مصر موتورز مجتمع السيارات - اللانسر و حقيقتها

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - اللانسر و حقيقتها (https://www.masrmotors.com/vb/showthread.php?t=2687)

رد: اللانسر و حقيقتها

من الأخر ياجماعة السيارة ناجحة فى مصر بكل المقاييس ..... وباعت اعداد رهيبة سواء وكيل او خليجى

لكن لو نظرنا للأمور بنظرة منطقية شوية هتلاقيها اقل السيارات اليابانية جودة بالمقارنة بمثيلاتها سواء تويوتا هوندا مازدا سوبارو او حتى النيسان (التيدا) مش الصنى اللى بتتجمع فى مصر...سواء التقفيل او جودة الخامات الخاصة بالمقصورة واللى يعارض يوقف اى سيارة من اللى تم ذكرها ويقارن ع الطبيعة هيلاقيها احسن من اللانسر بمراحل وده اللى بيدى البعض ايحاء انها مش يابانى.....
اما من حيث العفشة والاتزان والثبات فهى لا ترقى ايضا للموديلات المذكورة او هى اقلهم بالفعل اما من حيث القوة 122 حصان فده كلام ولا فى الاحلام لأن سيارات اقل من كده بكتير فى الهورس باور بتعديها بمراحل زى البيجو 307 والرينو الميجان وحتى الالنترا .

اما بالمقارنة بالاوروبى فهى بعيدة كل البعد عن المنافسة تمااااااااااااااااااما

وده عن تجربة شخصية لأنى سوقت اللانسر حوالى شهر وكانت بتاعة حمايا ولما ركبت الستروين c4حاسيت ان العربية وانا ماشى انها تحت امرى اما اللانسر انا اللى تحت امرها شغالة بدماغها وبس

لكن فى المجمل هى اكيد لا تقارن بأى سيارة كورى او صينى هى احسن طبعا

وكلامى على الشكل القديم اما الموديل الحديث 1500 سي سي فهو بالطبع شكله غير ولا يقارن بالشكل القديم وينافس بالفعل باقى الموديلات المذكورة...بجداااارة ولكن ايضا لا يفوز.

وده رأى الشخصى القابل للنقض طبعا والحاد كمانptmnlo123per144

رد: اللانسر و حقيقتها

اقتباس:

المشاركة الأصلية كتبت بواسطة ayman abdelrazek (المشاركة 15634)

+11
انا معاك تماما في رأيك يا ايمن ....
ده نفس احساسي بالعربيه بالرغم اني مسوقتهاش .... لكن انا ركبت البومه و الكريستاله .... وغير اني معجب بشكل الكريستاله عن البومه .... حسيت كراكب (مش سائق ) ان الكريستاله انعم واشيك واريح ....
وده لا يقلل من البومه .... لأنها بتحقق القيمه مقابل السعر ...
وزي ما انت قلت لا تقارن بالتيدا او هوندا او مازدا او ...... لانهم اغلا وبالتالي قيمتهم (كجوده و مواصفات ) اعلا
لكن نقارنها باللي في نفس فئتها و سعرها ... صني - ياريس - النترا ....

الالنترا ركبتها كانت لسه زيرو ... و بالتالي صعب المقارنه ... العربيه بشوكها .... مع اني بميل لرأيك في النقطه دي ... (الياباني افضل من اللي بالي بالك ptmnlo123per1135 )

الصني عربيه كويسه ... وسوقتها زيرو.... ومشوفتش منها حاجه وحشه ... بس انا عندي ارتيكاريا من التقفيل المصري ... ptmnlo123per160
و الياريس سوقتها .... ممتازه .... وبرضو بنفس المبداء السعر مقابل القيمه

