مصر موتورز مجتمع السيارات - نظريه اينيشتين في السفر عبر الزمن

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - نظريه اينيشتين في السفر عبر الزمن (https://www.masrmotors.com/vb/showthread.php?t=15375)

رد: نظريه اينيشتين في السفر عبر الزمن

اقتباس:

المشاركة الأصلية كتبت بواسطة AboNoRa (المشاركة 96036)

يااااه امخاخ المنتدى كلهم قاعدين هنا فى حصة فيزيا وكمان موضوعها النظرية النسبية :waving:

اولا احييك يا مادا على الموضوعات الجرئية اللى بتفتحها واللى بتدل على شاب بيحب الاطلاع وبيسعى لتنمية عقلة وفكره وان كنت بعيب عليك اهتمامك بالامور الخارقة فقط لان حتى الخوارق لا تفهم الا بادراك الثوابت والقوانين المسيرة للاشياء
يعنى المطلوب انك تقراء فى الحاجات ديه بالاضافة لفيزيا والكمياء والتاريخ والبيولوجى والجغرافية وووو لان كل العلوم بتكمل بعض وثقافتك هتكون متوازنة فعلا لما تعرف شىء عن كل شىء وكل شىء عن شىء

نيجى لموضوع النسبية واعتراضات الناس عليها باعتبارها خرق للدين او المنطق او المسلمات
طبعاً الاخوة مثقفى المنتدى ماشاء الله عليهم ردو بشكل كافى بس انا حابب اقول تصور قد يقرب الفكرة للاذهان بل والقناعات بل والمعتقدات الراسخة فى عقول المؤمنين بالكتاب

من المعلوم ان الانسان خلق من مادة الطين
والجن خلق من نار (الطاقة الحرارية)
والملائكة خلقت من نور (الضوء)

نحن نؤمن بان الجن له من الصفات ما يجعلة ينتقل بشكل يفوق سرعة البشر بين مسافات بعيدة وما يؤكد ذلك ما كان من قصة سيدنا سليمان وعفريت الجان وما جاء فى كون الجان قد اعتداد الصعود للسماء ليسترق السمع ويقذفون بالشهب (سرعتها مع الاحتكاك بالغلاف الجوى تتجاوز 70 كم فى الثانية الواحدة)

يعنى لو افترضنا على اقل تقدير ان ديه اعلى سرعة للشهاب اذن الجن اعلى سرعة ليه فى حدود ال 70 كم فى الثانية
يعنى يقدر ينتقل من اول مصر لاخرها فى 15 ثانية ويقدر يروح من ملك سليمان لليمين رايح جاى فى دقيقة تقريباً

ومن هنا كان التحدى ممن عندة علم من كتاب الله فى نقل عرش ملكة سباء فى اجزاء من الثانية هى مقدار ما يستغرقة ارتداد الطرف (الجفن) وهو ما يعد خارقاً للمعتاد كملك يحجم الجن والانس

اذن الزمن نسبى ويختلف من طبيعة الى اخرى كما يشهد بذلك القرأن

لنأخذ مثال اخر بالملائكة

قوله سبحانه: { تعرج الملائكة والروح إليه في يوم كان مقداره خمسين ألف سنة } (المعارج:4)
وفى الآية الأولى من سورة السجدة يقول الله تعالى (يدبر الأمر من السماء إلى الأرض ثم يعرج إليه في يوم كان مقداره ألف سنة مما تعدون)

اذن الزمن ايضاً نسبى بالنسبة للملائكة والروح وما يساوى عندنا 50 الف سنة يساوى بالنسبة لها يوماً واحداً او تستغرق رحلة من السماء للارض ذهاباً واياباً 100 الف سنة بزمن الارض وان كانت يوم واحد بزمن الملائكة

تسلم اديك يا باشا علي التعليق
و حضرتك عارف اني مش فاتح الموضوع ده عشان يبقي في مشاكل
دي نظريه علميه
و انا كنت بحاول اعرف عنها اكتر و بس
و كنت بحاول اناقشها مع الاعضاء محبي العلم زيي
و لكن انا مش عارف ليه الردود كانت بالشكل ده
و انا اسف لو كنت عملت لحضرتك وجع دماغ
انا غلطتي اني بحب العلم و خصوصا النظريات العلميه اللي زي دي
و انا كنت بتفرج علي برنامج العلم و الايمان و انا في اعداي و هو ده اللي حببني في العلم عامه و في الحاجات اللي زي دي خاصه و كمان قريت كتب عن المواضيع دي و عن علم النفس و انا في مرحله الثانويه لان العلم جميل و الثقافه حلوه
و يا ريت كل الناس تعمل كده

