رد: انا و الجنوط و هواك :) (حازم خضر)
 

يعني مركب مومو و شحاته و انا اللي فاكرك راجل مبذر و غني :HAPPY_~211:
و قاعد تتمنظر علينا
يالا قوم اعمل شاي و شوف الرجاله تشرب ايه ptmnlo123per186لا يا ابو حميد انت مقامك عالي عندي و انا بهزر معاك

رد: انا و الجنوط و هواك :) (حازم خضر)
 

حبيبى يا زوما ptmnlo123per122

التعريض مع النقشة السبور (الشجرة) بتقلل من السحب فعلاً لان معامل الاحتكاك بيبقى اعلى بس فى المقابل مش هتلاقى (الفرك) دوران العجلة على نفسة مع الطلعات السريعة وخاصة على المية او الرمل زى الكاوتش الستوك
وكمان اللى هتفقدة فى السحب هتلاقيه فى الثبات والاهم فى الفرملة هتلاقى الفرملة سواء على سرعات كبيرة او صغيرة او على الارض الترابية والمبتلة افضل

بس ليه يا حازم مش مركب رينجات بين الجنط والطنابير الخلفية ؟

وصحيح ايه اخبار المسامير طولها كان مناسب ولا غيرته ؟

رد: انا و الجنوط و هواك :) (حازم خضر)
 

الف مبروك يا باشا
بصراحه العربيه شكلها حلو جدا
اللهم بارك يا رب

رد: انا و الجنوط و هواك :) (حازم خضر)
 

بالضبط يا ابو نورا و دا اللي حسيته ان العربيه ماعدتش بتطلع امريكاني زي الاول
كنت الاول و انا ماشي علي التاني و كبست الدواسه علي شويه تراب الاقي العربيه بتفرك دلوقتي ماعدتش بتعمل الحركه دي
و جربت موضوع الفرامل فعلا لقيت العربيه مش بتزحف في الرمل زي ما كانت بتعمل هو انا حسيت بالفرق دا
بالنسبه للرينجات فأنا مش عارف هيا فايدتها ايه او شكلها ايه بالضبلط و لما كنت بجيب الجنوط كان معايا الياريس و الراجل قالي لو كان معاك العربيه كنت اديتك رينجات علي مقاسهم و قالي مالهاش لازمه عموما و لو حبيت تاخدها ابقي فوت عليا اي وقت بالعربيه خدهم.
بالنسبه للمسامير مركب ليها مسامير نيكل جايبها من بتاع الجنوط و علي المقاس بالضبط
بس انهارده نازل من البيت الصبح لقيت مسمار مش موجود!!!! مش عارف ليه بصراحه
حروح اشتري واحد كمان شويه و اربطه بنفسي يمكن يكون المسمار مفوت ولا حاجه ربنا يستر
شكرا ليك يا استاذ محمد:)

رد: انا و الجنوط و هواك :) (حازم خضر)
 

الرينجات بتركب علشان تاخد الفراخ اللى بين الجنط و الصره بتاعته العربيه لان الفراغ ده مع السرعه بيعمل غربيه و لو حتى انت مرصص عند احسن واحد فى البلد

رد: انا و الجنوط و هواك :) (حازم خضر)
 

شكرا يا ابو حميد علي المعلومه
اللي اشتريت منه الكاوتش قالي الجنوط دي حتبقي كويسه عندك من غير رينجات و لو احتجت رينجات تعالي خدها .
انا وصلت بالعربيه لحد 120 و مكنش فيه اي غربله الحمد لله
و لعلمك انا رصصت الجنوط قبل ما اركب كمان
عموما ححاول اجري بيها شويه ما اشوف لو غربلت اركب رينجات لو ما غربلتش خلاص.
و بالنسبه للمسمار اللي مالقيتوش النهارده دا روحت اشتريت واحد و ركبته و لقيت المسامير كلها مش متحرق عليها
هل يا تري المسامير ممكن تفك بعد فتره ولا اللي ركب الكاوتش نسي يربط عليها كويس؟؟!!!

رد: انا و الجنوط و هواك :) (حازم خضر)
 

ممكن يكون الصنايعى ماربطش عليه كويس جرب كده اليوميين دول و شوف و ياترى كل المسامير عملت معاك كد ولا واحد بس