رد: اللانسر و حقيقتها

والله يا جماعة انا معايا لانسر شكل قديم سوبر اكشن خليجى (كويتى) والله شديت مع عربية سيتروين c4 والله كان هو قدامى وقلبلى نور يمين وشمال ففهمت انو عاوز يشد والله لما شديت معاه جبته وعديته وكنا احنا الاتنين حارقين على الموتور وانا كنت ماشى بال ds والله يا جماعة انا لقيت العربية بتاعتى اللانسر طياااااارة بمعنى الكلمة وبدوون مبالغة خااالص سبقته بس مش بكتير اوى وبعدين قلبتله انا نور عشان كنت خايف لان العربية كانت على 160 فخفت بصراحة وانا مش بدافع عن اللانسر ولا حاجة عشان هى معايا بجد انا شايف ان كل اللى مكتوب عنها فى المقال كانها عربية تااااااااااااااااااااااني ة خااااااااالص وانا عمرى ما ندمت ولا هندم انى اشترتها لانها بكل صراحة مريحااانى خالص مع انى كنت سوقت عربيات تانية غيرها زى الكورولا واجرت قبل ما اشترى اللانسر عربية النترا كانت لسه عاملة 10 الاف كيلو لقيتها متجيش جنب اللانسر والله باور خطر جدا عربية صاجها ضعيف شدها مش زى اللانسر فى وجهة نظرى والشكل اللانسر احلى بكتير من وجهة نظرى وكل واحد قبل ما يكتب حاجة يتاكد منها 100 % وبلاش تحامل على العربية اكتر من كده بجد حررااااااااااااااااااام

رد: اللانسر و حقيقتها

السلام عليكم و رحمة الله و بركاته

الحقيقة دي أول مشاركة لي في المنتدى الجميل ده ، و بصراحة أنا دخلت المنتدى علشان أستفيد بخبرات الناس لإني باخطط أشتري عربية قريب إن شاء الله ، و اللانسر الشكل الجديد كان من ضمن خياراتي (مش عارف بتسموه إيه في مصر لأني مقيم بالخارج)

عموماً أنا مش هاعلق على الموضوع لكن أترككم مع الرابطين الموجودين أدناه و هما لتقييم اللانسر في موقعين عالميين

http://www.whatcar.com/Search/@22Mit...2/default.aspx

http://www.jdpower.com/autos/Mitsubi...cer/2009/Sedan

رد: اللانسر و حقيقتها

انا متفق مع صاحب الموضوع وهقول كمان حاجة واحدة
حد جرب النيسان جربوا النيسان وهتحسوا بالفرق فى كل حاجة
فى ماتورالعربية والعفشة والاهم من دا كلو الثبات انا بجيب بالنيسان
بتااعتى 180 واقسم بالله ثابتة ماشاء الله
دا رايى
حاجة اخيرة
كل اصحابى اللى معاهم اللانسر بيشتكوا منها
وشكراااااااا

رد: اللانسر و حقيقتها

اخوانى بارك الله فيكم
الحوار جيد ولاكن نطلب من الجميع الا يتكلمو عن معرفة حقيقيه
لان كثير من الناس عندة ...... وسواس بيشك فى الكتير
انتم كدة بتسببو لهم عدم ثقة باشياء كثيرة
واظن ان دى كلها شركات عالميه تحمل مسؤلية اسم منتج عالمى
تمتلك خبرات عاليه وكوادر

بس لى طلب لو حد يمدنى بقائمة اسعار تقربيه عن السيارات المستعمله من 97 الى 2006
من متسوبيشى و هونداى النترا و شفرليه اُبترا
وسمحونى لو كان عتابى حاد وسؤالى اجابتة متعبه

لاإلاه إلا الله محمد رسول اللــــــــــــه

رد: اللانسر و حقيقتها

اقتباس:

المشاركة الأصلية كتبت بواسطة ابو حسناء (المشاركة 20363)

واظن ان دى كلها شركات عالميه تحمل مسؤلية اسم منتج عالمى
تمتلك خبرات عاليه وكوادر

الله ينور عليك ..... المنتج العالمى ده ( اللى هو اللانسر ) بيعتبر ايه فى بلاده ؟؟ اعتقد ان اليابان نفسها مش هاتلاقى فيها اللانسر بالشكل ده .... بدليل ان الخليج طول عمره بيحب العربيات اليابانى بس متلاقيش عندهم لانسر ..... تلاقى ليكزس , نيسان , تويوتا , ميتسوبيشى من الفئات العاليه و المحترمه جدا ...لكن لانسر !! مافيش ... ليه ؟؟؟ (و انا فى الموضوع ده بتكلم عن البومه بالذات)

اقتباس:

المشاركة الأصلية كتبت بواسطة ابو حسناء (المشاركة 20363)

بس لى طلب لو حد يمدنى بقائمة اسعار تقربيه عن السيارات المستعمله من 97 الى 2006
من متسوبيشى و هونداى النترا و شفرليه اُبترا

مبدئيا كل موديلات 2005 و 2006 فى الأنواع اللى انت طالبها بتتكلم من نص الستينات الى اواخر السبعينات (الف طبعا)
و برجاء مراجعه الموقع ده http://www.car100100.com/

و لكم جزيل الشكر