|
رد: تغطيه الاحداث والتحاليل والاخبار لحظه بلحظه
للأسف الشعب المصري سهل الضحك عليه بالكلام المعسول بغض النظر عن سلوك وأفعال قائلها وإن كانت أفعاله سودة أسود من قرن الخروب نفسه ...المهم الكلام الحماسي الوطنى...هكذا نحن للأسف ..تجيبنا كلمة وتودينا كلمة....البعض ربما سمع عن تلك الواقعة أن هتلز عندما بدأ خطاباته المعادية لليهود هلل له المصريون حتى أنهم سموه ب(الحاج محمد هتلر)يعنى خلوه حاج وسموه محمد أيضا...وحكامنا يلعبون علي هذا الوتر الذى يعرفونه جيدا....خدعوك فقالوا..الرئيس يريد إصلاح ما أفسده خلال 30سنة في عدة شهور..قال... |
رد: تغطيه الاحداث والتحاليل والاخبار لحظه بلحظه
الناس اكتشفت انه هو الذي اعطى الاوامر بحرق البلد
و اقسم باللهى الخطه اتكشفت لي تماما امس و زالت كل شكوكي لما واحده ست بتتصل و بتقول : مش كفاية كده احنا عاوزين منه ايه ! الشباب قاعدين في التحرير و البلطجية بيهاجموا البيوت!!!!!!!! ليه الشباب دول ميرجعوش بيوتهم علشان يحموها!!!! خطة نشر عصابات مسلحة و بلطجية لمهاجمة البيوت الامنه اقسم بالله انها خطه وزارة الداخلية بامر مباشر من الملعون! و لكنها فشلت!!!!!!! في عنصر صدمة في النظام الان!!! كل خططهم الشيطانية لم تؤتي بثمارها و اخيرا قاموا بالعودة الى النظام القديم من تجميع شوية صيع و حشاشين من العيال العواطليه اللي بيتعاملوا مع الحزب الوطني باستمرار و ادوهم قرشين و بعتوهم في الشوارع يعملوا مظاهرة تأييد! لا حول ولا قوة الا بالله! الناس دي يوم القيامة حتهتف لمبارك؟ والله متوقع! يبعث المرء على ما مات عليه! في ناس حتبعث و هي تقول كلمة حق امام سلطان جائر و ناس حتبعث و هي تحارب الله و رسوله! كان نفسي يقربوا من ميدان التحرير! نفسي! و لكن اللجان الشعبية المحيطة تصدت لهم و القوا القبض على 17 منهم بحوذتهم مطاوي و سنج!!! دول اعضاء مظاهرة تأييد مبارك! شوفتوا انتوا بقى اعضاء مظاهرة اسقاط مبارك؟ دول صوت الشعب! عزة الشعب! الشعب يريد اسقاط النظام جملة بحلم بيها من 12 سنه و بفكر فيها صبح و ليل! بلاش تحرمونا من الحلم الجميل ده اللي شكينا في لحظة انه ممكن يتحقق! صبرنا 30 سنه غصب عننا مش برضانا و لو كانت جت اي لحظة خلال ال 30 سنه دول مكناش ضيعناها فازاي نصبر 8 اشهر !!! دلوقتي هي اللحظة! لان لو صبرنا تاني مفيش حاجة حتتغير! فتحي سرور الكلب حيفضل زي ما هو صفوت الشريف وزير الاعلام الرائع اللي كان صاحب القرار في قطع النت و التعتيم الاعلامي الكامل عن الشعب النزيه! شوفتوا المصرية؟ بيقولوا اجانب يوزعون منشورات على المتظاهرين!!!!!!!! و بيقولوا بعض المتظاهرين في التحرير يرفعوا لافتات بالعبرية!!! اكمل الاعلام المصري بيقول ايه كمان؟ بلاش احسن مبارك كان ممكن يكون ليه مصداقية لو عمل ال 5 امور دي 1- الغاء قانون الطواريء فوريا 2- محاكمة حبيب العادلي محاكمة عسكرية 3- الغاء مجلسي الشعب و الشورى و تشكيل حكومة وحدة وطنية 4- الاعلان عن انتخابات رئاسية مبكرة مع تعهد بعدم ترشح اي قيادة من الحزب الوطني فيها 5- اعادة الاتصالات بكافة اشكالها و اقالة جميع العاملين في الاذاعة و التليفزيون لاستخفافهم بعقول 80 مليون مصري في الحالة دي فقط انا كنت قلت كفاية كده يا جماعة الراجل فعلا ناوي بجد انه يصلح و ان الضربة فوقتوا |
رد: تغطيه الاحداث والتحاليل والاخبار لحظه بلحظه
اقتباس:
