|
رد: السيارات الصيني. . . .لمـــاذا
[
أنا سوف أتكلم هنا مقتبساً مشاركة سابقة لى و هى عن الصناعة الصينية أخاطب فيها الجميع و بالأخص للسادة المهندسين دعونى أوجه إهتمامكم بطريقة تتبعها الصناعة الصينية و هو إتجاه جديد و لكنه ليس حديث العهد بالهندسة و هو الهندسة القيمية value engineering و الهندسة القيمية value engineering بإختصار يأتى دوره بعد إتمام التصميم الهندسى و وضع تصور كامل للتكاليف و الغرض من الهندسة القيمية تحقيق الهدف من الشىء المراد إنشاؤه حيث أن معطياته هى: السعر السوقى التنافسى و التصميم و التكاليف التصورية و التكاليف السوقية( لكل شىء و لا يغفل حتى أصغر صامولة ) و نتائجه هى الوصول بالمنتج إلى أقل سعر مع الإحتفاظ بالجودة التى يطلبها العميل و الجودة تعنى مواصفات و سوق مثلا السوق هنا هو السوق المصرى و نعلم جيداً أنه يفتقر إلى المواصفات الجيدة و تكون دائماً على مزاج المستورد و هو ده اللى إكتشفه الصينيون و نجحوا فيه و لم يستغله الكثير من المستوردين المصريين فكم من مستورد دخل السوق المصرى و لم يستمر لذلك نجحت موديلات صينية بسبب نجاح الفكر الهندسى لمستورديها و فشلت موديلات أخرى بسبب التركيز على جانب جنى الأرباح بدون عمل الفكر الهندسى فنصيحتى دائماً فى السوق المصرية لا تهتم بأقوال الصحف إدرس المستورد جيداً قبل دراستك للسيارة فكم من السيارات غير الصينية المنشأ لها مكونات للسوق المصرية مختلفة تماماً عن أسواق الخليج و أوروبا |
رد: السيارات الصيني. . . .لمـــاذا
باشمهندس إيهاب
مع احترامي لكلامك لكن لي تحفظات كثيرة عليه أي تصميم لأي سيارة حتي الصيني واحد لكل المستهلكين و يختلف في الكماليات أو سعة الموتور أو بمعني أدق الملحقات و هو كل ما يتم إلحاقة بالشاسيه و الهيكل الخارجي و هو العنصر الأساسي في تحديد مقدار الأمان يعني لو ميتسوبيشي لانسر مثلا : و أنا المصنع (يا رب) حانزل لانسر للصين و لمصر و لأمريكا و للسعودية في الصين أضيف ABS و زجاج كهرباء في السعودية : كاسيت أشيك و تكييف تصميمه مختلف و تظام تبريد أقوي و كل أنظمة الأمان و الكماليات الشكلية في أمريكا: كل أنظمة الأمان في مصر : أهم حاقلل علي قد ما أقدر من كل حاجة لكن فيهم كلهم نفس الشاسية و الهيكل دي أسس صناعه و تصميم و لا يجوز الحياد عنها الصيني لا تضع تصميمات الأمان في محاولتها حاليا و ده طبيعي لأن مراعاة الأمان و اثباته للسيارات مكلف جدا سواء مال أو وقت مع النجاح الحالي للصيني و هو مخطط بذكاء و حقق الهدف منه ستبدأ إن آجلا أو عاجلا صناعة حقيقية للسيارات الصينية غير معتمدة علي التقليد و الذي حتي لاينطبق عليه اسم الهندسة العكسية حاليا و حينها سأكون أول المدافعين عن الصيني أما الآن فلا إحنا لسة في البداية و في بوادر نجاح و لو استمروا حيكسروا الدنيا ، بس ده في المستقبل |
رد: السيارات الصيني. . . .لمـــاذا
