رد: توكلت على الله و استقريت على الماروتى - ارجو دخول اصحاب الخبرة فى الماروتى
 

هل الماروتى تشيل 4 افراد بدون مشاكل ؟؟؟
ياريت اعرف هل الماروتى عاليه عن الارض ولا لا ؟ وهل لو محمله 4 افراد هيكون فيه مشكله فى المطبات او المطالع ؟
ولو معايا من 16 الى 18 الف يجيب اى موديل فى الماروتى ولا افضل اجيب 128 ؟
وجزاكم الله خيرا

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

هل الماروتى تشيل 4 افراد بدون مشاكل ؟؟؟
نعم الماروتي بتشيل 5 افراد واحيانا 7 انا معايا ماروتي 2008 بخرج انا وزوجتي ووالدتي واختي وزوجها واختي لها بنتي 6سنوات وسنتين بس الكلام ده مش كل يوم ده خروجه في الشهر مره علشان العربيه متهلكش
ياريت اعرف هل الماروتى عاليه عن الارض ولا لا ؟
جنط الماروتي 12بوصه يعني هيا تقريبا عاليه عن الازض بحوالي 30 > 35 سم
وهل لو محمله 4 افراد هيكون فيه مشكله فى المطبات او المطالع ؟
لو اي عربيه واطيه نوعاً ما بتكون وحشه في المطبات بس لازم تعدي المطب بالراحه مش هتلاقي اي مشاكل بالنسبه لمطالع الكباري العربيه بسم الله ما شائ الله عليها الغيار الثالث ممتازة
ولو معايا من 16 الى 18 الف يجيب اى موديل فى الماروتى ولا افضل اجيب 128 ؟
16 لـ 18 ممكن تجيب موديل 2000 لكن في الـ 28 معرفش المقارنه لاني مركبتش 28 لكن معايا صحبي راكب 28 ماتور 1100 وروحت اركب تكييف لعربيتي بعد ما ركبت التكييف عجب صحبي قوي فراح يركب لعربيته واحد المهندس قاله علي الماتور الـ 1100 لا لو غيرت الماتور 1300 ماشي لانه لو ركب علي ال 1100 هتعمل مشاكل كتير فلو فكرت في 128 خليك في واحده يكون ماتورها 1300 سي سي والكلام ده لوجه الله دون تحيز ولا زياده ولا نقصان وعن تجارب شخيه لي وليست بالسمع
وجزاكم الله خيرا
جزانا الله واياكم خيرا

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

انا العربية الماروتى معايا زى الفل و اتغلبت على مشكلة عندى فى المريوطية فى الهرم ان السكان بيعملوا مطبات صناعية من الخرسانة المسلحة و دى مش مطبات دى سدود مسلحة و العربية لما بيكون الجماعة راكبين فيها ورا و مليانه كانت بتحك من تحت عند علبة الشكمان الوسطى قمت روحت للميكانيكى و غير لى كاوتش التعلية بتاع المساعدين و جيبنا كاوتش ب 15 جنية تقريبا و ركبته و بطلت تحك فى اى مطبات نهائى و بقيت اشوف العربيات الاكبر منها بتاخذ المطبات دى بجنب و انا بخش عليها و اعدى ميهمنيش منها


سافرت بيها اسكندرية و طنطا و كفر الشيخ و ممتازة فى السرعة بتاعتها و كويسه على الطريق بس متفتحش الزجاج كلة و انته مسافر و تجريش فوق 100 كيلو متر فى الالرادار
انا جيبت بيها 120 فى طريق اسكندرية الصحراوى
و 110 فى مطالع كبارى طريق كفرالشيخ
المطبات اكبر عدو للعربية لانك بتحس بضربة المطب بتجيلك جامدة و بتشعر باحساس الملاهى دريم بارك

لذا لازم تاخد المطبات براحة و متجريش ابدا لما تشوف المطب تحترمه

قطع غيارها منتشرة فى بعض المحلات
المستورد الكبير اسمه سوزوكى سنتر فى التوفيقية و عندك محلات فى احمد حلمى و محل فى فيصل عند المطبعة
دة غير فى الساحل فى شبرا
العربية بتجيب سرعة 100 كيلو و دة مش وحش لانك لازم تخلى بالك من الرادار فى اماكن سرعتك بتكون 90 و لو اتمسكت فوق ال90 ياويلك يا سواد ليلك و عشان كدة لازم تخلى بالك و تبص فى الجهه الاخرى على اى عربيات بتقلب لك نور ياعنى فيه رادار و تهدى سرعتك

انا ركبت لها شبكة فوق متر فى ثمانون سنتيمتر ب 100 جنية تقريبا فى محل اسمه حمادة امام قصر عابدين و لو 80*80 بثمانون جنية و خليته رشها دوكو بلون العربية

العربية بتاخذ بنزين 80 و دة يعتبر ميزة تنافسية لا يمكن ان تجد من يستطيع ان ينافسها فيها

و لو قلت ان الانجكشن ممكن ياخد بنزين 80 او استهلاكه قليل فى البنزين و بيوفر
خلى بالك توفيرة فى البنزين بيعوضه كله فى تغيير حساسات باظت و تغيير كرت انجكشن و مصاريف كشف و صيانه

العربية هندى و قريبا هتشوف العربيات الصينى منها و شكلها نفس الشكل و الفرق فى الفانوس الاشارة هتلاقى فيه النور الواطى الابيض

و لما تنزل الصينى الاقبال هيزيد على الهندى الاصلى

لو حد عاوز اسعار قطع الغيار اقولهاله و يبقى يقارنها باى عربية تانية

اعربية من جوه تقعد فيها مرتاح مش مزنوق

ايمن حنفى

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

السلام عليكم
بصراحة أنا معنديش الماروتي بس هكتب اللي سمعته و اعرفه عنها و رأيي يمكن ينفعك في انك تاخد قرارك
1- العربية تمتاز بأنها اقتصادية التشغيل ( ما بتستهلكش بنزين كتير - قطع غيار متوفرة و مش غالية بالأضافة انك بتلاقيها بره و اصليه و مش شرط تشتريها من التوكيل )
2- مناسبة جدا لاي اسرة صغيرة و هتوفر عليك عناء المواصلات
3- صغرها ميزة في الباركينج لأنه اصبح مشكلة كبيرة دلوقتي
4- على فكرة بجد عربية بتعيش طالما ايدك فيها و خاصة ان في احد الاعضاء كاتب ان اللي معاه موديل 1994 يعني بقالها 16 سنة ( ماشاء الله لا قوة الا بالله )
5- توكل على الله طالما عربية هتكفيك انت و الاسرة احسن 100 مرة من بهدلة المواصلات

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

ايه يا جماعة محدش عاوز يرد عليا ليه؟؟
بجد محتاج ردكم ع السؤال ده وشكرا

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

لو على التعليم هات موديل جامد شوية تتعلم فيها و ممكن تكسرها و متزعلش عليها و تكون حاجة رخيصة
اما الماروتى متستحملش حادثة اثناء التعليم و تخبيط يمين و شمال لحد ما تتعلم
و انصحك اوفر من دة كله و تعب نفسك و تعبنا معاك روح احسن مركز تعليم سيارات و بعد ما تتعلم على العربيات بتاعتهم كويس جدا روح و حاول تطلع الرخصة و بعد الرخصة روح اشترى الماروتى او اى عربية تعجبك

لان فيه واحد صاحبى اسمه سيد اشترى عربية و اتعلم و بقى يسوق كويس و بعد محاولات استمرت سنه معرفش يطلع رخصة و باع العربية فى الاخر