رد: أسوأ شخص فى مصر لعام 2009
 

يا دكتور أنا مقلتش ابدا انو اللى بيشترى شقة ب2 مليون يبقى حرامى, أبدا مقلتش كده,
من حقه ذلك انا معاك, لكن من حق الدولة برضو تحصيل الضرائب منه.
و انا مبحبش ساويرس و ليا الكثير من الاعتراض عليه و على ما يفعله و عائلة ساويرس لن أغفر لها بيع شركة الأسمنت الى الأجانب, و على فكرة انا مش بحب يوسف بطرس غالى عشان ديانته,
انما انا بدافع عن قانون الضريبة العقارية لأسباب انا ذكرتها.
و فرض المزيد من الضرائب سياسة متبعة فى الدول الرأسمالية كلها و لا تقترب من الماركسية,
الدولة عليها انها تؤدى واجبها نحو محدودى الدخل, لناحية العلاج, و الخدمات, و المساعدات المالية و ده معمول بيه حتى فى أعتى الدول الرأسمالية.
معظم دول اوروبا العلاج فيها بالمجان تماما, و حتى الادوية تباع بأسعار رمزية. مش بس الدول الغنية, بل ان العديد من الدول الفقيرة العلاج فيها بالمجان و بمستوى جيد.
و لذا فانه يجب فرض المزيد من الضرائب خاصة على السلع المرفهة, لأنها حالة لا تتفق مع التقشف الذى يجب أن تتبعه سياسة الدولة الاقتصادية فى الوقت الحالى.
اللى عندو 10 مليون لازم يستثمرهم و لو مش عارف يبقى يروح يحطهم فى البنك,
انما يشترى بيهم شقة 300 متر على النيل أو شاليه فى مارينا؟!
فى هذه الحالة ال10 مليون دول اترموا فى شوية طوب و اسمنت و مفادوش الاقتصاد فى شىء.
و ده مبدأ معمول بيه فى جميع دول العالم سواء الرأسمالية مثل امريكا أو تلك التى تميل الى الاشتراكية مثل فرنسا. فلا يحق لصاحب المال أن يضعه فى مكان غير ذات جدوى اقتصادية.
و فى حالة رغبته فى ذلك عليه تحمل الضرائب.
و انا مش مع ان الدولة تدعم المساكن, و توزيع الأراضى, لا يوجد دولة فى العالم تدعم المساكن,
المفترض ان تخضع المساكن لقواعد العرض و الطلب فقط,
و العجيب اننا فى مصر بنخضع لقانون اخر لا اعلم كنهه, يقول ان اسعار المساكن فى ارتفاع مهما حدث, حتى لو قل الطلب كما يحدث الأن, فان اسعار المساكن لا تعرف هبوطا! و ديه حالة عجيبة ربما تسهم الضريبة العقارية فى اصلاحها. لأن احدى اسباب ذلك هو تسقيع الشقق بما يؤدى لقلة المعروض.

رد: أسوأ شخص فى مصر لعام 2009
 

برده يا أخ فادى أنا مش معترض على منطق ان الدوله تاخد ضرائب ! بس تستخدم فعلا فى الاتجاه الصحيح !

و يكون فيه عدل مع رحمه فى أخذ الضرائب ! و معترض جدآ ان تكون 70% من موازنة الدوله من الضرائب !

لآن للمره المليون بأقولها يبقى ما عملناش حاجه اننا ناخد من نفسنا ! و على حساب الفقير هو المتضرر الآكبر !

عايزين ناخد من بره مصر بالانتاج بالعمل بالبترول بأى حاجه ( ما عدا الشحاته طبعآ ) و فى نفس الوقت نيسر

على الناس ونقلل اجبايه المفروضه عليهم و مانطلعش كل يوم سبب جديد لجمع المال ! ده ملخص كلامى السابق

من أول المشاركه اللى كتبها د/ تامر ! ياريت لو ماكنتش قرأتها و عندك وقت تقرأها وانت ح تفهمنى أكثر !

خاصة الجزء اللى بأقول فيه " أنا لو فى كندا و الدوله بتاخد منى 50% من دخلى ضريبه ح أكون سعيد ) !

لآنى ح يوصلنى خدمات بالضبط أكثر من ال50% دى ( لا تقدر بمال ) !

الى هنا أدرك شهريار النهار و سكتت شهرزاد عن الكلام المباح و الغير مباح !ّ

Dr. Bolbolan ptmnlo123per1147

رد: أسوأ شخص فى مصر لعام 2009
 

اقتباس:

المشاركة الأصلية كتبت بواسطة شادي2007 (المشاركة 118579) امال يا بيه انت عاوز الدولة تشتريلك ارض و كمان تبنيهالك و تشطبهالك و تجوزك و تأكلك و تشربك و ترضعك و كله ببلاش

سيدى الفاضل

لن اكرر كلام سبق فما سبق كان فية الكفاية من الرد عليك ( الجزء الخاص بى من رد د عبد السلام )

ولكنى لى تحفظ على بعض ردودك فانا لست بية كما ذكرت وكمان انا اتفطمت من 40 سنة يعنى مش

محتاج حد يرضعنى

دة انا كل اللى طلبتة انة يسيبنا فى حالنا مش اكتر يعنى مش عايز منة حاجة لا يشتريلى ارض ولا يبنهالى

