المشاركة الأصلية كتبت بواسطة Ahmed_lol2007 (المشاركة 172527)

أنا جيت أهه دة أنا متعقد من سواقة الستات
أنا عن نفسى مش هخلى أختى ولا أمى ولا صاحبتى ولا خطبيتى ولا حتى مراتى تسوق سواء لوحدها أو وأنا معاها (دة طبعا لما ربنا يكرم وأخطب وبعديها أتجوز وطبعا ساعتها هكون كبرت لل Girl Friends) لانى طول عمرى مش بطمن لاى حد فى السواقة
عموما أنا لما بشوف بنت سايقة وأحس أن هيا لايصة بحاول أمشى وراها عشان محدش يعمل معاها أى حركة تدايق وعشان أنا بطبعى ببقى مركز فى السواقة أوى يعنى ممكن الحق نفسى (مش عشان حاجة تاينة ومتخلوش دماغكم تروح لبعيد)
لكن لما ساعات بشوف واحدة بنت سايقة وعالمة برنسيسة مش هاممها أى حد وعمالة ترخم على خلق الله (ودول طبعا مالين شارع فيصل والهرم وأحيانا الصحراوى ) ببعد عنها عشان الواحد مش بيبقى مطمن بردة ليهم لكن لو عملت حاجة معايا يبقى خلاص هلعب معاها وزى ما ترسى لغاية أما تبعد عنى وتقول حقى برقبتى
وبردة نصيحة هقولوها لكل البنات والستات
1-أما تسوقو ما تتكلموش فى الموبايل عشان دة بيلخم أوى
2- متتلبخوش فى الطريق وخلى قلبك جامد وطالما عقلك قالك إعملى حاجة إعمليها ومتشتتيش تفكيرك
3-لو لقيتو حد دايقكو أقفلى الزجاج وكبرى دماغك وهو هيمشى الا لو الواد أمور فلازم إنتى هتبصى له (والله دة

بيحصل)
4-لو لقيتى ست ماشية قدامك إبعدى عنها لان انتو الاتنين قلبكو ضعيف وبتتلخمو بسرعة فساعتها المشكلة هتبقى أكبر
5-دراع الاشارات دة ليه إستخدام مش عملينو منظر عشان يبقى فى دراع فى كل ناحية يعنى إستخدمى الاشارات وانتى ماشية
وكفاية نصايح لحد كدة دلوقتى

ولو إنى أفضل إن الستات تتعلم الاول قبل ما تمشى فى الشارع مش تتعلم فى الشوارع الرئيسية لان دة اللى بيحصل دلوقتى إن تلاقى البنت جابت الرخصة قبل ما تتعلم السواقة وبعد كدة تبدأ تتعلم فى شوارع حيوية ......طب ما هى تتعلم قبل ما تطلع تسوق برة فى الشوارع دى

المشاركة الأصلية كتبت بواسطة miam0502788391 (المشاركة 172535)

أولا مش كل بنت تنفع تسوق فيه بنات قلبهم رهيف اوى يتخاف عليهم فعلا من السواقه لكن لو في نصائح ممكن نوجهها للى هتسوق :
1- اولا شدى حزام الأمان اول حاجة تعمليها قبل ما تطلعى بالعربية
2- قبل ما تتحركى بالعربية شوفى مين اللى جاي من ورا
3- التزمى بجانب واحد من الطريق ولو هتروحى شمال او يمين ادى اشارة من قبلها بمسافه يعنى متديش اشارة وتروحى حاودة على طول وبرده تشوفى اللى جاى من ورا
4- متخافيش من اللى عاوز يعديكى من ورا وعمال يديكى كلاكسات طالما انتى ملتزمة بالحارة بتعاعتك سيبك منه يعنى يا تهدى يا تعدى
5- متمشيش ورا اللى ماشى قدامك يعنى لو دخل شمال وهو بيعدى عربية مثلا تروحى ماشية وراه من غير ما تعرفى الطريق شكله ايه قدامك لأنه هو شايف عنك الأول اكشفى الطريق و بعدين امشى
يعنى ده اللى انا فاكره دلوقتى واول حاجه واهم حاجه دعاء السفر *

المشاركة الأصلية كتبت بواسطة meemee (المشاركة 172531)

شكرا علي النصايح الحلوة ptmnlo123per154

بس انا كنت حاسة ان شوية كده وتقول تركب سرينة تقول
إي أه إي أه هناك إمراءة سايقة
إنتظر من فضلك هناك إمراءة سايقة
إي أه إي أه

المشاركة الأصلية كتبت بواسطة corsair (المشاركة 172553)