المشاركة الأصلية كتبت بواسطة tham1010 (المشاركة 460875)

متشكرين يا أستاذ أيمن. كلامك صادق جدا.. ولكن هسألك وهسأل كل اللى بيسوق. هل لو مثلا لظروف ما ركنت عربيتك شهور ومش سقتها لسبب ما، ورجعت تسوقها من جديد هل تفقد إحساسك بيها ام أن الاحساس دة مش بيأثر بمدة السواقة وتكرارها....

المشاركة الأصلية كتبت بواسطة tham1010 (المشاركة 355654)

صباح الخير يا جماعة

أنا عندى عربية هيونداى ماتريكس 2001. العربية مش فيها مشاكل ولكن عندى استفسار محيرنى. أنا لسة بتعلم سواقة يعنى بأمشى فى الشوارع بالراحة على سرعة بين 10 إلى 20 كيلوا فمعظم الوقت العربية بتمشى على سرعة السلانسية بدون ما أضغط على دواسة البنزين نهائيا. معظم الوقت العربية ماشية لوحدها بدون ما أضغط على البنزين، ولما اريد زيادة السرعة إلى 20 أضغط شوية بسيطة.

لو عربيتك اوتوماتيك الحكاية دي عادي جدا وبتحصل في كل العربيات الاوتو لما تكون العربية على الدي
المشكلة أن اليوم لاحظت حاجة لما بأشيل رجلى من الدبرياج وعلى السرعة الأولى ألقى العربية مش تتحرك على طول من أول المشوار للدواسة بمعنى أن العربية بتتحرك لما تكون الدواسة فى النص أو قرب نهاية المشوار إلى أعلى. مش عارف هذا طبيعى ولا لا؟ أفترض ان العربية تتحرك بمجرد ما أشيل رجلى ولكن هذا لا يحدث. أنا بشيل رجلى وحدة وحدة وحدة خالص. فتفضل العربية واقفة ولا تمشى لحد ما توصل إلى تلتين المسافة وبعين تتحرك فى الثلث الأخير. بالمناسبة أنا بقوم برفع رجلى من الدبرياج بدون ما أضغط بنزين وعدد لفات الماتور بيكون 1000و 2000 لفة

السبب دا ان الدبرياج ليه موضع معين بيشتغل فيه يعني في عربيات لازم تضغط دبرياج على الاخر علشان يفصل وفي عربيات الدبرياج فيها بيفصل في النص

فى حاجة كمان. وأنا فى المطالع الصغيرة أمام البنزينة مثلا أو وأنا داخل على شارع أعلى من الشارع ألى أنا فيه، بأجد العربية ترجع للخلف لوحدها بمعنى أن سرعة السلانسية مش تخلى العربية تطلع المطالع البسيطة . بأضغط على البنزين شوية وبخاف تنط بسرعة لقدام ولما أرفع رجلى من الدبرياج ألقيها بتطفى والماتور يقف فأضطر أدور الماتور تانى وأحاول أطلع وأبقى مبرجل بين ان العربية بترجع لورا وخايف تصطدم بالعربية اللى فى الخلف، وعاوز أطلعها لقدام وخايف أدوس بنزين كثير حتى لا تسرع للامام ولما أشيل رجلى من الدبرياج يطفى الماتور.

ياراجل جمد قلبك واطلع وعلى فكرة عادي ان العربية تبطل منك لو وقفت في المطالع فانتا تزود بنزين سنة سنة لحد ما تلاقي العربية بتتحرك بسرعة مناسبة
أتمنى أنى أكور أوضحت المقصود...

متشكر على الرد.. ,ارجو النصيحة عن سبب إنطفاء الماتور فى وقت التحرك من الثبات.