|
رد: تجربتى مع بنزين 80 فى الفيرنا
أستاذ أحمد
انا أخوك حمادة ولسه جديد في الفيرنا جبت فيرنا 2007 من 12 يوم بالظبط وبصراحة لما اشتريتها صاحبها قاللي ان فيها مشكلة صغيرة انه حطلها تفويلة 80 وعملت حاجة كده عملت نتشة لما بتجيب اي غيار وتقرص عليه جامد يعني مثلا لو جيبت الأول وقرصت على العربية لحد ماصوتها يعلى كده تلاقي العربية بتمشي لمده معينه وباعدين تبدأ تقطع كده بشكل ملحوظ أوي اللي باع لي قاللي انه فضى التنك خالص وغير الفلتر بتاع البنزين وفولها تفويلة 92 وقاللي انه مع تفويلتين تلاته مني النتشة دي هتروح خالص وانا فولتلها لحد النهاردة 3 مرات اهو ولسة النتشة دي مراحتش ياترى دي أيه وأيه الحل بالظبط |
رد: تجربتى مع بنزين 80 فى الفيرنا
النتشه دى طبيعيه جدا و اسمها تفصيله و دى صانع السياره عملها علشان لما تصرق قوى على الموتور و يوصل لمرحله هو مش هايقد يكمل بعديها الموتور يفصل منك و يرجع تانى و ده علشان الموتور مايبوظش منك
لو عربيتك فيها ار بى ام خليها و هيه وقفله و دوس بنزين على الاخر و شوف التقطيعه دى هاتيجى على كام ار بى ام و لو مافيهاش برضو خليها واقفه و دورس بنزين على الاخر و شوفها هاتفصل ولا لآ و ابقى بلغنى |
رد: تجربتى مع بنزين 80 فى الفيرنا
اقتباس:
انا حبيت اضيف ان بنزين 80في الفيرنا مش هيعمل مشكلة علي المدي الفريب قوي كده . وتحياتي لـ احمد كار |
رد: تجربتى مع بنزين 80 فى الفيرنا
ممكن تضبط الموتور بالكمبيوتر يعي تعدل الكهربا بتاعت العربيه بالكمبيوتر و وتقبل 80 الموضوع ده متجرب في الانوس و الباسات و الجتا علشنا تقل من 95 الي 92 و من 92 الي 80 بس لازم تاخد العربيه و توصلها بالكمبيوترو و تطلع في طريق فاضي خالص علشان تضبط علي السرعات اسال عليها في الحرفيين
|
رد: تجربتى مع بنزين 80 فى الفيرنا
فعلا يا أستاذى الكثير منا يخطئ ويضع بنزين 80 فى حسبانه إنها مش هاتفرق كتير ممكن تخلط 80 مع 90 لكن مينفعش 80 خالـــــص حتى لو مش معاك فلوس لأن أنا معايا شخص كيا سيراتو 2008 الشكل القديم العربية كانت جاية زيروا دلوقتى العربية صوتها عالى أوى فى التسارع وتقيله جدا وبتكركر سألته قالى بحط 80 قلت له حرام عليك فلوسك دى شريها ب103 ألف جنية
|
رد: تجربتى مع بنزين 80 فى الفيرنا
اقتباس:
العربية ياأستاذ أحمد مفيش فيها أر بي إم وجربت أدوس بنزين على الأخر وهي واقفة واطلع على الأول وبرضو لقيت نتشة لما الغيار بحس إنه بيجيب أخره بس لما احس ان النتشة دي جت بنقل للغيار اللي بعده بس انا كل اللي شاف النتشة دي قاللي انها مش طبيعية بس تصليحها بسيط اللي قالي تنضيف دايرة البنزين واللي قاللي الأنجيكشن فيه رواسب مطرح البنزين ال 80 واللي قاللي طقم البوجيهات بس كل ده انا مش روحت بيها لميكانيكي بس قولت أسأل حضرتك بما إنك ليك تجربة مع ال 80 في الفيرنا |
رد: تجربتى مع بنزين 80 فى الفيرنا
لازم بنزين 92 فى السيارات الحديثه
لان الفرق بين 90 ...... 92 10 قروش مش كتير |
| الساعة الآن 08:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017