مصر موتورز مجتمع السيارات - الساجا سفاحة بنزين

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - الساجا سفاحة بنزين (https://www.masrmotors.com/vb/showthread.php?t=27250)

رد: الساجا سفاحة بنزين

اقتباس:

المشاركة الأصلية كتبت بواسطة m.elhasafy (المشاركة 347111)

أنا كنت بعت الرسالة التالية لشركة بروتون ماليزيا يوم 23/1 حوالى الساعة 9 مساءً
نص الرسالة:

I want to know the regular fuel consumption for SAGA 2010 witch i bought from Ezz El Arab (your dealer in <?xml:namespace prefix = st1 ns = "urn:schemas-microsoft-comhttp://www.masrmotors.com/vb/ /><st1...y-region w:st=</st1:country-region><st1:place w:st="on">Egypt</st1:place>) because the consumption now is: 9km/litre in town and 11km/litre in the highway (with speed 100 and the air condition off)
I think that this consumption is too much
Please note that this query is from many owners of your SAGA
Thanks

و من حوالى نصف ساعة لقيت أ/ عواطف (مدير مبيعات بروتون عز العرب) تتصل بى و أخبرتنى أن بروتون ماليزيا أخبروهم بالشكوى بخصوص الإستهلاك و أنه سيتم الرد على بأرقام و بيانات رسمية و تستأذنى فى أن أنتظر ليوم الأحد لإن مدير خدمات ما بعد البيع مسافر لماليزيا
أنا بصراحة لم أتخيل أن الموضوع سيكون بالسرعة دى أو سيتم تداولة بالطريقة دى
بصراحة كفاية الإهتمام لأننا جميعاً فى مصر نعرف خدمات ما بعد البيع المتلخصة فى:
1- عبيله و إديله
2- ما فيش ترجيع
3- نفض و أنتطر
4- :fun_wallbash::fun_wallba sh::fun_wallbash:
و سنوافيكم بالتطورات

حصافى باشا

عدى اسبوعين وماحدش رد علينا

انت نسيت ولا ايه؟

ياريت تستعجلهم فى الرد

على فكره عندى خبر حلو جدا جدا

اول امبارح سافرت من الاسكندرية للقاهرة

مليت التنك بنزين على اول الطريق وسافرت على طوووووول

اول ما طريق السفر خلص وقبل ما ادخل البلد وزحمتها واشارتها مليت التنك تانى

وحسبت معدل الإستهلاك وكانت المفاجأة

اللتر عمل 13035 كم

اول مره تجيب المعدل ده وماكنتش مصدق لدرجة انى حسبتها كذا مره

المهم

فى طريق الرجوع ان شاء الله هعمل نفس الحكايه وهشوف النتيجه ايه وهبقى ابلغ حضراتكم

الطريقة والاسلوب ده مثالى 100% لانه بإختصار الموتور مالفش لفه واحدة والعربية واقفه مكانها

محمد عبد المجيد

رد: الساجا سفاحة بنزين

والله أنا ما نسيتش ... كل الحكاية إنى عايز أديهم شوية وقت لإن الإسبوعين اللى عدوا حضرتك شفت كانوا عاملين إزاى

رد: الساجا سفاحة بنزين

على فكرة الإستهلاك اللى حضرتك قولته بيدعم فكرة إن العربية إستهلاكها بيقل مع الإستعمال
وعلى فكرة إستهلاك حضرتك السابق يساوى تقريباً إستهلاك الفيرنا
لأن متوسط إستهلاك ال1600 (10 كيلو/لتر) مع العلم إن المتوسط ده بيتحسب من السير داخل و خارج المدينة

رد: الساجا سفاحة بنزين

اقتباس:

المشاركة الأصلية كتبت بواسطة m.elhasafy (المشاركة 359717)

والله أنا ما نسيتش ... كل الحكاية إنى عايز أديهم شوية وقت لإن الإسبوعين اللى عدوا حضرتك شفت كانوا عاملين إزاى

حصافى باشا

يارب تكون بخير وفى احسن حال

انا زعلان منك باين عليك مش فاضى خااااالص لحد

سبق طلبت منك رقم تليفونك عشان يشرفنى معرفه اخ فاضل زيك هنا فى اسكندرية

عندى ليك خبر ممتااااااااز

الاسبوعين اللى فاتوا سافرت كتير للقاهرة بالعربية بسبب احداث التحرير اللى كان ليا شرف المشاركة فيها

