رد: تقرير شامل عن الآفيو
 

اولاً بالنسبة لملاك العربيه كنت اتمنى ان الردود تكون اهدى من كده ويبقى الرد بالتجارب الشخصية بتاعتكم اللى تأكد كلامكم مشفوعة ببعض التفاصيل
يعنى اخش اقول انا معايا العربيه ديه موديل كذا تقفيل كذا عاملة دلوقتى كذا المشاكل اللى فيها كذا وكذا بس مفيش المشاكل التانية ديه
كده يبقى كلام تمام
لكن اخش اقول لاء ابداًُ انا معايا العربيه وزى الفل وعشره على عشره وجامدة اخر تلات حاجات واى حد يقول كده يبقى تيتتيتتيتيت
كده مش تمام ومش كلام وزى ما بقول لعموم الاعضاء مياخدوش بكلام واحد بيشوه فى عربيه بدون دليل او تفاصيل مقنعة برضو ردودكم هتبقى بدون دليل او تفاصيل مقنعة كافيه

وبالتالى النتيجة -1 -1 الاتنين سواء اللى بيقول الافيو كويسه جداً او اللى بيقول انها سيئه جداً الاتنين مكسبوش حاجة لتعزيز رائيهم

طب ازاى تبقى النتيجة 1- 0
يجى اللى بيقول الافيو كويسه يعمل تقرير مصور ويا سلام لو فيديو كمان يعرض فيه عربيه مستعملة من فترة معقولة مفيهاش الكلام ده
يجى اللى بيدافع عن الافيو يحضر مقابلة من مقابلات المنتدى ومعاه العربيه ونطلع معاه نعمل تست ونصوره بحالة العربيه واراء اكثر من عضو مشهود ليهم بالحيادية والخبرة

او على العكس
يجى صاحبنا اللى بيقول العربيه فيها فار عندة القلب يعمل تقرير مصور عن العربيه ويوضح العيوب
يحضر مقابلة ويورينا العربيه ونعمل احنا التقرير
يورينا صور جوبات الصيانة والاصلاح فى التوكيل
يورينا صور شكاوى او محاضر فى الشرطة او حماية المستهلك ضد التوكيل او مركز الخدمة
بالبلدى يدينا امارة ... لكن طول ما الكلام مرسل بالشكل ده لا عمرنا هنوصل لقناعة مؤكده ولا نقدر نرجح رأى

ده عموماً بخصوص موقف الطرفين

نيجى بقى للعربيه وبالمختصر المفيد
- العربيه لازم يبقى فيها عيوب تجميع وتقفيل زى اى عربيه فى شريحة السعر ديه وعيوبها اغلبها فى العفشه وال TPs اللى بسيبب اضطراب الايديال ديه ابرز العيوب لكن فيه ناس اشتكت من حاجات متفرقة حتى الدهان ناس طلعلها عيوب فيه

- عيوب العربيه مش كارثيه ومتخليهاش نصبه وخيانة والكلام المبالغ فيه ده كله بالعكس هو نفس مستوى جودة البدائل التانية المجمعة محلياً

يعنى عربيه عادية جداً لا هى كارثة ولا هى تحفه ومشاكل التوكيل هى مشاكل كل التوكيلات مفيش جديد

نيجى بقى لنقطة تانية
الاستاذ اللى داخل يقول انه اتوقف قبل كده علشان بيشتم فى منصور وان الادارة عملت معاه حركات نقص على حد تعبيرة الغير مهذب وداخل يحط رابط الموضوع بتاعة القديم
اولاً لو كنا احنا بندافع عن منصور كنا حذفنا الموضوع كله من البداية او الردود المتتابعة اللى كانت كلها اسائه فى العربيه او الموضوع اللى انا بتكلم فيه دلوقتى
ثانياً حضرتك لما اشتكيت بخصوص عربيتك اتحركنا وطلبنا منك بيانات العربيه وبعتها اتحركنا احنا كمان بجدية وصلنا صوتك للإدارة فى منصور ورد عليك مسئولين من هناك وتبين عدم صحة ادعائك وانك كنت عامل حادثة بالعربيه قبل كده وانها كانت السبب فى اغلب المشاكل ديه وحضرتك مكنتش حكيت الموضوع ده ومرديتش على المسئول فى منصور لما جبناه يكلمك واختفيت بعدها

