسكريا الان
- ذهاب وفد الى مستشفى القصر العيني لزيارة الجرحى و الاطمئنان عليهم

ايه رأيكوا في الاهداف؟

التجمع حيبقى يوم الجمعة فقط (عطلة رسمية ) من الساعة ال 12 ظهرا و حتى الساعة 6 مساءا!!

لا يجوز الحجر على حرية التعبير لاننا حاربنا من اجل الحصول عليها

و لا يجوز الاعتراض قبل معرفة الاهداف و كيفية التنفيذ

و عموما كل له رايه الذي نحترمه