رد: تجديد بيجو 505
 

أنا أعرف سمكرى شاطر كان سمكرلى العربية بتاعتى من حوالى 4 سنين

هو فى سندوب - المنصورة

اسمه هانى , فاتح ورشة هناك هو و أخوه هشام , الاتنين سمكريه

لو حبيت تروحله , هو فى سندوب فى الشارع اللى أمام المدرسة الاعدادية اللى على الشمال و أنت داخل سندوب بعد المقابر عالطول

روحله و قوله , أنا من طرف الدكتور أمين صبرى , أمين صبرى ده كان واحد صاحبى معاه عربية بيجو 505 -1982 و كان هو اللى معرفنى عليه

و آدى رقم تليفونه 0124231191

ان شاء الله , الراجل ده هيجيبلك من الآخر و بعدين أنت مادورتش ليه فى بورسعيد عند بنك الاسكان؟؟؟

MERCEDES S430

رد: تجديد بيجو 505
 

ربنا يخليك ياباشا دة بس من ذوقك
شوف يا سيدى مفيش حاجة اسمها حد بيعرف يشتغل فى فى البيجو ولالاء بس للاسف كل السمكرية انهاردة او معظمهم
مش بيردوا يشتغلوا الا فى الجديد علشان الصاج خفيف وردة سهل غير انة لو لقدر اى حاجة بيبقى معظمها فيها تغير يعنى بيبقى الموضوع مقتصر على الفك والتركيب ولما يشتغل فى عربية جديدة بيعرف يطلب الى هو عاوزة على عكس العربية القديمة بس لو الرفرف بتاعك فعلا انت شايف انة معتش ينفع يترد
فانت احسن حاجة انك تجيب رفرف تانى فعلا واى حاجة عاوز تجيبها للبيجو زى ما الاستاذ مرسيدس قالك اطلع على بورسعيد فى بنك الاسكان هتلاقى هناك كل ما يشتهى قلبك كل حاجة للبيجو موجودة هناك لانها بتيجى استيراد فى كونتينر من العربيات الى بيتجى متقطعة من برة عن طريق ميناء بورسعيد حتى فى المنصورة حاجة ال 505 صعب تجيبها مش زى ال 504 لانها منتشرة فى المنصورة
اصحاب المحلات عاوزين يجيبوا الحاجة الى بتشتغل وبتمشى على طول مش تتركن
وربنا يوفقك ان شاء الله

رد: تجديد بيجو 505
 

انا كان عندى سؤال و أرجو أن يتسع صدركم لى :

أنا اللى كنت قولتلكم قبل كده أن العربية البيجو ال 505 مو 1980 بتاعتنا , الزيت بينقص من الموتور بمقدار نص لتر لكل غيار/ كل 1000 كم يعنى .

المشكلة أن أنا لاحظت فى خلال السنة الأخيرة دى أن العربية بتسخن و على فكرة الموضوع ده جديد عليها تماما لأن أنا متعود أن العربية دى لو ماشى فى ميدان التحرير فى شهر أغسطس الساعة 2 الظهر و المرور واقف, مستحيل تسخن, يعنى المؤشر بيكون على الأزرق , آه و الله العظيم, ماهى عربيتنا من حوالى 30 سنة بقه و أنا عارفها, لحد ما لقيتها فى الفترة الأخيرة اللى هى الصيف ده و اللى فات بدأت تسخن, نظفت الرادياتير و اتأكدت أن الميه مابتنقص و أن الرادياتير مش مخروم و أن طلمبة الميه شغالة و بتقلب كويس و كله تمام وكمان غيرت المروحة و جبت واحدة أكبر و بعد كل ده بتسخن برضه.

لدرجة أن أنا كنت هسمع كلام بتاع الرادياتيرات و أغير الرايدياتير بواحد أطول شويه .