ولا يشطبهالى ولا يجوزنى ....................الخ

رد: أسوأ شخص فى مصر لعام 2009
 

الموضوع في غايه البساطه
الدكتور عبد السلام وضح الموضوع في كلمتين ان احنا بنقلب بعض كل سنه
الموضوع مفيد للدوله بالنسبه للحيتان اما بالنسبه لواحد جايب عربيه فيرنا بيدفع ضريبه 2 % حرام يدفع ضريبه عقاريه
ده مثال عادي جدا واحد وارث ارض 100 متر وعايش علي قد المرتب يبيع الارض او يبيعها مفيش حل ثالث
النقطه الجيده في النقاش ان الدوله لازم تعمل الكلام بتاع دكتور عبد السلام تجيب فلوس من بره
و تحاول انها تكون منصفه للشعب
يعني انا كل اسبوع بدفع كارته علي طريق مصر اسماعيله عند الكيلو 76 وده طريق فرعي وواصل بين الصحراوي والزراعي المفروض يكون طريق للسيارات وليس الجرارات وده طريق موت بسبب مطبات ( عملها الجيش )
وطريق في حفر عميقه فين الدوله !!!!!!!!!!!!
السبب مش الوزير السبب هو النظام

رد: أسوأ شخص فى مصر لعام 2009
 

1- انا بجد كنت رايح اكتب توبيك مماثل وبدون مزايده كانت فكرته ( مين اسوء 5 شخصيات فى 2009 ) واسيب للاعضاء فرصه كل واحد فيهم يقول عن اسوء 5 بالنسبه ليه وكنت بما انى عضو ناوى بردو اشارك برئى وكنت هحط 5 اشخاص وكان على رئسهم يوسف بطرس غالى
2 - بشكر الدكتور تامر على التوبيك بما حمله من توارد افكاره معى وبصدق مع كثير من المصريين
3 - احترم راى شادى وهو حر فى وجهة نظره عن الراجل واتمنى ان لاتكون وجهة نظره مبنيه على عصبيه او قبليه فكلنا فى هذه المصر اخوه فعلا وعندناش حكاية مسلم ومسيحى دى خالص
4 - غير راضى عن ردود شادى على المختلفين معه بطريقه ساخره
5 - مع الدكتور عبد السلام فى كل تعليقاته التى اتسمت بالحكمه والتى تؤكد جدارته فى كونه حكيم المنتدى
6 - بالنسبه ليوسف بطرس غالى من وجهة نظرى والتى قد تكون خاطئه فهو مثله مثل غيره من قطع الشطرنج المسماه بالوزراء . لا يملك الا ان يكون هو الذين يقرء القرارات التى تملى عليه من فووووووووووووق والتى تكون لاسباب مختلفه منها ( تيجى نلهى الشعب فى ضريبه جديده )
7 - ردا على فادى انا عايز اقول ان القوانين دى هتطبق على الغلابه مش على الناس الكبار اللى هيعرفو يتحايلو عليها بسهوله جدا والواحد فيهم ممكن يقسم العقار الى ب 4 مليون الى 10 عقارات ب 400 الف ويهرب من الضريبه
8 - عندى دليل بسيط على ان المنظومه خربانه .. الزكاه فى الاسلام تقريبا نص العشر يعنى 5 % ولما كانت بتتوزع بما يرضى الله ما كنش فيه فقير واحد لدرجه ان كان بيلف منادى يتحايل على الناس ويقول مفيش حد فقير .. مفيش حد عازب .. ومكنش بيلاقى .. الضرايب 20% والفقرا اللى مش لاقيين ياكلو ماليين الدنيا

رد: أسوأ شخص فى مصر لعام 2009
 

الله عليك يا حبيب والدييك مشكوووووووووووووووووووووو ووووووووووووووووووووووووو ووووووووووووووووووووووورر ررررررررررررررررررررررررر ررر

رد: أسوأ شخص فى مصر لعام 2009
 

الاخ الفاضل الاستاز/ شادى
ردك يؤكد انك من الشخصيات المحترمه جدا والتى لاتحب ان يخرج منها سوء على شخص ولا لغو حديث وتاكد اخى الغالى المحترم بعد رد حضرتك كان الشافى والكافى مع اعتزازى باعضاء كثيره وعلى درجه كبيره من العلم والثقافه ولاكن احياننا اجد من يققل من شأنه بسبب موضوع لامعنى له؟
اولا سياسيا مصر مرت بمراحل كلها صراع حتى الان فبعد الاستعمار والذل والاهانه كان عهد جمال ولابد منه تحريرا من الاستعمار ويليه عهد السادات وهو ايضا عهد لابد منه فلقد رفع رآسنا واعز كرامتنا والعهد الحالى عهد الريس مبارك هو عهد بناء تخيل وانظر لما تم فى مصر من بناء ومشاريع الا نحمد الله ولا نعيب فى خلق خلقه الخالق ؟
اخى اذا كان بمقدورك ان تكفى نفسك شر او سوء اراده الله لك فتاكد ان من حققك ان تفعل ما يخطر ببالك ولاكن تاكد انك عبد ضعيف لايملك لنفسه ظرا ولا نفعا الا بامر الله وتذكر الايه الكريمه المذكوره فى كل موقع؟