رد: القصة التي ابكت العالم قصة كفاحي مع ال 128
 

على فكرة انتة فكرتنى بعربيتى الاولى السيات كانت مربيانى
انا مرة كنت فى التجمع الخامس بيها وكلت مطب صغير عادى زى العربيات الى ماشية مطب هايف كدة الموتور وقع وفضل ماسك على قاعدة الفتيس الحمد للة كنت هاسيبو وامشىptmnlo123per1127
ربنا كرمنى بواحد صحبة رفعنا الموتور وربطناة بجنزير وقطرها للميكانيكى:00020080:
يا يا corsair يا خويا البت عليا المواجع انا صرفت على العربية دى اد تمنها مرتين
كمل ياا corsair نا مستنى ptmnlo123per142

رد: القصة التي ابكت العالم قصة كفاحي مع ال 128
 

نبتدي الجزء الثالث الواحد حبس كوباية الشاي ويدوبك يقدر يكمل الجزء الثالث قبل ما اتقتل وانام


نبتدي بايه نبتدي بايه اه خلينا في العين السخنة الاول ptmnlo123per184

المهم ضربت في دماغي :crazyW14: اني اخد العربية واطلع بيها علي العين السخنه منها مصيف ومنها اطل علي نادي الزمالك هناك

هههههههههههههههههههه كان يوم جمعه وطبعا زي كل مره العربية حرارتها عماله تعلي وانا شغال عليها بالكمدات لحد ما وصلت وياريتني ما وصلت لقيت الشاطئ كان زحمه موت علشان ادخل الشاطئ بالعربية كان لازم تخبط العربية علشان تدخل بيها الشاطئ وقد كان دخلت وحكيت يجي في 4 عربيات وانا داخل وطبعا محدش واخد باله ومش في دماغ اللي خبطهم غير انهم يدخلو الشاطئ المهم دخلت بقلب جامد وقضينا اليوم وانا مروح سئلت واحد ابن حلال اخد انهي طريق وانا مروح افضل القطاميه العين السخنه ولا طريق السويس فقالي طبعا خد طريق القطاميه العين السخنه ومكدبتش خبر وكان اول مره اخد الطريق ده اتاري الطريق ده طالع نازل وطبعا عربيتي مبتعديش ال 60 كيلو في الساعه لو عملت ايه المهم طول ما انا ماشي عربيات راكنه علي جنب بسبب ان الماتور سخن والحرارة عندهم عاليه وانا عربيتي ربنا كان هديها وقولت اعمل ثواب وادي الناس اللي مزنوقين في شوية مايه علشان يملو الريداتير عندهم المهم تقريبا كدا خلصت الميه اللي كانت معايا علي الناس وانا ماشي عامل زي السقا في الطريق واحلي حاجه ماشي بقالي 4 ساعات علي الطريق والطريق مش راضي يخلص قولت اكيد تهت فيه ايه مش عارف المهم اخيرا لقيت البوابة بتاعت القاهره وساعتها اطمنت اني ماشي صح عديت البوابه ومشيت علي الدائري ونزلة نازلة السلام والعربية جت عند مدينة بدر بتاعت الملاهي اللي في جسر السويس ولاقيت العربية عداد الحرارة بتاعتها نط للاحمر مره واحده نزلت ابص لقيت المروحه فصلت وطبعا حمدت ربنا انها عملتها قريب مني شويه لان طريق السخنه القطاميه طريق ما يعلم بيه الا ربنا ولا نور ولا جنس مخلوق هبقفلك لو حصلك حاجه المهم جه واحد صحبي بعد ساعتين من الوقوف في الشارع وعملي العربية ووصلنا الحمد لله ارض الوطن سالمين



الموقف التاني :00020080:

واحد صحبي حبيبي عزمني علي خطوبته في اكتوبر المهم طبعا لازم اقف جنب صحبي وروحت ملازمه بس خليته في اليوم ده لعن اليوم اللي فكر انه يعزمني فيه كل شويه ارن عليه علشان يلف بالعربية اللي راكبها ويجي يزق العربية في اليوم ده البطارية كانت مجننه امي كل شوية تنام المهم وصلنا بعد تاخير اكتر من ساعه ونص بسببي وكان بيبصلي في اليوم ده بصة غل مشوفتهاش علي وشه في اليوم ده وتقريبا كدا كان وصل لمرحلة انه هيفسخ الخطوبة بسبب العربية بتاعتي اصلها مفرقة للجماعات وكنت حاكم الناس كلها انها تمشي علي سرعة 60 علشان مكنتش عارف الطريق وعربيتي زي ما انتم عارفيين مبتعديش سرعتها ال 60 لو عملت ايه


وكده كفايا عليكم النهارده وبكره نكمل قصة ال 128 والصعيد والطريق الزراعي للصعيد ده انتم هتشوفوا العجب

http://manager.albawaba.com/img/new_...file_b5735.gif

مع احمد ممدوح مش هتقدر تغمض عنيك http://www.rotana.net/App_Themes/The.../logo-beta.gif

رد: القصة التي ابكت العالم قصة كفاحي مع ال 128
 

اللي ايده في الميه مش زي اللي ايده في النار وهيه مش مستنيه اني ارميها من فوق الدائري هيه كانت هتنط وتخلص البلد من شرها بس انكتبلها عمر جديد علي ايد العبد لله

رد: القصة التي ابكت العالم قصة كفاحي مع ال 128
 

انا حاسس اني هكون السبب في طلاق العربيات القديمة كلها من اصحابها

رد: القصة التي ابكت العالم قصة كفاحي مع ال 128
 

انت فعلا كرهتنى فى 128

رد: القصة التي ابكت العالم قصة كفاحي مع ال 128
 

انا حاسس ان كارتون سندباد شغال.هههههههههههههههههه
لالالالا اوعى تكون روحت بيها الصعيد زراعي.
هتروح فين الغلبانه الي معاك للترلات والنقل التقيل. والطريق حاره واحده رايح جاي.
مستنيين الجزء التالت يا باشا وان شاء الله نبارك لبعض على المطش.

رد: القصة التي ابكت العالم قصة كفاحي مع ال 128
 

هههههههههههههه اسالنى انا يااحمد اللى مربتوش الايام والليالى تربيه ال 128