رد: نظريه اينيشتين في السفر عبر الزمن

اقتباس:

المشاركة الأصلية كتبت بواسطة bmkbmk (المشاركة 96037)

هو فيه نقطة بس لفتت نظرى .. العضو الكريم pro mada ازاى يا باشا انت مهندس كمبيوتر و كنت ادبى فى ثانوية عامة ؟؟؟؟؟..للاستفسار فقط

كنت ادبي في الثانويه و بعدين دخلت معهد اداره اعمال و حاسب الي عندنا في بورسعيد و المعهد ده 4 سنين و عديت في ال 4 سنين بجيد مرتفع و طبعا انا مستفدش تقريبا اي حاجه من دراستي في المعهد و لكن انا اللي علمت نفسي بنفسي في موضوع الكمبيوتر و اللغه الانجليزيه و انا الحمد لله دلوقتي بقالي تقريبا 3 سنين شغال في صيانه الكمبيوتر و الترجمه كمان

رد: نظريه اينيشتين في السفر عبر الزمن

اقتباس:

المشاركة الأصلية كتبت بواسطة pro mada (المشاركة 96426)

ربنا يوفقك يا باشا .... و انا بحترم قوى الناس اللى بتطور من نفسها و مايعتمدوش على الدراسة بس و عقبال ما نشوفك صاحب شركة كبيرة يا رب ... معلهش هى نقطة الادبى دى بس اثارت فضولى شوية :)

رد: نظريه اينيشتين في السفر عبر الزمن

بجد موضوع جميل وردود اجمل ان دلت تدل علي ثقافة وتدين الشعب المصري

رد: نظريه اينيشتين في السفر عبر الزمن

اقتباس:

المشاركة الأصلية كتبت بواسطة bmkbmk (المشاركة 96439)

ربنا يوفقك يا باشا الله يخليك.... و انا بحترم قوى الناس اللى بتطور من نفسها و مايعتمدوش على الدراسة بس و عقبال ما نشوفك صاحب شركة كبيرة يا رب من بقك لباب السما... معلهش هى نقطة الادبى دى بس اثارت فضولى شوية :) و معلش ليه ؟؟؟؟؟؟؟ في ناس كتير سألتني السؤال ده قبل كده و انا ببقي مبسوط من اللي يحب يتعرف عليا اكتر

ميرسي يا باشا علي تعليقك

رد: نظريه اينيشتين في السفر عبر الزمن

هو ممكن يكون الكلام ده صح بس بصراحة أنا بش مقتنع بيه
أولاً : إذا لم يكن الحاضر قد اكتمل فكيف الحال بالمستقبل
ثانياً : هو إيه سرعة 300 مرة سرعة الضوء
أنا لما بسأل والدتي ( مدرسة فيزياء ) قالتلي أنه إذا وصل الجسم وليس الجسيم إلى سرعة الضوء فإن كتلته ستصبح كبيرة جداً
مع الشرح
لأنه من قانون الكتلة النسبية
أي جسم تزيد سرعته عن سرعة الضوء كتلته تزيد زيادة كبيرة بامتلاء كوكب ( كتلة كوكب ضخم )
وبذلك فإن تحقيق هذه النظرية شبه مستحيل
بعدين نقطة تانية
افترض أن يوم القيامة يقع في 150 سنة اللي هتسافر خلالها هيكون الحالة إيه
وبصراحة نقطة تانية ( إزاي ارسلك في الفضاء تلاقي الزمن مرة 150 سنة وأنت على الأرض )
أخي العزيز هذه الفكرة من الناحية النظرية والفكرية والعملية مرفوضة
وجزاك الله خير على هذا الموضوع اللي خلانا نتناقش ونستفيد من خبرات الآخرين ونتبادل المعرفة وتعلمنا منه طريقة من طرق التفكير العلمي البناء
وشكراً جزيلاً لك
:balloons71::thnkr:

رد: نظريه اينيشتين في السفر عبر الزمن

هو مش حتنط 150 سنة
لا
هو مع زيادة السرعة الزمن بتاعك حيتمط
يعنى زمن سفرك لو عدى عليك ساعة مثلا حيكون عدى على كوكب الارض 150 سنة
فانت مسافرتش فى الزمن و لا حاجة
انت بطأت معدلك الزمنى بس عن طريق تحركك بسرعة