رد: هل شراء الأوبل المستعمل في هذا الزمان جــــــــــــــــنـــــــ ـون
 

يا باشا ان عارف ده والاكسيل فئة وماركة والفيكترا فئة وماركة تانيه خالص لكن واحد زى مش فاضى يروح يغسل العربية يبقى هيلف بيها على الصنيعية وادور هنا ولا هنا على قطعة غيار على ما الاقى ده انا عاوز اغير المساعدين والكوبلن اليمين ومؤجل الموضوع للأسبوع الجاى
ثم مرة واحد قالى كلمة والى حد ما صحيحة قالى 90% من اللى بيبيعوا بيبيع علشان قرف من العربية ومشاكلها يعنى اللى معاه عربية ومريحاه هيبيعها ليه الا لو كان فيها حاجة وعاوزة مصاريف

رد: هل شراء الأوبل المستعمل في هذا الزمان جــــــــــــــــنـــــــ ـون
 

يا جماعة الموضوع بسيط جدا ..

الراجل صاحب الموضوع عاوز يركب عربية جودتها عالية وهو شايف انه انسب حاجة ليه هى الاوبل ..

كويس اوى .. والاوبل او الالمانى عموما عربيات محترمة جدا والفيكترا عربية ممتازة ..

بس اى عربية مستعملة تقديرها على حسب الحالة .. وخصوصا لما تكون معقدة وحاجتها غالية زى الالمانى ..

لكن احنا متفقين ان الاوبل عربية ممتازة ولا غبار عليها ..

وكمان الراجل عاوز العربية علشان يركبها وياخد خيرها ومش بيفكر فى البيع السريع ...

فالموضوع بسيط جدا ..

والله يا باشا عندك استعداد تتحمل اسعار قطع الغيار وتحمل مسئولية صيانتها الصعبة .. يبقى تنزل من بكره تدور على واحدة تكون فبريكة ...

لكن لو ممكن يجى عليك يوم العربية تحتاج حاجة ومتعرفش تجيبها .. يبقى حرام هتعذب نفسك قبل ما تضر العربية .. لان العربيات الالمانى (متربية ع الغالى) ومينفعش معاها التلصيم ..

وفى الاخر القرار قرارك واكيد انتا عندك فكرة ولو بسيطة عن صيانتها واسعار قطع غيارها اكتر مننا لانها كانت معاك قبل كده ..

لو مش هتجيب اوبل او المانى عموما انصحك باليابانى هو انسب حاجة و هيخليك (تقسم البلد نصفين) .. يعنى هترتاح من صعوبة الصيانة وقلة قطع الغيار وغلو اسعارها .. وفى نفس الوقت هتلاقى الامان والجودة والاعتمادية ..

بس يا باشا .. ومتتعبش نفسك كتير ..


وربنا باذن الله هيوفقك فى العربية اللى تريحك وتعجبك ...

رد: هل شراء الأوبل المستعمل في هذا الزمان جــــــــــــــــنـــــــ ـون
 

انا كنت زى حضرتك بالضبط فى ناحية القلق و ربنا وفقنى فى استرا 1200 سى سى موتور ايكو تيك موفر و قوى جدا جدا و كامله مانيوال و قطع غيارها متوفره و غير كده معقوله جدا كسعر .. المهم الحاله المبدئيه انا اشتريتها بـ 48 الف و صرفت حوالى 1000 الف ترويش و الحمد لله و الكلام ده من سنتين و نصف و الحمد لله مااعرفش الميكانيكى غير لغيار السيور او بوجيهات و خلافه

رد: هل شراء الأوبل المستعمل في هذا الزمان جــــــــــــــــنـــــــ ـون
 

السلام عليكم ورحمة الله وبركاته
اولا البقاء لله وربنا يرحم والدك ويغفرله ذنوبه ويدخله فسيح جناته
ثانيا اخي الكريم السوق المصري وبالاخص المستعمل زي البطيخه وللاسف 90% من تجار المستعمل معندهمش ضمير ولا صراحه في البيع يعني تشتري عربيه وبعد اسبوع تلاقي نفسك اكتشفت المقلب الي شربته نصيحه تاكد كذه مره من السياره الي هتشتريها
ثالثا انا لي صديق عنده اوبل فيكترا موديل 2002 نفس الموديل الي حضرتك بتتكلم عليه وعربيه ماشاء الله زي الفل وممتازه وبالنسبه للصيانه انت مش كل يوم هتغير اسطوانه وديسك ومش كل يوم هتغير تيل فرامل ومش كل يوم هتغير عفشه لوعايز تركب عربيه محترمه في مصر استحمل اسعار قطع غيارها علشان هي عربيه محترمه مش كل يوم هتغير فيها حاجه ومش كل يوم عند الميكانيكي عارف الاسطوانه والديسك لو غيرته هيعيش كام سنه ولا العفشه هتغيرها كل كام سنه اعتقد ان اي حد كل الي يهمة لوغير اي حاجه في الموتور او العفشه انه ينساها بعد كده وميرجعش يعملها تاني والالمانى افضل سياره فيها الميزه دي صلحها وانساها
ثالثا اعتقد انك لواخدت العربيه دي ورحت التوكيل يكشف عليها او رحت كشفت عليها في بنزينه وتكون ثقه وطلعت العربيه نضيفه وسليمه اتوكل علي الله واشتريها لان الالمانى ادمان الي بركبه مره صعب ينساه
واخيرا لو حضرتك متردد فكر في اليابانى لانه ممتاز من ناحيه الشكل وقوة الموتور وسرعته التداول
عارف التويوتا عربيه كويسه جدا واقتصاديه وغير مكلفه او فكر في الانسر الكرستاله دي بجد عربيه محترمه جدا لكن بالنسبه للعربيات الصيني والله العظيم لو ببلاش مستحييل اركب عربيه زي دي
واخيرا افضل شئ انك تصلي استخاره وربنا هيوفققك الي ما فيه الخير

رد: هل شراء الأوبل المستعمل في هذا الزمان جــــــــــــــــنـــــــ ـون
 

مش هاقدر ارد على الهجوم ده كله
بس هالخصه فى كلمة و احده او عبارة وحيده
الأوبل عربية باشوات اياك تاخدها من تحت ايد شحات

رد: هل شراء الأوبل المستعمل في هذا الزمان جــــــــــــــــنـــــــ ـون
 

وأنا مع هذا الكلام

الخارج نطاق المنافسه

الله ينور يا أبو أحمد

______________

بس لاحظ يامحمد

ساعات بتلاقى باشا من البشوات بيشتريها زيرو

وبيركب وخلاص

ولما يحس أنها بدأت تتعبه وتخلع

بيروح قايل أما أزقها

المهم مش هى مع أى باشا

المهم

هى عامله أيه مع الباشا وحالتها أيه

مواليها وبيصرف عليها

ولا منشف ريقها

رد: هل شراء الأوبل المستعمل في هذا الزمان جــــــــــــــــنـــــــ ـون
 

انا شارى عربيتى من باشا
و مستريح جامد اوى فيها