ياريت يا استاذ خالد .. ياريت يحصل اللى بتقولة دة.. كفاية كدة والله حرام الشعب المصري مايستاهلش يحصل فية كدة والرئيس المصري اللى بيعلقوا له المشانق ايضا لا يستحق كل هذا!! امال كانوا ح يعملوا فية اية لو جرجر البلد فى حرب سالت فيها الدماء المصرية؟ وبعدين مش عاوزين ننسى ان مبارك عند تولية الحكم كانت مصر فى مفترق طرق ورئيسها مقتول ومغدور به!! يعنى مصر ماكنتش المدينة الفاضلة وهو جاء وخربها. انا لا ادافع عنة ولكنى فقط اذكر.. لو الناس اللى بتتظاهر بتحب مصر بجد يعتبروا ماحدث انطلاقة لما هو افضل.. وكفانا ماحدث.. يا جماعة والله العظيم والله العظيم .. انا امبارح روحت الشغل لقيت نظرات الشماتة فى عيون زملائى اللى بينتموا لبلاد عربية!! والله زي مابقولكم كدة شمتانين فينا واللى حاول يتظاهر انة انسان مهذب وجاء وسألنى عن احوال اهلى فى مصر... يتحدث بعدها عن الرئيس مبارك وانة عميل امريكى؟ هل يعقل هذا الكلام؟ ومنهم من يطلق الضحكات لان المصريين يصفوا رئيسهم بالخنزير او الحمار ...!!!وسبحان الله زملائى واصدقائى من الجنسيات الاخرى غير العربية عكس ذلك تماما يتصلون بى دائما للأطمئنان بنوايا صادقة.. مصر بلد كبيرة جدا ياجماعة وتولي مسئوليتها لا يقدر علية اى احدا.. |
رد: تغطيه الاحداث والتحاليل والاخبار لحظه بلحظه
اقتباس:
المطالبات ولا هي زادت ولا حادت زي كا حضرتك بتقول!!!!!!! المطالبات من يوم الجمعة و هي بتقول من الصبح: الشعب يريد اسقاط النظام و اخرى تقول : الشعب يريد اسقاط الرئيس! ولا حد جاب سيرة احمد عز ولا نظيف ولا العادلي ولا حد قال حتى لا للتوريث!!! بلاش نعمل بلبلة! يا جماعة انا مش عارف حاسس يا اما انا غبي جدا يا اما انتوا مش من مصر اساسا يعني 300 واحد يموتوا علشان تغيير وزاري؟؟؟ انتوا بتهزروا؟ ياريت تغيير و لكنه تعديل!!!! وزير الاعلام القذر احتفظ بمقعده!!!! وزيرة العمل احتفظت بمقعدها! دي مهزلة! وزير الخارجية اللي خلى المصري هو احسن واحد ياخد على قفاه على مستوى العالم! لسه وزير خارجية!!! انتوا عايشين معانا و اللا انا شايف اني متفاعل علشان خاطر ناس في وادي تاني؟؟ كل اللي حيفضل في ميدان التحرير شخص بيحب بلده و ذكي و خايف عليها! كل اللي حيقول ادوله فرصه يبقى بيحلم |
رد: تغطيه الاحداث والتحاليل والاخبار لحظه بلحظه
و بطل تكتب بالاحمر لان كلامك ليس بذات الاهمية!! ولانه ممنوع الكتابة بالاحمر
عموما الرئيس فعلا خائن انجازاته1- مجال الزراعة 2- مجال الصناعة 3- مجال التعليم 4- مجال الصحة 5- مجال حرية الرأي و الديموقراطية 6- مجال احترام حقوق الانسان 7- مجال حرية القضاء و احترام الاحكام القضاية 8- هيبة المغترب المصري في البلدان الاخرى 9- مجال التوعية الدينية و التربوية 10- مجال توفير فرص عمل 11- مجال توفير مأوى ادمي بسعر مناسب للشباب!!! 12- علاج الازمات ( خبز-بوتاجاز-بنزين-...) جاوب على انجازاته و بعدين قول لي حرام ايه؟ دا حرام اننا ما اعدمناهوش للان |
رد: تغطيه الاحداث والتحاليل والاخبار لحظه بلحظه
اقتباس:
اقتباس:
اية يا استاذ اللى انت بتقولة دة ؟ انت بتهاجمنى لية؟ علشان بقول رأي! غريبة جدا ..!! من فضلك اللتزم بأدب الحوار. قد تختلف معي وقد اختلف معك هذا وارد ولكن يبقى الاحترام هى اللغة السائدة لا تتهمنى فى انتمائى لبلدى وانت لا تعرفنى!! ولا تسخر منما اكتب او بأى لون اكتب..!! لان انا حر اما عن سؤالك؟ كون سيادتك اما غبي او نحن غير مصريين اصلا؟ انا لا اعرفك حتى اجاوب على الشق الاول من السؤال!!وعن ماتبقى من استفسارك..!! اقولك انا مصري اصلا... |
رد: تغطيه الاحداث والتحاليل والاخبار لحظه بلحظه
اقتباس:
انا ذكرت عدة نقاط! مش قعدت اقول , ادوله فرصه, و النبي حرام الراجل غلبان! و الكلام المصري اللي دايما بيخلينا فشلة في كل المجالات!!! انا شايف انك في امستردام زي ما كاتب! ايه رأيك مصر احسن (كنظام و معاملة شرطة) واللا هولندا؟ طبعا لو انت مزدوج الجنسية ده كلام تاني! ممكن تناقشني في النقاط التي ذكرتها؟ |
| الساعة الآن 11:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017