بس و أنا واقف مرة مع واحد بتاع دوكو اللى أنا بتعامل معاه و قولتله أن العربية بتاكل زيت و ان العربية بتسخن, يعنى المؤشر بتاع الحرارة ممكن يوصل لنص المسافة بين الأزرق و الأحمر رغم أن العادى أنه طول عمره بيكون على الأزرق و عمره ما يعلى عن كده الا ادا كان فى عيب فى دورة التبريد, قام بتاع الدوكو قاللى حاجة أنا مش عارف ادا كانت صح ولا لأ, هى أن أدام المكنة خفيفة و بتاكل زيت, فالعادى أنها تسخن و تمسك حرارة, فأنا عاوز أعرف, ده صحيح؟؟؟ , عشان لو كان صحيح , أروح للميكانيكى عشان يحل المكنة و يشوف هى بتاكل زيت ليه, على أساس أن يمكن لما أعالج موضوع الزيت اللى بينقص ده, تقوم مشكلة الحرارة تتحل و خصوصا أن أنا عندى احساس داخلى أن موضوع المكنة ده لو اتصلح, السخونية دى هتروح, يمكن يكون الكلام ده مجرد احساس و ممكن يكون بجد, بس ده اللى أنا حاسس بيه لأنها عربيتنا و أنا عارفها كويس و العربية هى نفس العربية و الرادياتير هو نفسه, بس موضوع السخونيه دى اللى جديد.

أنا بصراحة المشكلة عندى مش فى الزيت اللى بينقص لأن مش مشكله عندى أن أنا أزودها نص و لا حتى كيلو زيت كل غيار 1000 كم , بس المشكلة اللى بتتعبنى بالدات لو مسافر مشوار طويل و بالدات فى الصيف يعنى, هى الحرارة.

فأرجو من الأخوة الأفاضل اللى فى المنتدى هنا أنهم يشاركونى الرأى و يدلونى على الخير ان شاء الله

شكرا و جزاكم الله كل خير

رد: تجديد بيجو 505
 

بص يا استاذ مرسيدس
ممكن تكون العربيه مش مظبوطه يعني السحب كويس ولا لآ
وممكن حاجه تانيه
في طبه مياه خلف طلمبه المياه ممكن تكون مكسوره ودي ممكن تقلل من ضغط الطلمبه
اتاكد من السحب والطلمبه واكيد المشكله هتتحل

رد: تجديد بيجو 505
 

لو العربية بتال زيت كدة وديها للميكانيكى بتاعك
وبعدين فى حاجة كل صيف الحرارة بتختلف عن الى قبلة
الراديتير بتاع ال 505 الاصلى بيبقى صف واحد انا كنت غيرت بتاعى بواحد 3 صفوف
بس لو المكنة مش مضبوطة مش هيفرق فى موضوع الحرارة والافضل انك تروح للميكانيكى طالما انك متأكد ان دورة التبريد عندك سليمة

رد: تجديد بيجو 505
 

بالنسبة لسحب العربية, أنا شايف أنه كويس, يعنى أنا بنقل من التانى للتالت على 60 و من التالت للرابع على 90 و العربية كسرعة قصوى ممكن تجيب معايا 140, خلى بالكوا العربية دى معانا من 1980 و اتعملها عمرة كاملة فى 1994 , غير كده مفيش حاجة اتعملت تانى الا يمكن غيرت جوان وش السلندر فى 2005 لما العربية جابت جوان وش سلندر لما سخنت لأن الرادياتير كان مخروم و أنا ما أخدتش بالى ptmnlo123per144

أنا مفيش مشكلة أنى أغير الرادياتير لو ده هيحل مشكلة الحرارة بشكل نهائى, بس أنا خايف أغير الرادياتير و تفضل العربية تسخن برضه, ساعتها هبقى ماعملتش حاجة !!!!!!

شكرا لكل اللى كلفوا نفسهم و ردوا على و خصوصا الأستاد حماده طوبار

MERCEDES S430

رد: تجديد بيجو 505
 

آه , بالمناسبة , أنا كان عندى سؤال تانى:HAPPY_~211::

أنا سمعت عن حاجة اسمها زيت شنبر, فأنا عاوز أعرف ايه فايدة الزيت ده بالظبط و بيتحط ازاى فى المكنة, يعنى بيتحط عادى مع الزيت ساعة ما آجى أغير الزيت و لا بيتحط امتى , و هل بأضيفه لزيت الموتور, يعنى بأضيفه فوق ال 4 لتر اللى بيتحطوا أصلا ساعة ما آجى أغير الزيت و لا بيتحط و بعدين أكمل فوقه لحد ما أوصل للمقاس المطلوب و خلاص ؟؟؟؟

ياريت أى حد يعرف معلومات عن الحاجات دى مايبخلش على و جزاكم الله كل خير .

MERCEDES S430