|
رد: حقيقة الميجان
اقتباس:
وحياتك انتى انا سيبت العربيه اسبوع عندهم ورفضت أستلمها إلا لما يحلوا مشكلة النتشه إللي في الفتيس دي وقولت لهم غنشالله تغيروا الفتيس انا ماليش دعوه وفعلا بعد اسبوع أخدت العربيه 100 100 وزي الفل (انا باتلكم على الفتيس لكن خد عندك بقى عوامة مؤشر مستوى البنزين في التنك بايظه وبتديني بيان غلط ويبقى التنك فاضي ودي مدياني اكتر من نص التنك وروحت اصلحها قالولي مافيش تصليح في تغيير طب غيروها يا جماعه قالك تتغير معاها طرمبة البنزين ptmnlo123per1106 طب أيه إللي جاب العوامة للطرمبة يا بشر ؟ قالك هو النظام كده العاومة عشان تتغير لازم تتغير معاها الطرمبة بكام يا باش مهندس بـ2200 جنيه ptmnlo123per195 خلاص ياعم مش عاوز منكم حاجه أنا كل 500 كيلومتر هافول وخلاص ولسه على فكرة في أعطال كتيره بتحصل برضه بس أنا مش عاوز احرق ورقي كله ههههههههههههه ptmnlo123per1127 وعلى فكرة الأعطال دي مالهاش دعوة بسوء أستخدام ولا سوء نيه هههههههه عشان دي حاجات ماحدش يعرف يوصلها عشان يلعب فيها أو مثلا يطولها مطب وللا حاجه يعني العربيه صناعه رديئة وياريت لما أقابلك نبقى نروح مع بعض التوكيل ونتكلم أنا وانت مع الناس إللي بتسب وتلعن في العربيه |
رد: حقيقة الميجان
مش قادر افهم يا بايو ايه علاقة الطرمبة بعوامة البنزين في التانك يعني تانك العربية ورا و العوامه جواه و مسئولة انها تقولك البنزين موجود اد ايه في التانك و طرمبه البنزين في الميجان اسمع انها موجودة عند مجموعة الكاتينة يبقي ايه جاب العوامه للطرمبة بقي!! ده هراء توكيلات و سرقة في نفس الوقت ربنا معاك يا بايو و تتحقق امنيتك و تبيعها علي خير....
|
رد: حقيقة الميجان
اقتباس:
هو ده السؤال ياجدعان أيه إللي يخليهم دايما رابطين حاجه بحاجه ؟ حتى لو مالهومش علاقة ببعض ؟ ياترى عشان ماتستكترش المبلغ إللي هاتدفعه يا زبون ؟ وللا عشان يستكردوا إللي مش فاهم ويحسسوه إنه دفع الألفين جنيه في حاجه تستاهل ؟ وللا عشان يرفعوا ضغط الناس وخلاص ؟ والله أنا حسس أنهم لو طالو يخلوك تغير الجنط لما الكاوتش يتخرم هايعملوها |
رد: حقيقة الميجان
بس غريبة اوى يكون الطرمبة فى الامام عند مجموعة الكاتينة معلومة غريبة
وبعدين يا هانى بصراحة كدة انا بحس بأنجذاب رهيب تجاه هذه السيارة لدرجة ان بقالها خمس سنوات على موديلها وكل لما اشوفها اكنى باشوفها لأول مرة ولا يمكن اتصور انها رديئة الصنع كما تظن وارجو الا تسخر من مشاعرى تجاهها لأنى من أشد المعجبين بها جدا وهى فعلا من احلى تصميمات السيارات فى الخمس سنوات السابقة بل احلاهم فعلا بص الجمال يا هانى http://www12.0zz0.com/2009/02/01/21/571257649.jpg جامده مووووووووووووووووووووووت http://www12.0zz0.com/2009/02/01/21/804866044.jpg حرام عليك يا هانى http://www12.0zz0.com/2009/02/01/21/841379840.jpg |
رد: حقيقة الميجان
يا ايمن حرام عليك
الراجل مش طايق العربيه تنزلو صورتها ... ما هو شايفها نهار ليل ... و مش بعيد يكون بيحلم بيها كوابيس بالليل من اللي بتعمله فيه ربنا يقويك يا استاذ هاني ... بس مش عارف ليه حاسس ان العربيه اللي معاك دي نحس يعني ساعات بيكون فيه عيوب صناعه ... سوء تجميع .... سوء استخدام .... لكن موضوع العوامه و الطلمبه دي حاااااجه مستفزه ... يعني هي ناقصه اساسا .... دي عربيه تجيب هسهس |
رد: حقيقة الميجان
اقتباس:
انا عارف انه مش طايق العربية بس انا والله بحب شكلها جدا ومن كتر حبى فى الموديل ده مش قادر اقتنع انها سيارة سيئة مع العلم ان انا كل ما أسأل حد عليها يشكر فيها جدا أقصد يكون راكبها يمكن محدش بيحب يعترف انه اتسك فى اختياره! بس من الأخر العربية عاوزة بلد غير مصر ومطبات مصر العظيمة........... أما بالنسبة لأخونا هانى انا حاسس انه لو باعها واشترى ميجان تانية برضة ...... هيغير وجهة نظره عن العربية وهتبقى معاه كويسة..... بس كدة هانى عمل دعايا وحشة للسيارة ازاى هيعرف يبيعها وهو عاملها اعلان فى المنتدى؟ عارف انا ممكن ابلغ التوكيل ان هانى عامل دعايا سيئة للعربية فى المنتدى وهى كذلك طبعا ... ممكن ياخدوها منه ويدولوه واحدة تانية جديدة مثلا او يظبطوها أخر حاجة ويحلوا جميع مشاكلها أو يمكن يسلموه سينيك ونبقى كدة حلينا المشكلة بطريقة ايجابية زى التاكسى الستروين اللى كان عامل يافطة على السيارة انها سيئة وما الى ذلك وخدوها منه وسلموا بدالها ْZX جديدة ومدفعش فرق لمجرد اتقاء دعاياه السلبية...... أو نقوم جميعا كأعضاء بمراسلة الشركة الأم وشرح جميع مشاكل سيارة هانى ويبقى كدة نبقى اكتر ايجابية لأنهم مش ممكن يتركوا سيارتهم الشهيرة عرضه لتصرفات التوكيل الحمقاء وهيشدوهم ويمسحوا بيهم البلاط لغاية مالعربية تبقى تمااااااااام......... ونعرفهم ان احنا منتدى سيارات يعنى أى دعايا سلبية لسيارتكم هتسمع على مستوى السوق لأن زوار واعضاء المنتدى كثيرون ونقوم بأبراز المواضيع والمناقشات الخاصة بالسيارة لهم............. مع حذف مشاركات ترونكى عشان دى هتودينا فى داهيةptmnlo123per1106 الأوروبيين يا جماعة بيهتموا جدا بالحاجات دى وانشالله تتحل جميع المشاكل ........... على فكرة والله العظيم كلامى فى منتهى الجدية وبدل ما هانى يبيعها ويخسر فيها تتحل كل المشاكل اللى فيها ويعرض الاوكتافيا للبيع |
رد: حقيقة الميجان
محدش شجعنى على الفكرة ليه؟ptmnlo123per1127
|
| الساعة الآن 07:54 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017