مصر موتورز مجتمع السيارات
صفحة 5 من 225 1234 5 678910111213141516171819202122232455105 الأخير »
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   استراحة مصر موتورز (https://www.masrmotors.com/vb/forumdisplay.php?f=9)
-   -   بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ... (https://www.masrmotors.com/vb/showthread.php?t=39875)

koashraf 19-11-2010 03:10 PM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
اقتباس:
المشاركة الأصلية كتبت بواسطة حسام البورسعيدى (المشاركة 288024)
اه والله ربنا يستر وعم خالد خليفة ميحبسناش كلنا ههههههههههههه

بس انا مسمعتش عن حكاية عمرو اديب ولا منى الشاذلى دى .. ايه اللى حصل ؟؟؟
زى ماتقول كده فيه لجنه فى الاعلام اسمها تقييم العمل الاعلامى،قوم ايه اى حدكده الشر بره وبعيد ينسى نفسه ويسوق فيها شويه تيجى اللجنه دى وتوقف البرنامج بتاعه زى الجدع ده اللى اسمه ابراهيم عيسى(حد برده يعمل برنامج اسمه حمرا) هى ايه دى اللى حمرا_مافيش احمر فى البلد دى غير الاهلى يا..يا...يا.. عيش.
وطبعا اختك منى موضوعيه شويه بسب بأه قوم ايه جت فى حلقه كده واستضافت مرشد الاخوان قام صاحب القناه اللى هوه /احمد بهجت قالها مايصحش كده يامنى واحنا على أبواب انتخابات انتى بتعملى دعايه للاخوان...بس طبعاً هى بنت جدعه وشغلها من دماغها وبتعمل اللى بتقتنع بيه قامت جايه فى حلقه بعدكده واتكلمت عن نزاهة الانتخابات وان أحزاب المعارضه مابتخدش حقها فى الدعايه ومش عارف ابصر ايه..فطبعاً صاحب المحطه اللى هو رجل أعمال وخايف على مصالحه..اداها اجازه هى والبرنامج بتاعها...قال ايه بيغيروا ديكورات البرنامج...وحترجع بعد العيد ..وممكن بعد الانتخابات..وممكن لما ربنا يسهل....
نيجى بأه لاخوك أبولسان فالت عمرو..ده طبعاً عملته منيله بستين نيله...جه كده فى حلقه ونسى نفسه شويه ...طب وايه يعنى ماهو دايماً بينسى نفسه ويسوق فيها(فاكرين لماشتم المنتخب الوطنى فى جنوب افريقياوبعدين أعتذر وقال احب على راسهم واحد واحد)ولما جه على الهواوعك مع كمال باشا الشاذلى بس الحق لله لم نفسه واعتذر برضه بعد ماعربيته البى ام اندلق عليها(من مجهول)ماده كاويه أوحارقه......
طب المره دى عمل ايه اسيبكوا تعرفو لوحدكم واللى عمله موجود فى مشاركه من أحد الاعضاء بعنوان الحلقه اللى توقف بسببها برنامج عمرو أديب....
يعنى ياحسام ياخويا محدش هنا ينسى نفسه ويسوق فيها احنا عندنا عيال برده...والحق لازم له من قوه تحميه وتدافع عنه ...يبقى خلينا فى الكلام اللطيف والخفيف بتاعنا ...وربنا يجعل كلامنا خفيف عليهم

koashraf 19-11-2010 03:55 PM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
2 مرفق
وبعدين معاك بقى ياعم حسام انا دخلت عندك 3 مرات مفيش ولاكبايه شاى ولافنجان قهوه قلت اجيب مشاريبى معايا وبالمره اعزمك ايه رأيك على فنجان شاى وشيشه.

karem ali 20-11-2010 12:06 AM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
اقتباس:
المشاركة الأصلية كتبت بواسطة حسام البورسعيدى (المشاركة 287799)
دا انت تؤمر يا كريم باشا احنا نطول تقعد عندنا ...

عندك واحدة حلبة مخصوص لكيم باشا وصلحه ..

