رد: صيانة الـ 10 الاف للانسر 2010
 

انا معاك ان الموضوع محير جدا و بجد ربنا معاك فى موضوع الضمان ده , عشان فعلا لو عملت اى حاجة برة التوكيل حيتلككوا و يقولولك ان العربية برة الضمان

على فكرة ... لمض التابلوه عندى اتحرقت و انا فى الضمان و مرضوش يغيروهالى , قالولى ده برة الضمان و لما اتخانقت معاهم قالولى احنا معندناش فى المخزن ابقى عدى علينا كمان اسبوع تكون جات و من غمرة للكيت كات يا قلبى لا تحزن

, ساعة الاير باج ( الواير الرفيع الى تحت غطاء الكلكس ) (مخلى لمبة الـ SRS منورة) اتقطع و قالولى ده برة الضمان و تلاقيك ظربت جامد و انت بتضرب كلاكس !!!!!!!!!!!!! و رحت لما الضمان خلص سألتهم عنه قالولى اصل الواير ده رفيع و عمره الافتراضى صغير !!!!!! سعرة جديد 1000 جنيه بالمصنعية و حسبى الله و نعم الوكيل فيهم , يعنى كانوا عارفين انه عمره الافتراضى صغير و كانوا بيماطلونى لغاية لما اخرج من الضمان

اكشف على تيل الفرامل برضه , انا شفت واحد مشى على التيل 30,000 كم فبوظله الطنابير و احتاج انه يخرطها

انا متشكر جدا على معلومة الفلتر دى , انا اول مرة اعرفها , ان شاء الله مش ححط فى العربية اى قطعة غيار مش اصلية

و ربنا يكرمك و يباركلك فى عربيتك

رد: صيانة الـ 10 الاف للانسر 2010
 

استنى على ياعم احمد
- ياريت تقلى اية حكاية الواير بالضبط و هل هو اتقطع لانك فكيت الطارة مثلا ً ام من استخدام الكلاكس كما ذكروا لك ؟
- وهل سعرة فعلا ً الف جنية ولا دة خطأ فالكتابة ؟
- هو مكتوب فعلا ً فالضمان ان اللمبات جميعها ليست داخل الضمان ولكن لمبات التابلوة دى المفروض انها بسيطة ورخيصة وكمان فى مكان يفضل عدم الاقتراب علية خارج التوكيل وكان المفروض يغيروها من باب إرضاء العميل
-اما التيل فمعنى كلامك انة يحتاج الى تغيير كل 20 الف ودة كتير جدا ً بصراحة لانة غالى بطريقة مستفزة
وشكرا ً لتواصلك معى

رد: صيانة الـ 10 الاف للانسر 2010
 

يقال والله اعلم , ان الواير ده موجود تحت غطاء الطارة على طول , يعنى بيبقى تحت ايدك و انت بتدوس على الكلاكس
و انا ولا فكيت الكلاكس و لا ضربت عليه جامد ولا حاجة , و المهندس الى قالى الكلام ده قالى ان ده بيحصل كتير فى البومة !!!! و قالى فعلا انه ممكن يتغير بـ 1000 جنيه ( الف جنيه )

لميات التابلوه انا ملعبتش فيها ولا خبطها جامد وى جيت جنبها . و انا كنت شايف انها جوة الضمان , بش اكتشقت ان اى حد ممكن يغيرها ,

و يعنى ايه ارضاء العميل ؟؟!!!! :HAPPY_~211: مسيرك حتكتشف الموضوع ده لوحدك :waving:

مكتوب فى كتاب الصيانة ان التيل بتتغير كل 20 الف كم , و تمنه تقريبا 385 جنيه + 10% ضريبة مبيعات , وانا لسة عند كلامى , التيل غالية و حقول لحضرتك اسعار تيل ماركات تانية من التوكيل برضه زى :-

الهوندا سيفك نفس السعر تقريبا 380 جنيه
النيسان صنى325 تقريبا و بتتغير كل 30 الف كم

ولا عزاء للرواس

و انا بشكرك على اهتمامك ptmnlo123per171