رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

السلام عليكم
أنا اسمى أحمد و مقيم بالقاهرة و كنت امتلك فيات بونتو كلاسيك 2001و الأن أمتلك سيراتو
-الفيات فى مصر له عيوبه الرهيبة فمثلا أنا فى عربيتى البونتو لم أكن أستطيع تشغيل المكيف لأنه كان بيسخن العربيه و دا عيب معروف فى الفيات و هو موضوع السخونية و بالذات مع تشغيل التكييف
-توكيل زى الزفت و بجد أنا أتعاملت معاهم مرتين و بطلت أتعامل معاهم تانى
-الخسارة الكبيرة عند اعادة البيع
-سيارة لا تتحمل المجهود الشاق
-قطع غيار غالية و لكن أغلبيتها متوفر عند الكيلانى فى وسط البلد

يعنى بصراحه البونتو ديه من الأخر عربية بنات أو أستعمال خفيف

أما السيراتو أنا لسه جايبها و مقدرش أقيمها أوى لكن بعد أربع ألاف كيلو أستطيع أن أقول بعض المميزات و العيوب
-العفشة ناشفه و طبعا ديه حاجه لا يختلف عليها اتنين بس أنا عندى جنط 15 فالعملية ملمومه شويه
-استهلاك البنزين عالى بس مش أوى و ده بحكم التكييف و الأوتوماتيك

و صدقونى هما دول العبيبن اللى ظهروا قدامى و ان كنت لا اعتبرهم عيوب

المميزات:

-بالنسبة لواحد نازل من فيات بونتو فكانت من ضمن أولوياتى حرارة العربيه لأن الى أتلسع من الشوربة ينفخ فى الزبادى لكن بصراحة السيراتو شغل التكييف و أنت مطمئن الحمد لله مفيش مشاكل فى موضوع الحرارة ده

-أنا عندى فرامل عاديه مش ABSبس بصراحه كويسه و مسيطره و الحمد لله على الموتور الغول بتاع السراتو

-العربيه ماشاء الله و اسعه أوى من جوه و شنطتها كمان و اسعه أوى و بجد ميزة أخري كنت أفتقدها فى البونتو

-أما الشكل فطبعا السراتو أكثر جاذبية فمن صممها هو بيتر شراير
مصمم الأودى A3, A4, A6,TT+النيو بيتلز يعنى من اللأخر واحد من أجمد مصممى السيارات فى العالم

-الموتور طبعا قوى جدا ماشاء الله
قوة المحرك(حصان/لفة.دقيقة) 124/6300 -أعادة البيع و قطع الغيار حاجة مش محتاجة كلام أكيد ممتاز بالنسبه للسيراتو و لكنه ضعيف الى حد ما فى البونتو
************************* ************************* ******************
************************* ************************* ********************
************************* ************************* **************

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

انت عندك حق فى بعض الحاجات بس الفيات بونتو مبالغ فى سعرها المصريين عايزين حاجه تلم العيلة ودى ازواق انا معك ان ممكن تكون الفيات جراند بونتو كخامات احسن ومتانه مش عارف بحس ان الصناعة الأيطالى مثل الكورى ودى وجهة نظرى معلش انا لو معى فلوس هشترى السيراتو مش جراند بونتو

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

شكر على الموضوع السيراتو عربية ممتازة وبصراحة لم أى سيارة منها تكركر أو غيره عكس الفيرنا والاسبيرانزا وربنا يوفقك لمن يشتريها ولكن صرااااحة السيارة تمنها عالى جدااا على سيارة كورى فئة كومبات , مثلا أنا لو لدى هذا المبلغ حوالى 105 أفكر فى اللانسر إتوماتيك لو إنسان عملى أو أقسط الباقى وأجيب تويوتا أى حاجة بقى شركة محترمة جدا

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

انا متفق معاك 100% العربية والله زى الفل مافيهاش اى حاجة هى ايه الفيات اللى هيقرنوها بالسيراتو دى ؟؟؟ وعموما اى عربية جديدة لازم يكون ليها نقاد متسالنيش ليه بأه ههههههههههه............يع نى اى حد الناس تقول عليها حلوة يقول حلوة ولو قالوا وحشة يقول (معاهم...معاهم...عليهم... ..عليهم)ومعظم الناس اللى بتقول العربية و حشة وبتتقلب بيكون سامعين من حد (مع احترامى لجميع الاعضاء)فياريت محدش يحكم على حاجة الا لما يجربها (مش 200 متر )ههههههه .........وفقكم الله .......

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

المشكلة التانية ان الناس بتتكلم عن عربيات في دبي والسعودية ومش عارف ايه......... يا جماعة كل سوق وليه مقوماته وليه تقييم معين للعربيات.....في مصر العربيات غاليه مش كل الناس في مصر تقدر تجيب عربية بـ 150000 ولا بـ 100000 حتى...عشان كده الناس لما تلاقي عربية زي السيراتو بتبتدي بـ 96000 ولا حتى بـ 100000 بيقولوا سعرها مناسب كمان احنا السوق عندنا شغال جزء كبير منه على التقسيط.... ماحدش يقولي الامارات والسعودية دي ناس ربنا كرمهم بأنظمة تجارية بتخلي سعر العربيات عندهم رخيصة مقارنة بالقيمة السعرية للريال كمان ولا الدينار ولا الدرهم.......والا بقى بكرة نسمع واحد يقولك الفورد اكسبلورر والتاني يقارن بين السيراتو وبين ال GMC وكده.....ياخوننا انا شايف ان العربية ناجحة لحد دلوقتي ع الاقل.....وانا رايي ان كيا مش شركة قليلة زي ما الباشا بيقول...........امال اسبيرانزا بقى تبقى شركة ايه لما الكيا لسه جديدة......اوعى تنسى كمان ان الكيا والهيونداي بقوا شركة واحدة من فترة..........ناقص تقولي بقى ان الهيونداي كمان شركة جديدة..........

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

مشكورررررررررررررر

رد: لماذا ادهشت السياره السيراتو مصر والمصريين فقط بينما هناك سيارات اوروبيه افضل منها
 

بجد انا نفسى اعرف هو انت عامل الموضوع عشان تحبب الناس فى البونتو ولا عشان تكرههم فى الكيا سيراتو ؟