نورت يا كبير بس خلى بالك من فاتورة الكهربا هههههههههههههههههههههه
تسلاملى يا جميل
ومن عندى احلى شويه سمك اسكندرانى عند عمك حسام HUUM

حسام البورسعيدى 20-11-2010 12:17 AM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
اقتباس:
المشاركة الأصلية كتبت بواسطة koashraf (المشاركة 288132)
وبعدين معاك بقى ياعم حسام انا دخلت عندك 3 مرات مفيش ولاكبايه شاى ولافنجان قهوه قلت اجيب مشاريبى معايا وبالمره اعزمك ايه رأيك على فنجان شاى وشيشه.

يا نهار ازرق ؟؟!!

ازاى الكلام ده تجيب مشاريبك معاك ده يعنى ايه ؟؟

وبعدين انا عامل حسابى انك قاعد فى قهوتك يعنى وسايبك تتطلب اللى انت عاوزه ههههههههههههههههههههه

معلش امسحها فيا المرة دى وخلى القهوة عليا .. بس بلاش الشيشة ابوس ايدك احسن عم خالد خليفة يمرجحنا هو والصعايدة عيلته ونروح سكة اللى يروح ما يرجعش ههههههههههههههههههههههههه هه


بس انا فرحت يا اخى فى عمرو اديب ده لانه انسان رخم جدا ومستفز ...

وزعلت جدا على منى الشاذلى لانها فعلا مذيعة محترمة ومصداقية .....

هو كده .. الكويس فى البلد دى ياخد على جمجمته ...

حسام البورسعيدى 20-11-2010 12:21 AM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
اقتباس:
المشاركة الأصلية كتبت بواسطة karem ali (المشاركة 288471)
تسلاملى يا جميل
ومن عندى احلى شويه سمك اسكندرانى عند عمك حسام HUUM
تشكر يا جميل بس ياريت من عند بلبع (داخل على طمع بقى) هههههههههههههههههه

لو مكنش يبقى من عند شعبان اللى عامل شعار (هو ده شعبان بتاع السمك اللى بيقولو عليه) ههههههههههههههههه

karem ali 20-11-2010 12:41 AM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
اقتباس:
المشاركة الأصلية كتبت بواسطة حسام البورسعيدى (المشاركة 288492)
تشكر يا جميل بس ياريت من عند بلبع (داخل على طمع بقى) هههههههههههههههههه

لو مكنش يبقى من عند شعبان اللى عامل شعار (هو ده شعبان بتاع السمك اللى بيقولو عليه) ههههههههههههههههه
يسلام بس كده تعلا انت بس اى مقابله احنا بنكون فى دوار جحا جنب بلبع بل الظبط

خالدخليفة 20-11-2010 12:50 AM
رد: بشرى لرغايين المنتدى .. افتتاح مقهى (مصر موتورز) لصاحبه المعلم حسام البورسعيدى ...
 
اقتباس:
المشاركة الأصلية كتبت بواسطة حسام البورسعيدى (المشاركة 288024)
اه والله ربنا يستر وعم خالد خليفة ميحبسناش كلنا ههههههههههههه

بس انا مسمعتش عن حكاية عمرو اديب ولا منى الشاذلى دى .. ايه اللى حصل ؟؟؟
حبس ايه ياجماعة انتو عايشين فى الماضى ؟؟؟؟؟؟؟؟؟
بطلو الافكار القديمة دى
دلوقت السياسة أنك تهوهو... وتنونو وتمأمأ كمان زى م انت عايز طالما م بتعملش حاجة
يعنى بالبلدى بيسيبوك تتنفس علشان متنفجرش ف وشهم
حتى النفس مش هنتنفسه ؟؟؟؟؟؟
ثم انا حيا الله بكتب موضوع من عشرات المواضيع فى قسم من عدة اقسام فى منتدى من عدة ملايين المنتديات
فين التاثير بتاعى بقى ؟؟؟؟؟
لكن التليفزيون وقناة دريم ومذيعة زى منى الشاذلى ممكن يبقى لهم تأثير
مش كده والا ايييه ؟؟؟؟؟؟
على رأى المهندس


الساعة الآن 07:08 AM.
صفحة 5 من 225 1234 5 678910111213141516171819202122232455105 الأخير »
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017