ده الرابط
http://www.masrmotors.com/vb/showpos...&postcount=126

كمان انا عمرى ما عملت موضوع يمدح فى اى عربيه خاصة بشيفرولية عموماً بل بالعكس فى مواضيع كتير ومقارنات فضلت بدائل عليها فبلاش الاساليب الرخيصة ديه لانها بجد عيب احنا بنتعب ونجتهد علشان نوصل كلمة حق وندافع عن حقوق مستهلكى السيارات عموماً عيب تبقى ديه اخرتها

وارجو من الجميع التعامل بجدية ومسئولية كافيه سواء عندك مشكلة فى العربيه ابعتلنا كل التفاصيل وتأكد اننا هنبذل كل ما يمكن لاسترداد حقك طالماً انت واقف معانا وبتطالب ببيه
وللناس اللى عربيتها بتتعرض لحملات تشويه برضو ياخدو الموضوع بجدية ويحطو تقارير مفصلة عن العربيه ويحضورو مقابلات ويتفاعلو بموضوعيه ومن غير مبالغة
لكن اللى يقولك ثابته ل 160 والتوب بتاع العربيات دلوقتى والكلام ده ميليقش بينا خالص اصلاً

رد: تقرير شامل عن الآفيو
 

كلامك حكم يا ابو نورة انا من كتر الكلام عليها مابقتش فاهم ان كانت حلوة ولا وحشة وبقيت كارهها رغم انها مع واحد صاحبى وهو بيشكر فيها بس كلام الاخوة هنا كرهنى فيها

رد: تقرير شامل عن الآفيو
 

الحمد لله .. ان حجزت الافيو .. وبأشكر ابو نورا على تقريره وحياديته .. بس كنت عايز ألفت النظر الى ان اللى اشتروا أفيو وهى منتشرة حسب ملاحظتى انشار هايل .. ومش كللهم بيدخلوا مواقع السيارات علشان يقولوا رأيهم .. يعنى ببساطة أراء السادة الاعضاء الافاضل مش بيمثلوا غير نسبة ضئيلة جدا جدا من ملاك الافيو .. وده مش تقليل أبدا من اهمية اراءهم اوملاحظاتهم او تقاريرهم .. ولهم كل الشكر والتقدير .

رد: تقرير شامل عن الآفيو
 

اللى كتب الموضوع ده ... سورى يعنى ... مبيفهمش اى حاجة وشكله كده مركبش الافيو اصلا وبيتفرج عليها وهى ماشية فى الشارع وبس

رد: تقرير شامل عن الآفيو
 

انا راكب افيو بقالى سنه ونصف زيرو مفيش منها اى حاجه من الى انت قلت عليها وركبت قبلها لانسر ونيو اكسنت ودايو وفرنا الاكسنت حلوه علشان المكنه 1600 وبصراحه هى اجمل ركوبه فى سعر السبعين الف وبسافر شغلى يوميا بالسياره 150كيلو رايح و150 كيلو جاى غير الفسحه بليل مع الصحاب كان نفسى فى حاجه واحده مش موجوده فى الافيو انها تكون 1600 سى سى

رد: تقرير شامل عن الآفيو
 

رد: تقرير شامل عن الآفيو
 

ياااااااااااااااه أخيرا" أصحاب الأفيو بيدافعوا عنها ..... الحمد لله
أنا معايا أفيو 2011 و الحمد لله لسة مشفتش فيها حاجة أكيد عشان لسة جديدة :) و أكيد قبل ما أشتريها سألت ناس معاهم منهم 2 بيفهموا في العربيات جامد و قالو لي ممتازة ... وكمان واحد بيبهدلها مشاوير و شد و يقرص عليها حتى ملينش أول ما جبها و هي معاه من سنتين ماشتكاش من حاجة غير حاجات صغيرة و تافهة

و بردو مبقولش إنها أحسن عربية و مفهاش عيوب لأ فيها زي موضوع ال RPM بس مش كلها

الخلاصة إنت هتحافظ عليها هتعيش معاك ... لكن لما تبهدلها ما تشتمش فيها لأنك انت اللي غلطان و بتعيب على العربية
وده حال أي حاجة لو أهملت فيها

الحمد لله الذي هدانا اهذا وما كنا له مهتدين لولا أن هذانا الله