المهم 0000

استهلاك العربية اتظبط معايا بطريقه ما شاء الله ماكنتش متصورها

فى السفر اللتر عمل 13.5 كم
وقبل كده بالكتير كان بيعمل 10 كم فى السفر

وجوا البلد اللتر عمل من 10.5 :11.5 كم
وقبل كده كان بيعمل بالكتير 8 كم

اجمالى المسافة االمقطوعه بالعربية لحد دلوقتى 2500 كم

يعنى لسه قبل الخمس الاف والواضح ان مع كتر الاستهلاك المعدل بيتظبط اكتر واكثر

انا حبيت بس افرح واطمن الساجاويه لانى عارف موضوع الاستهلاك ده مكلف قد ايه

محمد عبد المجيد

رد: الساجا سفاحة بنزين

محمد باشا قولى بس على المشاركة اللى طلبت فيها رقمى و أنا أقطملك زمارة رقبتها علشان ماجتش لحد دلوقتى
ده شئ يشرفنى إنك تطلب رقمى ... عموماً الرقم 0116006265 (شكلنا كده هنطلع قرايب)
و أنا فى خدمتك إنت و أى عضو 24 ساعة و 7 أيام فى الإسبوع

رد: الساجا سفاحة بنزين

السلام عليكم
أنا كنت قد كلمت أ/ عواطف مدير مبيعات بروتون عز العرب من يومين و فكرتها بالموضوع و قالت لى إن المسئول سيتصل بك
ولكنى أمس وجدت فى موقع Paultan ريفيو عن الساجا و الحمد لله لقيت إن متوسط الإستهلاك 16.6 كيلو/ لتر و ده للمانيوال و 15.9 كيلو/ لتر للأوتوماتيك و ده بيتحسب على سرعة 90 ثابتة و بدون تكييف ... و طبعاً الواضح إن الإستهلاك الحالى لحضرتك بيقرب من المعدل الطبيعى و لكن فى مشكلة حقولك عليها فى الأخر
المهم النهارده إتصلت بيا أ/ داليا من خدمة العملاء و قالت ليا أن أحضر أى يوم من 9 إلى 10 صباحاً و سيخرج معى مهندس فى رحلة 50 كيلو رايح جاى لحساب الإستهلاك و مقارنته بالإستهلاك المثالى و سوف تكون الرحلة على سرعة 90 ثابتة و بدون تكييف و النوافذ مغلقة (ناس شغالة صح)
ثم قالت لى معلومة بديهيه و لكن غابت عن ذهننا جميعاً ألا وهى إن الأرقام المعلنة من الشركة الأم بتكون على بنزين 97 أوكتان (وخد بالك بنزين ماليزى) و قالت لى فعلياً مافيش حاجة إسمها إستهلاك داخل المدينة و خارج المدينة ... المفروض إننا نثبت كل العوامل المؤثرة فى الإستهلاك علشان نقدر نقارن صح أما داخل المدينة فمستحيل تثبيت أى عامل سواء إشارات أو سرعة طريق و خلافه ... إنتهى
بصراحة كلام علمى منطقى بمعنى إن كلمة الإستهلاك داخل المدينة لا تعطى مدلول حقيقى لإستهلاك المحرك ... المهم فى السرعات الثابتة
و كمان موضوع البنزين ... أنا كنت قريت مشاركة لعضو حط بنزين 95 (لجين تو تقريباً) ووفر معاه جداً فى الإستهلاك و لكن فرق السعر أكل التوفير و بقى خراب بيوت
أرجو أن أكون أفدت الجميع و خصوصاً عزيزى أ/ محمد عبد المجيد
شكراً بروتون ... شكراً عز العربGIFT4U

رد: الساجا سفاحة بنزين

نسيت أقولك على المشكلة
المشكلة إننا مستحيل نوصل للإستهلاك المعلن بسبب إن البنزين اللى عندنا حتى لو عملوه أوكتان 97 برضه مش هيبقى زى بره
حسبنا الله و نعم الوكيل