رد: أفضل سيارات عملية و مزايا و سعرها أقل من 95000
 

شكرا على مشاركتك

بس ليا تعليق....

بالنسبة للسيراتو أنا شايف إنها عربية كويسة بس مجال السعر ده يا دوب يجيب أول السيراتو خالص LX بزيادة ألف جنيه. و الحقيقة في السعر الجين 2 تغلب بجدارة وبأقل 6000 جنيه بحالهم بالإضافة لوسادة هواء زيادة و فوانيس ضباب أمامية و خلفية و ِ ABS , EBD و حساسات ركن و حوامل أكواب....إلخ ده بالإضافة إلى إن الأفضلية للأوتوماتيك.

رد: أفضل سيارات عملية و مزايا و سعرها أقل من 95000
 

بص ياسيدي
الجن 2 اللي هي كانت ب 94500 جنيه مابقتش تنزل لانها كانت بتنزل لحد اخر 2008 وكان زياده عن اللي حاليا ب 92000 جنيه مش ب 89000 زي مانت بتقول الا لو جبت خصم

المهم
كان موجود فيها عتب يمين وشمال طبعا وكساحات امايه وخلفيه

ومثبت سرعه في الطاره
وساعه شيك جدا على الطابلوه فوق الكاسيت
وجراب نضاره فوق باب السائق

ده الاختلاف اللي كان موجود

عموما انا من ملاك الجن 2 ال 2008 هاي لاين

ووالله لو رجع بيا الزمن هجيب بردو جن 2

الحمد لله انا حابب العربيه جدا
وقطع غيارها موجوده خارج التوكيل ومعايا عناوين وارقا تليفون الحلات كلها اللي بتشتغل فيها عدا الكبالن وبلية سير الكاتينه
دول مش موجودين بره التوكيل

وانا حاليا السياره عامله معايا 62000 كم وماشاء الله
متابع صيانات السياره داخل التوكيل بالكامل وكل اللي ظهر معايا لوحده كده من السياره كان حاجات هايفه واتغيرت ضمان

عموما توكيل عز العرب كباقي توكيلات مصر واطمنك يمكن من احسنهم ولكن بردو مش متفوق اوي كده وفيه عيوب ولكن احنا كملاك للسياره بنضغط عليه بطرق مشروعه للوصول للاحسن

انا كنت محتار زيكم كده بين اللانسر القرش والالنترا والصني
وفي الاخر توكلت على الله بالجن 2
واحسنت الاختيار بعد ماكنت راكب افيو من منصور شيفروليه اللي والله ماركب من عنده اوبل حتى

اعوذ بالله من ده توكيل

تحياتي للجميع

رد: أفضل سيارات عملية و مزايا و سعرها أقل من 95000
 

شكرا علي مشاركتك يا تويتي26980

شكرا علي مشاركتك يا تويتي26980 و ربنا يحفظلك عربيتك و يديك خيرها و يبعد عنك شرها
انا تقريبا رسيت برده على الجين 2 بس المبلغ يكمل معايا و إن شاء الله أروح أجيبها

أنا قريت قصص عجيبة عنه هنا في المنتدى ptmnlo123per172 و و احد زميلي معاه كورسا سيدان مخنوق منه موتptmnlo123per1106

رد: أفضل سيارات عملية و مزايا و سعرها أقل من 95000
 

اكيييييييييييييييييد

عن تجربه كل كلامي

تحياتي

رد: أفضل سيارات عملية و مزايا و سعرها أقل من 95000
 

1- تويونا ياريس 2009 1300CC فول أوبشن مانيوال 93900 العربية دي ممتازة في السحب وسحب البنزين بتاعها ممتاز جدااا وكفاية انها ياباني
2- تويوتا ياريس 2009 1300CC تكييف و باور و كاسيت أوتوماتيك 95900 بصراحة حرام لما ادفع المبلغ دا كلو في عربية فيها تكيف وباور وكاسيت بس
3- هيونداي نيو أكسنت 2010 1600CC فول أوبشن مانيوال 77900 عربية ممتازة جداا وقطع الغيار رخيصة وسعر اعادة البيع عالي وممتاز
4- هيونداي نيو اكسنت 2010 CC1600 فول أوبشن أونوماتيك83900نفس الكلام الي عن المانوال
5- هيونداي فيرنا 2009 1600CC فول أوبشن أوتوماتيك 75000 (أضيفت نظرا للشعبية التي تتمتع بها و السعر طبعا)بصراحة انا مجبهاش لانها بقت كتيرة جداااااا وبقت تاكسي كتير بجد محسش بتميز
6- هيونداي إلانترا 2010 1600CC فول أوبشن مانيوال 92900عربية ممتازة جدااا وواسعة جدااا من جوة وكماليات كتيرة وشكلها ممتاز برة وجوة
7- هيونداي جتز 2010 1600CC فول أوبشن أتوماتيك + فتحة سقف 81500عربية حلوة وصغيرة وشكلهاا مممتاز بس قطع الغيار غالية نسبيا
8- نيسان صني 2009 1600CC فول أوبشن مانيوال 91000العربية دي حلوة وكويسة جداا بس شكلها مش بيعجبني سواء من الخارج او الداخل ودي مسئلة ازواق + انها تقفيل مصري وانا بكرة التقفييل المصري
9- ميتسوبيشي لانسر 2009 1300CC فول أوبشن مانيوال 93900كتيرر عليها اوي المبلغ ما اجيب يارس احسن
10- بروتون جين 2 2009 1600CC فول أوبشن أتوماتيك 89900 السعر دة قديم تاني حاجة عربية حلوة بس توكيل وحش جدااااااا وقطع غيار غالية جداااااا وجودة الخامات من الداخل مش قد كدة
11- بريليانس إف أر في 2009 1600CC فول أوبشن أوتوماتيك 89900حلوة العربية دي وبدأت تنتشر في مصر بس في الاخراسمها صيني ادفع 90 الف في صيني كتير حبتين عليها

رد: أفضل سيارات عملية و مزايا و سعرها أقل من 95000
 

فكر فى اللوجان

رد: أفضل سيارات عملية و مزايا و سعرها أقل من 95000
 

في عربية نسيت اقول لحضرتك عليها الكيا سيراتو مانوال فول اوبشن بي 96 الف عربية خرافية