رد: محتار بين التويوتا كورولا و اسكودا فانتازيا
 

موافقون؟ ... موافقة!

رد: محتار بين التويوتا كورولا و اسكودا فانتازيا
 

[QUOTE=moslem2;270090]السلام عليكم عالجميع
الموضوع مش مقارنه بين كرولا وفانتازيا ..........ده مقارنه بين مدرستين مختلفتين فى الصفات
المدرسه اليابانيه بقيادة تويوتا وساعتها اشترى كرولا لو بتدور على عربيه قليلة الاعطال ومعمره وسعر بيع عالى وتهلك فيها...,,
والمدرسه الاوربيه بالعملاق الجديد سكودا فنتازيا تحت زعامة مجموعة الفلوكس ,,وتشتريها لو بتدور عالفخامه والثبات والتمييز النسبى والامان والتكنولوجيا...,
يعنى اخى الغالى الفيصل فى القرار هو طبيعة استخدامك وامكانياتك الماديه ومنهجك فى الحياه هل انت انسان عملى وكل الى يهمك عربيه تريحك واعطالها قليله ولما تيجى تبيع تلاقى 100 زبون ومش تخسر جامد.,,, ولا مايهمكش الكلام ده وعاوز عربيه فخمه وشيك ومتطوره
وربنا ييسر لك الخير[/QUOTE
كلامك زي الفل انت كدة جبت الخلاصة بصراحة
بس في ناس عايزة تثبت ان الكرولا الافضل ودي وجهة نظر غير صحيحة بالمرة لان لا يوجد وجه مقارنة بينهم لان الوكتافيا تتفوق بمراحل

رد: محتار بين التويوتا كورولا و اسكودا فانتازيا
 

فنتازيا اعلى فئة ب209 الف

كورولا ب160 الف

الفرق 50 الف مش 10 الف

رايى الفنتازيا احسن

وهاتها خليجى تمنها 180 الف فيها كل حاجة الى ففئة ال 209 وكيل

رد: محتار بين التويوتا كورولا و اسكودا فانتازيا
 

ثبات ايه الي بتتكلم عنه يا فارس
هي فعلا الكورولا تعتبر ثابته إذا ما قورنت بالدراجات الهوائية (البسكيلاته)
الكورولا أصلا عملوا التصميم بتاعها قبل ما يكتشفوا موضوع الثبات بفترة
وبالنسبة للفخامة فحدث ولا حرج
ماشاء الله أنا عندي طشط غسيل في البيت البلاستيك بتاعه شكله أفخم من البلاستيك المستخدم في تابلوه الكورولا.

مميزات الكورولا الحقيقية
1. موفرة للبنزين (محرك صغير وجسم خفيف)
2. الإعتمادية (مفيش فيها أي تكنولوجيا وبالتالي نسبة حدوث الأعطال قليلة)
3. الإنتشار وبالتالي سهولة الإصلاح وإعادة البيع

طبعا الكلام ده بالمقارنه بالفنتازيا مش بالنسبة للعربيات المتواضعة الأقل من 100000 جنيه

رد: محتار بين التويوتا كورولا و اسكودا فانتازيا
 

أنا مش عارف أقول كلام بعد الكلام اللي إنت قلته ده يا Limoway ثبات إيه اللي بيتكلم عنه الأخ فارس أنا عندي كورولا 2009 لما أوصل عند الــ 90 أشعر إنني بدأت الإقلاع عن مستوى الأرض ، ناهيك عن البودي اللي لو سندت يدك عليه تشعر إنك ستخرج من الناحية الأخرى، والمميزات التي ذكرتها فعلاً هي ده اللي جعلت سعر السيارة مرتفع. ولك تحياتي

رد: محتار بين التويوتا كورولا و اسكودا فانتازيا
 

أشكرك علي الصراحة وعدم الإنحياز للسيارة التي تمتلكها

الصراحاء زيك هما الي بيخلو الناس التانية ماتلبسش في الحيطة في شراء السيارات

رد: محتار بين التويوتا كورولا و اسكودا فانتازيا
 

فعلا .... كلام صحيح 1000000% .

الفانتازيا افضل ولا مقارنه ...

شكرا ...