بشمهندس إسلام كلامك لا يعترض مع كلامى إلا فى شىء واحد هو إن حضرتك بعدت عن مفهوم الهندسة القيمية value engineering و هو ببساطة لو أخدنا مثال واقعى لمصنعين يطبقوا الهندسة القيمية من ماركات سيارات فى مصر هتلاقى مثلاً الإلانترا مواصفات مصرية و نقارنها بالإلانترا المواصفات الخليجية هتلاقى إن المساعدين اللى بتنزل فى الخليجى مختلفة عن اللى بتنزل مصر من حيث التكلفة كذلك قربة مياه الرادياتير فى الأوبترا الخليجى خامتها مختلفة عن المصرى بالرغم من تطابقهما شكلا و أبعادا و لكن المصرى من خامة أرخص برضه و الى يعرفها لازم يكون عنده خبرة فى البلاستيك و كلامى اللى فات بيوضح أن الغرض من الهندسة القيمية تحقيق الهدف من المنتج المراد إنتاجه حيث أن معطيات تطبيقها هى: السعر السوقى التنافسى و التصميم و التكاليف التصورية و التكاليف السوقية( لكل شىء و لا يغفل حتى أصغر صامولة ) و نتائجها هى الوصول بالمنتج إلى أقل سعر مع الإحتفاظ بالجودة التى يطلبها العميل نيجى بقى لفكرة التقليد الصينى للموديلات الشهيرة هنلاقى إن الموضوع إبتدا يقل فى الصين من أول 2005 بدليل موديلات كتير موجودة فى مصر و ممكن تذكر إنت أكتر من ماركة عشان أنا لو ذكرت هيقولوا متحيز و صلت ولا أقول كمان |
رد: السيارات الصيني. . . .لمـــاذا
اقتباس:
يعنى نفس السيارة حتنزل مصر بخمات و حتنزل الخليج بخمات تانية ,ازى يعنى انا اسف بس الشركة اللى تعمل كدة تبقى شركة فشلة حقيقى سؤاء كانت اوبترا او غيرها . ممكن يكون فى اختلاف فى التجهيزات و الاوبشين حسب مستوى كل موديل , انما اختلاف نفس المكونات من بلد لبلد ازى يعنى , يعنى نفس الموتور اللى نازل للسيارة المصرية مصنوع من خمات اقل من الموتور اللى نازل للسيارة الخليجية , معقولة فى شركات بتعمل كدة ....!!!!!! انما لو قصدك على سيارة مجمعة محليا مثلا مقارنة بخليجى , وارد انة يكون فى اختلافات طبعا لان السيارة المجمعة محليا ممكن تاخد بعض المكونات من المصانع المغزية المحلية , و دى مش مشكلة طلما الاجزاء المستبدلة محليا ليها نفس الموصفات اللى حطها الشركة الام . انما فى اجزاء لا يمكن الشركة الام تتهاون فيها مثل الموتور و هيكل السيارة و اجهزة التعليق مثلا و لو فى اختلاف فى احد هذة المكونات فدة ممكن يكون بسبب طبيعة الاستعمال و الطقس فى كل بلد مش نتيجة التكلفة . و عاوز اقولك كمان ان فى مصانع مصرية مغزية بتعمل اجزاء من مكونات السيارت و الاجزاء دى بتصدر لمصانع شركات كبيرة زى مرسيدس و بى ام فى اوروبا و غيرها . |
رد: السيارات الصيني. . . .لمـــاذا
اقتباس:
لأ طبعاً مش شركات فاشلة ولا حاجة إلا إذا حضرتك عايز كدة و تغيير الخامات و تبديلها تحقيقاً للتوفير مع الوصول لطلب العميل (سواء كان وكيل أو مستخدم نهائى) هو مبدأ الهندسة القيمية و يعتبر هذا التحقيق قمة الذكاء الصناعى و نجاح فى السوق فى نفس الوقت أقول مثال تانى يعضد كلام سيادتك و هو سياسة الlocalization يعنى إستخدام المكونات المصنعة محلياً مثلاً فى مصر موجود صناعات مغذية للسيارات زى مصانع تاكى و مصانع أبو اليزيد للجكمانات و شركة إسكندرية للمنتجات المعدنية و زجاج دكتور جريش أقوى دليل على كلامى حيث أن المصانع المذكورة على سبيل المثال لا الحصر أكيد عندها تفاوت فى طرق التصنيع و خلافه للمكونات التى تنتجها و بالرغم من كدة تسمح بإستخدام منتجاتها الشركة الأم للسيارة لأنها فى حدود تحقيق أقل سعر مع تلبية رغبة العميل |
رد: السيارات الصيني. . . .لمـــاذا
اقتباس:
و بكدة تكون نجحت فى الاختبارات مش مهم العربيه بعد الصدمة شكلها بقى ايه المهم اللى جواها حصلهم إبه |
رد: السيارات الصيني. . . .لمـــاذا
محترف كبـــــــــــــــــــــــ ـــــــــــــــــــــــــ ــــــــــــير و بارك الله فيك
|
| الساعة الآن 03:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017